72வது தேசிய திரைப்பட விருதுகள் வழங்கும் விழா எப்போது? முழுமையான விவரம் இதோ
இந்திய சினிமாவில் சிறந்த கலைத்திறன் மற்றும் தொழில்நுட்ப பங்களிப்புகளை கௌரவிக்கும் நாட்டின் உயரிய விருதுகளில் ஒன்றாக தேசிய திரைப்பட விருதுகள் கருதப்படுகின்றன. இந்த நிலையில் 2026 செப்டம்பர் 22ஆம் தேதி குஜராத் மாநிலத்தின் ஏக்தா நகரில் நடைபெறும் விழாவில் குடியரசுத் தலைவர் விருதுகளை வழங்க உள்ளார்.
இந்திய சினிமாவில் சிறந்த கலைத்திறன் மற்றும் தொழில்நுட்ப பங்களிப்புகளை கௌரவிக்கும் நாட்டின் உயரிய விருதுகளில் ஒன்றாக தேசிய திரைப்பட விருதுகள் கருதப்படுகின்றன. கடந்த 1954 ஆம் ஆண்டு தொடங்கப்பட்ட இந்த விருதுகளை ஆண்டுதோறும் மத்திய தகவல் மற்றும் ஒளிபரப்பு அமைச்சகம் வழங்கி வருகிறது. கடந்த 70 ஆண்டுகளாக இந்தியாவின் பல்வேறு மொழிகள், மாநிலங்கள் மற்றும் கலாசாரங்களைச் சேர்ந்த திரைப்படங்கள் இந்த விருதுகள் மூலம் தேசிய அளவில் அங்கீகரிக்கப்பட்டு வருகின்றன.
தேசிய திரைப்பட விருதுகள் முக்கியமாக 3 பிரிவுகளில் வழங்கப்படுகின்றன. அவை சிறந்த திரைப்படங்கள், ஆவணப்படங்கள் மற்றும் குறும்படங்கள் ஆகியவற்றுக்கு விருதுகள் வழங்கப்படுகின்றன. மேலும், திரைப்படம் குறித்த விமர்சனங்களுக்கான விருதும் அடங்கும். இதனுடன் இந்திய சினிமாவுக்கான வாழ்நாள் சாதனையை கவுரவிக்கும் தாதா சாகேப் பால்கே தனி உயரிய விருதாக வழங்கப்படுகிறது.
72வது தேசிய திரைப்பட விருதுகள்
கடந்த 2024 ஆம் ஆண்டில் சான்றிதழ் பெற்ற திரைப்படங்களின் சாதனைகளைப் பாராட்டும் வகையில் 72வது தேசிய திரைப்பட விருதுகள் அறிவிக்கப்பட்டுள்ளன. இந்த விருதுகளின் வெற்றியாளர்கள் கடந்த 2026 ஜூலை 18ஆம் தேதி அறிவிக்கப்பட்டனர். இந்த நிலையில் குடியரசுத் தலைவர் 2026 செப்டம்பர் 22ஆம் தேதி குஜராத் மாநிலத்தின் ஏக்தா நகரில் நடைபெறும் விழாவில் விருதுகளை வழங்க உள்ளார்.
இந்த ஆண்டுக்கான விருது வழங்கும் நிகழ்ச்சி தலைநகர் டெல்லிக்கு வெளியே நடைபெறுவது குறிப்பிடத்தக்கது. இனி வரும் ஆண்டுகளில் தேசிய திரைப்பட விருது விழா நாட்டின் பல்வேறு மாநிலங்கள் மற்றும் நகரங்களில் நடத்தப்படும் வகையில் மத்திய அரசு புதிய முயற்சியை முன்னெடுத்துள்ளதாக தெரிவிக்கப்பட்டுள்ளது.
விருதுகளின் நோக்கம்
சமூக அக்கறை கொண்ட திரைப்படங்களின் உருவாக்கத்தை ஊக்குவிப்பதே இவ்விருதுகளின் முதன்மை நோக்கமாகும். இவை நாடு முழுவதும் உள்ள பல்வேறு கலாச்சாரங்களைப் புரிந்துகொள்ளவும் மதிக்கவும் பார்வையாளர்களுக்கு உதவுகின்றன; இதன் மூலம் தேசிய ஒற்றுமை மற்றும் ஒருமைப்பாடு வளர்க்கப்படுகிறது.
இவ்விருதுகள் திரைப்படக் கலையை ஆய்வு செய்யவும் அதைப் போற்றவும் ஊக்கமளிக்கின்றன. இத்துறையைப் பற்றிய விமர்சன ரீதியான பகுப்பாய்வுகள்—புத்தகங்கள், கட்டுரைகள் மற்றும் விமர்சனங்கள் வாயிலாக—பரந்த வாசகர் வட்டத்தைச் சென்றடைகின்றன.
72-வது தேசிய திரைப்பட விருதுகளுக்கு, 2024ஆம் ஆண்டில் தணிக்கைக் குழுவின்) சான்றிதழ் பெற்ற திரைப்படங்கள் பரிசீலிக்கப்பட்டன. ‘ஆர்டிகிள் 370’ சிறந்த திரைப்படத்திற்கான விருதை வென்றது. அதே படத்தில் நடித்ததற்காக யாமி கௌதம் சிறந்த நடிகைக்கான விருதைப் பெற்றார். சிறந்த நடிகருக்கான விருதை மம்மூட்டியும் கார்த்திக் ஆர்யனும் பகிர்ந்துகொண்டனர். ‘பிரமயுகம்’ = படத்திற்காக மம்மூட்டியும், ‘சந்து சாம்பியன்’ =) படத்திற்காக கார்த்திக் ஆர்யனும் கௌரவிக்கப்பட்டனர்.
‘அமரன்’ = படத்திற்காக ராஜ்குமார் பெரியசாமி சிறந்த இயக்குநருக்கான விருதை வென்றார். ‘கல்கி 2898 ஏடி’ சிறந்த பிரபலமான திரைப்படமாகத் தேர்ந்தெடுக்கப்பட்டது. ‘சுதந்திர வீர் சாவர்க்கர்’ படத்திற்காக ரந்தீப் ஹூடா சிறந்த அறிமுக இயக்குநருக்கான விருதைப் பெற்றார். ‘பங்கர்’ சிறந்த ‘நான்-ஃபீச்சர்’ திரைப்படமாகவும், ராம்-நாமி சிறந்த ஆவணப்படமாகவும் தேர்ந்தெடுக்கப்பட்டன.
தாதாசாகேப் பால்கே விருது
2024-ஆம் ஆண்டிற்கான தாதாசாகேப் பால்கே விருது பிரபல கன்னட நடிகர் ஆனந்த் நாக்கிற்கு வழங்கப்படவுள்ளது. மத்திய அரசு இந்த முடிவை செப்டம்பர் 16, 2026 அன்று அறிவித்தது. இவர் ஆறுக்கும் மேற்பட்ட இந்திய மொழிகளில் 300க்கும் மேற்பட்ட திரைப்படங்களில் பல்வேறு விதமான கதாபாத்திரங்களில் நடித்துள்ளார். கடந்த 2023 ஆம் ஆண்டிற்கான தாதாசாகேப் பால்கே விருது மோகன்லாலுக்கு வழங்கப்பட்டது.
