IND vs ENG: இந்திய அணிக்கு பகிரங்க சவால்.. முதல் டி20 போட்டிக்கான பிளேயிங் லெவன்.. அதிரடியாக அறிவித்த இங்கிலாந்து!
IND vs ENG 1st T20: ஷ்ரேயாஸ் ஐயர் தலைமையிலான இந்திய அணி, முதல் டி20 போட்டியில் போட்டியை நடத்தும் இங்கிலாந்தை இன்று அதாவது 2026 ஜூலை 1ம் தேதி எதிர்கொள்கிறது . இருப்பினும், போட்டிக்கு முன்னதாக நிலவும் வானிலையானது 2 நாட்டு கிரிக்கெட் ரசிகர்களுக்கும் கவலைகளை ஏற்படுத்தியுள்ளது.
அயர்லாந்திடம் 0-2 என்ற கணக்கில் தொடரை இழந்த ஷ்ரேயாஸ் ஐயர் தலைமையிலான இந்திய அணி (Indian Cricket Team), ஒரு புதிய தொடக்கத்தின் நம்பிக்கையுடன் இங்கிலாந்து சுற்றுப்பயணத்தை மேற்கொள்கிறது. ஷ்ரேயாஸ் ஐயர் தலைமையிலான இந்திய அணி, முதல் டி20 போட்டியில் போட்டியை நடத்தும் இங்கிலாந்தை (IND vs ENG 1st T20) இன்று அதாவது 2026 ஜூலை 1ம் தேதி எதிர்கொள்கிறது . இருப்பினும், போட்டிக்கு முன்னதாக நிலவும் வானிலையானது 2 நாட்டு கிரிக்கெட் ரசிகர்களுக்கும் கவலைகளை ஏற்படுத்தியுள்ளது. சமீபத்திய தகவல்களின்படி, இந்தியா – இங்கிலாந்து இடையிலான முதல் டி20 போட்டியில் மழை காரணமாக ஆட்டமானது பலமுறை தடைபடக்கூடும்.
ALSO READ: ஊரடங்கியதும் தொடங்கும் இந்தியா – இங்கிலாந்து போட்டி.. எங்கே காணலாம்?
விறுவிறுப்பை கெடுத்துவிடுமா மழை..?
அக்யூவெதர் (AccuWeather) தகவலின்படி, செஸ்டர்-லெ-ஸ்ட்ரீட் பகுதியில் மாலையில் மேகமூட்டமாகக் காணப்படும் என்றும், மழை பெய்ய அதிக வாய்ப்புள்ளது என்றும் எதிர்பார்க்கப்படுகிறது. போட்டியின் போது மழை பெய்வதற்கான வாய்ப்பு 61 சதவீதம் ஆகும். இத்தகைய சூழ்நிலையில், போட்டி இடைநிறுத்தப்படலாம் அல்லது ஓவர்கள் குறைக்கப்படலாம். வெப்பநிலை சுமார் 16 டிகிரி செல்சியஸ் ஆக இருக்கும், ஆனால் பலத்த காற்று காரணமாக, உண்மையான வெப்பநிலை சுமார் 11 டிகிரி செல்சியஸ் ஆக இருக்கலாம்.
போட்டியின் போது தென்மேற்கு திசைக் காற்று மணிக்கு சுமார் 20 கி.மீ வேகத்தில் வீசும் என்றும், அதன் வேகம் மணிக்கு 50 கி.மீ வரை அதிகரிக்கக்கூடும் என்றும் எதிர்பார்க்கப்படுகிறது. வானிலை அறிக்கைகளின்படி, வானம் 97% மேகமூட்டத்துடன் காணப்படும். இரவு நேர வெப்பநிலை 13 டிகிரி செல்சியஸாகக் குறையும் என்றும், மழை பெய்ய 60% வாய்ப்புள்ளது என்றும் எதிர்பார்க்கப்படுகிறது. இந்நேரத்தில் காற்றின் வேகம் மணிக்கு 56 கி.மீ வரை எட்டக்கூடும்.
இந்தியாவுக்கு எதிரான முதல் டி20 போட்டியில் இங்கிலாந்தின் ஆடும் XI.
பில் சால்ட், ஜோஸ் பட்லர், ஹாரி புரூக் (கேப்டன்), ஜேக்கப் பெத்தேல், டாம் பாண்டன், சாம் கரண், வில் ஜாக்ஸ், லியாம் டாசன், சாகிப் மஹ்மூத், ஆதில் ரஷீத் மற்றும் லூக் வுட்.
கணிக்கப்பட்ட இந்திய அணியின் விவரம்:
ஷ்ரேயாஸ் ஐயர் (கேப்டன்), வைபவ் சூர்யவன்ஷி, அபிஷேக் சர்மா, இஷான் கிஷன், திலக் வர்மா, சிவம் துபே, அக்சர் படேல், ரவி பிஷ்னோய், ஹர்ஷித் ராணா, அர்ஷ்தீப் சிங், பிரின்ஸ் யாதவ்.
ALSO READ: சூர்யவன்ஷி உள்ளே.. யார் வெளியே? இங்கிலாந்து எதிரான முதல் டி20.. இந்திய பிளேயிங் லெவன் எப்படி?
டி20 தொடர் அட்டவணை:
- 2026 ஜூலை 1 – முதல் டி20 போட்டி, பேங்க்ஸ் ஹோம்ஸ் ரிவர்சைடு, செஸ்டர்-லெ-ஸ்ட்ரீட், இரவு 10 மணி.
- 2026 ஜூலை 4 – 2வது டி20 போட்டி, எமிரேட்ஸ் ஓல்ட் டிராஃபோர்டு, மான்செஸ்டர், இரவு 7 மணி.
- 2026 ஜூலை 7 – 3வது டி20 போட்டி, டிரென்ட் பிரிட்ஜ், நாட்டிங்ஹாம், இரவு 10 மணி.
- 2026 ஜூலை 9 – 4வது டி20, சீட் யூனிக் ஸ்டேடியம், பிரிஸ்டல், இரவு 10 மணி.
- 2026 ஜூலை 11 – 5வது டி20 போட்டி, யூட்டிலிட்டி பவுல், சவுத்தாம்ப்டன், இரவு 7 மணி
