Hair Care: அதிகப்படியான முடி உதிர்தல் பிரச்சனையா..? இந்த ஊட்டச்சத்து குறைபாடே காரணம்!
Hair Thinning Solutions: முடி மெலிந்து பளபளப்பை இழப்பது, உதிர்வது மாசுபாட்டால் மட்டுமல்ல, புரதக் குறைபாட்டாலும் இந்தப் பிரச்சனை ஏற்படலாம். உடலுக்குப் போதுமான புரதம் கிடைக்காதபோது, அது இதயம் மற்றும் மூளை போன்ற முக்கியமான உறுப்புகளுக்கு புரதத்தை அனுப்பி, முடி வளர்ச்சியை நிறுத்துகிறது.
பலரும் முடி உதிர (Hair Fall) ஆரம்பித்தவுடன் ஷாம்பு, எண்ணெய் அல்லது சீரம் ஆகியவற்றை பயன்படுத்த தொடங்குகிறோம். ஆனால், முடி உதிர்தல் தினமும் உட்கொள்ளும் உணவிலிருந்தும் வரலாம் என்பது உங்களுக்குத் தெரியுமா.? முடி மெலிந்து பளபளப்பை இழப்பது, உதிர்வது மாசுபாட்டால் மட்டுமல்ல, புரதக் குறைபாட்டாலும் இந்தப் பிரச்சனை ஏற்படலாம். உடலுக்குப் போதுமான புரதம் கிடைக்காதபோது, அது இதயம் (Heart) மற்றும் மூளை போன்ற முக்கியமான உறுப்புகளுக்கு புரதத்தை அனுப்பி, முடி வளர்ச்சியை நிறுத்துகிறது. இந்த உள் ஊட்டச்சத்து குறைபாட்டை சரியாகக் கண்டறிந்து, உணவின் மூலம் மீண்டும் முடியை வலுப்படுத்துவது இன்றைய நாட்களில் மிகவும் முக்கியம். எனவே, புரதக் குறைபாட்டால் என்ன நடக்கிறது, உடலுக்கு எவ்வளவு புரதம் தேவை, முடி உதிர்வைத் தடுக்க என்ன வகையான உணவுகளை உட்கொள்ள வேண்டும் என்பதை தெரிந்து கொள்வோம்.
ALSO READ: குளிர்காலத்தில் சரும வறட்சி ஏன்..? சரிசெய்ய இயற்கை வழிகள் இதோ!
புரதக் குறைபாட்டால் முடியில் ஏற்படும் மாற்றங்கள்:
- முடி வளர நீண்ட நாட்கள் எடுக்கும்.
- புரத குறைபாட்டால் நகங்கள் எளிதில் உடையக்கூடியதாக மாறும்.
- முடி மெலிதல் உச்சந்தலையின் மையத்தில் மிகத் தெளிவாகத் தெரிய தொடங்கும்.
- முடி அதன் பளபளப்பை இழந்து புல்லைப் போல உயிரற்றதாகிவிடும்.
நீங்கள் தினமும் எவ்வளவு புரதத்தை உட்கொள்ள வேண்டும்?
பொதுவாக, ஒரு குறிப்பிட்ட வயதுடையவர் ஒரு கிலோ உடல் எடையில் 0.8 முதல் 1 கிராம் புரதத்தை உட்கொள்ள வேண்டும். உதாரணமாக, 60 கிலோ எடையுள்ள ஒருவர் ஒரு நாளைக்கு 50 முதல் 60 கிராம் புரதத்தை உட்கொள்ள வேண்டும். அதிக கார்போஹைட்ரேட் உட்கொள்ளல் பலருக்கு புரதக் குறைபாட்டிற்கு வழிவகுக்கிறது என்பதையும் நினைவில் கொள்ள வேண்டும்.
தலைமுடிக்கு ஊட்டமளிக்கும் புரதச்சத்து நிறைந்த உணவுகள்:
முட்டைகள்:
முட்டைகளில் புரதம், பயோட்டின் மற்றும் சல்பர் நிறைந்துள்ளன.
பனீர் மற்றும் டோஃபு:
பனீர் மற்றும் டோஃபு சைவ உணவு, தினமும் பருப்பு வகைகளை உட்கொள்வது அமினோ அமிலங்களை வழங்கி முடிக்கு ஊட்டமளிக்கும்.
தயிர்:
வழக்கமான தயிரைக் காட்டிலும் கிரேக்க தயிரில் அதிக புரதச் சத்து உள்ளது.
மீன் மற்றும் சிக்கன்:
மீன் மற்றும் சிக்கன் புரதத்தின் நல்ல ஆதாரங்களாக பார்க்கப்படுகிறது.
ALSO READ: முடி பராமரிப்பில் ஏற்படும் இந்த சிறிய தவறுகள்.. முடி உதிர்தலை அதிகரிக்கும்..!
இது மட்டுமல்ல, உங்கள் செரிமான அமைப்பும் இந்த விஷயத்தில் ஒரு பங்கை வகிக்கிறது. ஏனெனில் இது புரதத்தை உட்கொள்வது மட்டுமல்ல, உடலால் அதை உறிஞ்சுவதும் பற்றியது. உங்களுக்கு வாயு, அமிலத்தன்மை அல்லது செரிமான பிரச்சினைகள் இருந்தால், நீங்கள் உட்கொள்ளும் புரதம் சரியாக உறிஞ்சப்படாமல் போகலாம். எனவே, முடி ஆரோக்கியத்தை மேம்படுத்த உங்கள் செரிமான அமைப்பை மேம்படுத்துவதும் முக்கியம்.
