IND vs ZIM: ஜிம்பாப்வேக்கு எதிராக சூறாவளியாய் சுழன்ற சூர்யவன்ஷி.. குவிந்த சாதனை பட்டியல்..!
Vaibhav Sooryavanshi Half Century: வைபவ் சூர்யவன்ஷி தனது 15 வயது மற்றும் 118 நாட்களில், தனது முதல் டி20 சர்வதேசப் போட்டியிலேயே அரைசதம் அடித்திருந்தார். இதன் மூலம், அரைசதம் அடித்த இளம் வீரர் என்ற சச்சின் டெண்டுல்கரின் சாதனையை சூர்யவன்ஷி முறியடித்தார். இப்போது, தனது இரண்டாவது அரைசதத்தை அடித்ததன் மூலம், இந்த வயதில் இந்தச் சாதனையை நிகழ்த்திய முதல் வீரர் என்ற பெருமையை பெற்றுள்ளார்.
ஜிம்பாப்வேக்கு எதிரான டி20 தொடரை இந்தியா (Indian Cricket Team) கைப்பற்றிய நிலையில், தற்போது 3வது போட்டி நடைபெற்று வருகிறது. இந்தப் போட்டியில், டாஸ் இந்தியாவுக்கு சாதகமாக விழுந்தவுடன் ஷ்ரேயாஸ் ஐயர் முதலில் பேட்டிங் செய்யத் தீர்மானித்தார். வைபவ் சூர்யவன்ஷி மற்றும் அபிஷேக் சர்மா ஜோடி களமிறங்கியது. எனவே, இரு வீரர்களும் அதிரடியாக பேட்டிங் செய்வார்கள் என்று எதிர்பார்க்கப்பட்டது. ஆனால், இந்தப் போட்டியிலும் அபிஷேக் சர்மா மீண்டும் சொதப்பலான ஆட்டத்தை வெளிப்படுத்தி, 4 பந்துகளை எதிர்கொண்டு 2 ரன்களுக்கு ஆட்டமிழந்தார். அபிஷேக் சர்மா சொற்ப ரன்களில் ஆட்டமிழந்த பிறகும், வைபவ் சூர்யவன்ஷியின் (Vaibhav Sooryavanshi) அதிரடி ஆட்டம் நிற்கவில்லை. தொடர்ந்து ஜிம்பாப்வே பந்துவீச்சாளர்களுக்கு எதிராக சரவெடியாக வெடித்தார். வைபவ் சூர்யவன்ஷி 31 பந்துகளில் 6 பவுண்டரிகள் மற்றும் 2 சிக்ஸர்களை அடித்து, 161.29 ஸ்டிரைக் ரேட்டில் அரைசதம் அடித்தார். இதன் மூலம், அவரது பெயரில் மற்றொரு சாதனை பதிவு செய்யப்பட்டுள்ளது.
ALSO READ: 18 பந்துகளில் அரைசதம் – வைபவ் சூர்யவன்ஷி புதிய சாதனை
வைபவ் சூர்யவன்ஷி சாதனை:
SHOT OF THE SERIES – 15 YEAR OLD VAIBHAV SOORYAVANSHI HAS ARRIVED 😍 pic.twitter.com/R0AReTGIqk
— Johns. (@CricCrazyJohns) July 26, 2026
வைபவ் சூர்யவன்ஷி தனது 15 வயது மற்றும் 118 நாட்களில், தனது முதல் டி20 சர்வதேசப் போட்டியிலேயே அரைசதம் அடித்திருந்தார். இதன் மூலம், அரைசதம் அடித்த இளம் வீரர் என்ற சச்சின் டெண்டுல்கரின் சாதனையை சூர்யவன்ஷி முறியடித்தார். இப்போது, தனது இரண்டாவது அரைசதத்தை அடித்ததன் மூலம், இந்த வயதில் இந்தச் சாதனையை நிகழ்த்திய முதல் வீரர் என்ற பெருமையை பெற்றுள்ளார். சர்வதேச கிரிக்கெட்டில் தனது இரண்டாவது அரைசதத்தை 15 வயது மற்றும் 121 நாட்களில் அவர் அடித்துள்ளார். 15 வயதில் இந்திய அணிக்காக அறிமுகமான பிறகு, ஒரு சர்வதேசத் தொடரில் இரண்டு முறை 50 ரன்களுக்கு மேல் எடுத்த சாதனையையும் படைத்தார். வைபவ் சூர்யவன்ஷி இங்கிலாந்து சுற்றுப்பயணத்தில் அறிமுகமானார். ஆனால் அங்கு அவர் விளையாடிய 3 போட்டிகளிலும் தோல்வியடைந்தார்.
இருப்பினும், ஜிம்பாப்வே சுற்றுப்பயணத்தில் அவரது பேட்டிங் மிகவும் சிறப்பாக இருந்தது. முதல் டி20 சர்வதேசப் போட்டியில் 18 பந்துகளில் அரைசதம் அடித்தார். தொடர்ந்து, அதிரடி ஆட்டத்தை வெளிப்படுத்திய வைபவ் சூர்யவன்ஷி 49 பந்துகளில் 8 பவுண்டரிகள் மற்றும் 4 சிக்ஸர்கள் உதவியுடன் 81 ரன்கள் குவித்து ஆட்டமிழந்தார். வைபவ் சூர்யவன்ஷி சதத்தை வெறும் 19 ரன்களில் தவறவிட்டார். சதத்தையும் பதிவு செய்திருந்தாலும் வைபவ் சூர்யவன்ஷி பேரில் மேலும் ஒரு சாதனை பதிவாகி இருக்கும்.
ALSO READ: தோல்வி எதிரொலி! கவுதம் காம்பீர் மீது நடவடிக்கை? கூட்டத்தை கூட்டும் பிசிசிஐ!
16 வயதுக்குள் 2 அரைசதங்கள்:
16 வயதை நிறைவு செய்வதற்கு முன்பே சர்வதேச கிரிக்கெட்டில் 2 அரை சதங்களை அடித்த முதல் பேட்ஸ்மேன் என்ற பெருமையை வைபவ் சூர்யவன்ஷி பெற்றுள்ளார். இதற்கு முன்பு, நேபாளத்தின் குஷால் மல்லா 16 வயதை நிறைவு செய்வதற்கு முன்பே ஒரு அரை சதம் அடித்திருந்தார். மறுபுறம், வைபவ் சூர்யவன்ஷியின் ஸ்டிரைக் ரேட், முதல் 6 சர்வதேசப் போட்டிகளுக்குப் பிறகு 211-ஐத் தாண்டியுள்ளது. தனது முதல் சர்வதேசப் போட்டிகளில் சில பந்துகளில் இவ்வளவு விரைவாக ரன்களைக் குவித்த ஒரே இளம் பேட்ஸ்மேன் இவர்தான்.
