IND vs PAK Final: அபிஷேக் சர்மாவின் அதிரடி அரைசதம்.. பாகிஸ்தான் அணிக்கு 212 ரன்கள் இலக்கு!
2026 Asian Games Cricket Final: 2026 ஆசிய விளையாட்டு போட்டி பைனலில் இன்று அதாவது 2026 அக்டோபர் 3ம் தேதி இந்தியாவும், பாகிஸ்தானும் விளையாடி வருகிறது. இந்த போட்டியில் டாஸ் வென்ற இந்திய அணி முதலில் பேட்டிங் விளையாடி 20 ஓவர்கள் முடிவில் 6 விக்கெட்கள் இழப்பிற்கு 211 ரன்கள் எடுத்துள்ளது.
2026 ஆசிய விளையாட்டு போட்டி (2026 Asian Games) பைனலில் இன்று அதாவது 2026 அக்டோபர் 3ம் தேதி இந்தியாவும், பாகிஸ்தானும் விளையாடி வருகிறது. இந்த போட்டியில் டாஸ் வென்ற இந்திய அணி முதலில் பேட்டிங் விளையாடி 20 ஓவர்கள் முடிவில் 6 விக்கெட்கள் இழப்பிற்கு 211 ரன்கள் எடுத்துள்ளது. இந்திய அணியில் (Indian Cricket Team) அதிகபட்சமாக தொடக்க வீரர் அபிஷேக் சர்மா 28 பந்துகளில் 3 பவுண்டரிகள் மற்றும் 7 சிக்ஸர்கள் உதவியுடன் 61 ரன்கள் எடுத்திருந்தார். டி20 சர்வதேச கிரிக்கெட்டில் பாகிஸ்தானுக்கு எதிராக இந்தியா எடுத்த அதிகபட்ச ஸ்கோர் இதுவாகும்.
இந்திய அணியின் மற்றொரு தொடக்க வீரரான வைபவ் சூர்யவன்ஷி 9 பந்துகளில் 15 ரன்கள் எடுத்த நிலையில் விரைவில் ஆட்டமிழந்தார். ஆனால் அபிஷேக் ஷர்மா அதிரடியாக ஆடி 2026-ஆம் ஆண்டில் 100 சிக்ஸர்களை எட்டினார். ஷ்ரேயாஸ் ஐயரும் இஷான் கிஷனும் மிடில் ஓவர்களில் இன்னிங்ஸை சிறிது நேரம் நிலைத்து நின்று ஆட, இறுதியில் சிவம் துபே மற்றும் திலக் வர்மாவும் அதிரடியாக ஆடினர்.
ALSO READ: தொடக்க வீரர்களாக கில் – ஜெய்ஸ்வால்.. ரோஹித் விலகலா? இந்திய ஒருநாள் அணியின் பிளேயிங் லெவன்!
211 ரன்கள் குவித்த இந்திய அணி:
A fiery finish ⚡️
How good was that late flourish from Tilak Varma and Shivam Dube? 👌👌
Updates ▶️ https://t.co/g4wzZagyGj#TeamIndia | #AsianGames pic.twitter.com/8S7RZ3HXBR
— BCCI (@BCCI) October 3, 2026
ஆசிய விளையாட்டுப் போட்டிகளின் இறுதிப் போட்டியில் பாகிஸ்தானுக்கு எதிராக இந்திய அணி 211 ரன்கள் எடுத்தது. இதற்கு முன்னர், டி20 சர்வதேசப் போட்டிகளில் பாகிஸ்தானுக்கு எதிராக இந்தியாவின் அதிகபட்ச ஸ்கோர் 192 ஆக இருந்தது. 212 ரன்கள் என்ற இலக்கைத் துரத்துவது பாகிஸ்தானுக்குக் கடினமாக இருக்கும் என்ற எதிர்பார்க்கப்படுகிறது. இந்தியாவுக்கு எதிராக பாகிஸ்தான் வெற்றிகரமாகத் துரத்திப் பிடித்த அதிகபட்ச டி20 சர்வதேச ரன் 182 ஆகும். இதை, பாகிஸ்தான் அணி கடந்த 2022ம் ஆண்டு நடைபெற்ற ஆசியக் கோப்பையில் நிகழ்த்தினர்.
அபிஷேக்-துபே-திலக்கின் அட்டூழியம்
கடைசி ஓவர்களில் ஃபினிஷர் பாத்திரத்தை ஏற்று ஆடிய ஷிவம் துபே, 15 பந்துகளில் 2 பவுண்டரிகள் மற்றும் 2 சிக்ஸர்கள் அடித்து 27 ரன்கள் எடுத்தார். திலக் வர்மா 22 பந்துகளில் 51 ரன்கள் எடுத்து ஆட்டமிழக்காமல் இருந்து, இந்திய இன்னிங்ஸை ஸ்டைலாக முடித்து வைத்தார்.
ALSO READ: கைகுலுக்காத ஷ்ரேயாஸ் – ஃபர்ஹான்.. பைனலில் சுழற்பந்தை நம்பி இறங்கியுள்ள இந்தியா!
15 சிக்ஸர்கள் மற்றும் 13 பவுண்டரிகள்
இந்திய இன்னிங்ஸில் ஆரம்பம் முதல் இறுதி வரை 15 சிக்ஸர்களும் 13 பவுண்டரிகளும் இடம்பெற்றன. கடைசி 3 ஓவர்களில் இந்திய பேட்ஸ்மேன்கள் 57 ரன்களைச் சேர்த்து, பெரும் சேதத்தை ஏற்படுத்தினர். 17வது ஓவரின்போது, இந்தியா 154 ரன்கள் எடுத்திருந்தது, 200 ரன்களை எட்டுவதே எட்டாக்கனியாகத் தோன்றியது. ஆனால், திலக் வர்மாவும் சிவம் துபேயும் பாகிஸ்தான் பந்துவீச்சாளர்களைத் துவம்சம் செய்து, ஸ்கோரை 211 ஆக உயர்த்தினர்.
