மைக்ரோவேவ் ஓவனில் இந்த 5 உணவுகளைச் சூடாக்கினால் ஆபத்து..!

மைக்ரோவேவ் ஓவனில் குறிப்பிட்ட சில உணவுகளை மீண்டும் சூடாக்கும்போது அவை நச்சுத்தன்மையாக மாற அதிக வாய்ப்புள்ளது. வேகவைத்த முட்டையை இதில் வைத்தால் உட்புற நீராவி அழுத்தத்தால் அது வெடித்துச் சிதறும் ஆபத்து உள்ளது. பிராக்கோலி மற்றும் கீரை போன்ற வைட்டமின் சி நிறைந்த காய்கறிகள் மைக்ரோவேவ் வெப்பத்தில் தங்களின் முக்கிய ஊட்டச்சத்துக்களை இழக்கின்றன. குளிர்சாதனப் பெட்டியில் வைக்கப்பட்ட கோழிக்கறியை சூடேற்றும்போது அதன் புரத அமைப்பு மாறி செரிமானக் கோளாறுகளை உண்டாக்கும். மீன் போன்ற கடல் உணவுகள் இதன் அதிக வெப்பத்தால் ஈரப்பதம் இழந்து ரப்பர் போலக் கடினமாக மாறிவிடும். மேலும் மீதமான அரிசி சாதத்தில் உள்ள பாக்டீரியாக்கள் முழுமையாக அழியாமல் உணவு நச்சாதல் (Food Poisoning) ஏற்படக்கூடும்.

வேகவைத்த முட்டை

வேகவைத்த முட்டைகளை மைக்ரோவேவில் மீண்டும் சூடாக்குவது முற்றிலும் தவிர்க்கப்பட வேண்டும். முட்டையில் உள்ள புரதம் மற்றும் நீரின் அளவு மைக்ரோவேவின் அதிக வெப்பத்தால் உட்புறத்தில் கடுமையான நீராவி அழுத்தத்தை உருவாக்குகிறது. இதனால் முட்டை வெடித்துச் சிதறி விபத்து ஏற்பட வாய்ப்புள்ளது. மேலும், முட்டையின் இயல்பான தன்மையும் சுவையும் முற்றிலும் மாறிவிடும்.

வைட்டமின் சி நிறைந்த உணவுகள்

பிராக்கோலி, குடைமிளகாய் மற்றும் கீரை வகைகள் போன்ற வைட்டமின் சி அதிகம் கொண்ட காய்கறிகளை மைக்ரோவேவில் சூடேற்றக் கூடாது. வைட்டமின் சி வெப்பத்திற்கு மிகவும் உணர்திறன் கொண்டது என்பதால், மைக்ரோவேவின் திடீர் அதிக வெப்பம் அதில் உள்ள ஊட்டச்சத்துக்களை அழித்துவிடும். இதனால் காய்கறிகள் சத்துக்களை இழந்து வெறும் சக்கையாக மாறுகின்றன.

கோழிக்கறி (சிக்கன்)

குளிர்சாதனப் பெட்டியில் வைக்கப்பட்ட கோழிக்கறியை மைக்ரோவேவில் மீண்டும் சூடாக்கும்போது, அதிலுள்ள புரத அமைப்பு முற்றிலுமாக மாற்றம் அடைகிறது. இதனால் செரிமானப் பிரச்சினைகள் ஏற்படக்கூடும். மேலும், மைக்ரோவேவில் வெப்பம் சீராகப் பரவாததால் கறியின் ஈரப்பதம் காய்ந்து, சுவையும் கடினத் தன்மையாக மாறிவிடும்.

Also Read: 2 வயது வரை ‘நோ சுகர்’: புற்றுநோய் அபாயத்தை பாதியாகக் குறைக்கும் புதிய ஆய்வு!

கடல் உணவுகள்

மீன் மற்றும் பிற கடல் உணவுகளை மைக்ரோவேவ் ஓவனில் சூடேற்றுவது நல்லது அல்ல. அதிக வெப்பத்தினால் மீனில் உள்ள இயற்கை ஈரப்பதம் ஆவியாகி, அது ரப்பர் போலக் கடினமாகிவிடும். அத்துடன், கடல் உணவுகளில் உள்ள ஒமேகா-3 கொழுப்பு அமிலங்களின் நன்மைகளும் குறைந்து, வயிறு கோளாறுகள் ஏற்படவும் வாய்ப்புள்ளது.

வேகவைத்த அரிசி சாதம்

மீதமான சாதத்தை மைக்ரோவேவில் வைக்கும்போது சீரற்ற முறையில் வெப்பமடைகிறது. அரிசியில் காணப்படும் பாக்டீரியா வித்துக்கள் (Bacillus cereus) சில இடங்களில் அழியாமல் தங்கிவிடும். இது விஷத்தன்மையை உருவாக்கி, உணவு நச்சாதல் (Food Poisoning), வாந்தி மற்றும் வயிற்றுப்போக்கு போன்ற தீவிர பாதிப்புகளுக்கு வழிவகுக்கும்.

பொறுப்புத் துறப்பு: இத்தளத்தில் உள்ள லைப்ஸ்டைல், ஆரோக்கியம் மற்றும் உணவு சார்ந்த தகவல்கள் பொதுவான விழிப்புணர்விற்காக மட்டுமே; இவை மருத்துவ ஆலோசனையல்ல. இதில் உள்ள குறிப்புகளைப் பின்பற்றும் முன் தகுந்த நிபுணர் அல்லது மருத்துவரின் ஆலோசனையைப் பெறுவது அவசியமாகும்.