Vaibhav Sooryavanshi: உலகிலேயே முதல் வீரர்.. நவம்பர் 14ல் சூர்யவன்ஷிக்கு காத்திருக்கும் சூப்பர் சாதனை..
Vaibhav Sooryavanshi Youngest T20 Captain: இந்திய இளம் வீரர் வைபவ் சூர்யவன்ஷி, வரும் நவம்பர் 14, 2026 குழந்தைகள் தினத்தன்று வரலாற்றுச் சாதனை படைக்க உள்ளார். 15 வயது 232 நாட்களில் சையத் முஷ்டாக் அலி கோப்பையில் பீகார் அணிக்கு கேப்டனாக களமிறங்கும் வைபவ், உலகின் இளம் வயது டி20 கேப்டன் என்ற உலக சாதனையைப் படைக்கிறார். இந்த மகத்தான தருணம் கிரிக்கெட் உலகில் புதிய அத்தியாயத்தை உருவாக்கும்.
இந்திய அணியின் (Indian Cricket Team) இளம் அதிரடி தொடக்க ஆட்டக்காரர் வைபவ் சூர்யவன்ஷி ஒரு உலக சாதனை படைக்கப் போகிறார். அதற்கான தேதியும் நேரமும் ஏற்கனவே முடிவு செய்யப்பட்டுவிட்டது. அதன்படி, வருகின்ற குழந்தைகள் தினத்தன்று வைபவ் சூர்யவன்ஷி (Vaibhav Sooryavanshi) சரித்திரம் படைக்கப் போகிறார். இதில் பெரிய விஷயம் என்னவென்றால், வைபவ் இந்த உலக சாதனைக்கான கதையில் நாயகனாகி, கிரிக்கெட் மைதானத்தில் சரித்திரம் படைக்கப் போகிறார்.
ALSO READ: இந்திய அணியில் திடீர் மாற்றம்.. நீக்கப்பட்ட படிதார்..! துணை கேப்டனாக இவரா..?
என்ன சாதனையை படைக்க போகிறார் சூர்யவன்ஷி..?
VIDEO | Patna: Teen sensation Vaibhav Sooryavanshi named captain of Bihar for the opening two matches of upcoming Syed Mushtaq Ali T20 Trophy.
Bihar Cricket Association Secretary Ziaul Arefin says, “The Bihar team’s morale will also receive a significant boost. Vaibhav is a good player, and we hope that his presence will help the team perform well. He also has considerable experience in T20 cricket and has played in the IPL. We are hopeful that Bihar will put up a good performance in the Syed Mushtaq Ali Trophy.”
(Full video available on PTI Videos – https://t.co/bIyFWTfmBd)
— Press Trust of India (@PTI_News) November 7, 2026
வைபவ் சூர்யவன்ஷி குழந்தைகள் தினத்தன்று கிரிக்கெட்டில் இந்த வரலாற்றுச் சாதனையை நிகழ்த்தவுள்ளார். குழந்தைகள் தினமான வருகின்ற 2026 நவம்பர் 14ம் தேதி எஸ்.எம்.ஏ.டி சையத் முஷ்டாக் அலி கோப்பை போட்டியில் விளையாட வைபவ் சூர்யவன்ஷி களமிறங்குவதன் மூலம் அவர் சரித்திரம் படைப்பார். டி20 வடிவத்தில் நடைபெறவுள்ள சையத் முஷ்டாக் அலி கோப்பைத் தொடரில், பீகார் அணி தனது முதல் போட்டியில் சௌராஷ்டிரா அணியை வருகின்ற 2026 நவம்பர் 14ம் தேதி இந்தூரில் எதிர்கொள்கிறது.
இந்தப் போட்டிக்கு வைபவ் சூர்யவன்ஷி கேப்டனாக நியமிக்கப்பட்டுள்ளார். சூர்யவன்ஷி களத்தில் இறங்கும்போது, உலகின் இளம் வயது டி20 கேப்டன் என்ற சாதனையையும் படைப்பார். வைபவ் சூர்யவன்ஷி தனது 15 வயது மற்றும் 232 நாட்களில், எந்தவொரு டி20 அணிக்கும் தலைமை தாங்கும் உலகின் மிக இளைய வீரர் என்ற பெருமையைப் பெறுவார். இதற்கு முன்னர், இந்த உலக சாதனை குரோஷியாவின் ஜாக் வுகுசிக் பெயரில் இருந்தது. வுகுசிக் கடந்த ஆண்டு தனது 17 வயது மற்றும் 311 நாட்களில் சைப்ரஸுக்கு எதிரான டி20 போட்டியில் கேப்டனாக இருந்தார்.
ALSO READ: வைபவ் சூர்யவன்ஷிக்கு வாய்ப்பு மறுப்பு.. விமர்சனங்களுக்கு பதிலடி கொடுத்த கவுதம் கம்பீர்!
இந்தியாவில் ஒரு டி20 அணியின் இளம் வயது கேப்டன் என்ற சாதனையை மஹிபால் லோம்ரோர் படைத்துள்ளார். அவர் 2018-ஆம் ஆண்டு, தனது 18 வயது மற்றும் 67 நாட்களில், சையத் முஷ்டாக் அலி கோப்பையில் ஜார்கண்ட் அணிக்கு எதிராக ராஜஸ்தான் அணிக்குத் தலைமை தாங்கினார். வருகின்ற 2026 நவம்பர் 14ம் தேதி இந்தூரில் சௌராஷ்டிராவுக்கு எதிராக நடைபெறும் போட்டியில், பீகார் டி20 அணிக்குத் தலைமை தாங்கும் வைபவ் சூர்யவன்ஷி உலக சாதனையை முறியடிப்பார் என்பது தெளிவாகிறது.
