Health Tips: தூக்கத்தில் பற்களை கடிக்கிறீர்களா? இதற்கான முக்கிய காரணம் இதுதான்!
Sleeping Bruxism: தூக்கத்தில் பற்களைக் கடிக்கும் நபருக்கு அது பெரும்பாலும் தெரிவதில்லை. இரவில் குடும்பத்தில் யாரேனும் ஒருவர் பற்களை கடிக்கலாம். காலையில் எழுந்தவுடன் தாடைத் தசைகளில் வலி அல்லது சோர்வு, தலைவலி, அல்லது பல் கூச்சம் போன்றவையும் இதன் அறிகுறிகளாக இருக்கலாம்.
உங்கள் குடும்பத்தில் யாராவது தூங்கும்போது பற்களைக் கடிப்பதை பார்த்து பயந்து இருக்கிறீர்களா..? தூக்கத்தின் போது (Sleeping) தங்கள் பற்கள் ஒன்றோடு ஒன்று உரசுவதையோ அல்லது தாடை இறுகுவதையோ பலர் உணர்வதே இல்லை. இந்த நிகழ்வு ‘ப்ரூக்ஸிசம்’ (bruxism) என்று அழைக்கப்படுகிறது. இது தூக்கத்தின் போதும், விழித்திருக்கும் போதும் ஏற்படலாம். இந்தப் பிரச்சனை குழந்தைகள் மற்றும் பெரியவர்கள் இருவரிடமும் காணப்படுகிறது. எப்போதாவது அல்லது லேசாகப் பற்களைக் கடிப்பது பெரிய பிரச்சனை அல்ல. ஆனால் அது அடிக்கடி மற்றும் அதிகமாக நடந்தால், அது பற்களையும் தாடையையும் பாதிக்கக்கூடும். காலையில் எழுந்தவுடன் தாடையில் வலி அல்லது இறுக்கம், தலைவலி, பல் கூச்சம் மற்றும் பற்களைக் கடித்தல் போன்ற அறிகுறிகள் இந்தப் பிரச்சனைகள் ஏற்படலாம்.
ALSO READ: அடிக்கடி பாதங்கள் வலிக்கின்றனவா? இந்த வைட்டமின் குறைபாடே காரணம்!
இது எதனால் ஏற்படுகிறது..?
பற்களைக் கடிக்கும் பழக்கத்திற்கு மன அழுத்தம் மற்றும் பதட்டம் ஆகியவையும் காரணமாக இருக்கலாம். குறட்டை மற்றும் தூக்கத்தில் மூச்சுத்திணறல் போன்ற தூக்கப் பிரச்சனைகளுடன் இதுவும் ஏற்படலாம். அதேநேரத்தில், அதிகப்படியான காஃபின் பயன்பாடு மற்றும் புகைப்பிடித்தல் போன்றவைகளுடன் சில மருந்துகளும் பற்களைக் கடிக்கும் பழக்கத்தை உண்டாக்கலாம். எனவே நீங்களாகவே மருந்துகளை நிறுத்துவதை விட மருத்துவரை அணுகுவது சிறந்தது.
பற்களை சேதப்படுத்தலாம்..
தூக்கத்தில் பற்களைக் கடிக்கும் நபருக்கு அது பெரும்பாலும் தெரிவதில்லை. இரவில் குடும்பத்தில் யாரேனும் ஒருவர் பற்களை கடிக்கலாம். காலையில் எழுந்தவுடன் தாடைத் தசைகளில் வலி அல்லது சோர்வு, தலைவலி, அல்லது பல் கூச்சம் போன்றவையும் இதன் அறிகுறிகளாக இருக்கலாம். நீண்டகால, தீவிரமான பல் கடிக்கும் பழக்கம், பற்கள் தேய்வதற்கோ, உடைவதற்கோ அல்லது விரிசல் ஏற்படுவதற்கோ வழிவகுக்கும்.
ALSO READ: காய்ச்சலும் உடல் வலியும் இருந்தால் அது டெங்குவா? இதை தெரிஞ்சுக்கோங்க!
இந்த விஷயங்களில் கவனம்:
பற்களைக் கடிக்கும் பழக்கத்திற்கான சிகிச்சை அனைவருக்கும் ஒரே மாதிரியாக இருப்பதில்லை. லேசான பாதிப்புகளுக்கு எப்போதும் சிகிச்சை தேவைப்படுவதில்லை. போதுமான அளவு உறங்குவது, சீரான உறக்கம் மற்றும் விழிப்பு நேரத்தைப் பின்பற்றுவது, மற்றும் மன அழுத்தத்தைக் குறைப்பது போன்றவை உதவும். பற்களுக்கு சேதம் ஏற்படுவதைத் தடுக்க, இரவில் அணிவதற்காக பல் மருத்துவர்கள் வாய்க் கவசத்தையும் (mouthguard) பரிந்துரைக்கலாம். எனவே, ஒருவர் உறக்கத்தின் போது மீண்டும் மீண்டும் பற்களைக் கடிப்பதாகக் கூறினால், அதை ஒரு பழக்கம் என்று புறக்கணிப்பதைத் தவிர்ப்பது நல்லது. குறிப்பாக, பல் வலி, கூச்சம், தேய்மானம், அல்லது தொடர்ச்சியான தாடை அசௌகரியம் இருந்தால், பல் மருத்துவரை அணுகுவது சிறந்தது.
