கல்லீரலை ஆரோக்கியமாக பராமரிக்க வேண்டுமா? இந்த 8 உணவுகளை டிரை பண்ணுங்க!
Liver Health Foods : நமது உடல் சீராக செயல்பட, கல்லீரல் முக்கிய பங்கு வகிக்கிறது. இரத்தத்தை சுத்திகரிப்பது, நச்சுகளை நீக்குவது என பல செயல்கள் இதில் நடைபெறுகின்றன. ஆனால் வாழ்க்கைமுறை மாற்றம் மற்றும் தவறான உணவுப்பழக்கங்கள் காரணமாக இப்போது பலருக்கும் ஃபேட்டி லிவர் போன்ற பிரச்னைகள் உருவாகி வருகின்றன. இவற்றை இயற்கை உணவுகளால் தவிர்க்க முடியும். அதுகுறித்து இந்த கட்டுரையில் பார்க்கலாம்.
நமது உடலில் உள்ள மிக முக்கியமான உறுப்புகளில் ஒன்று கல்லீரல் (Liver). இது இரத்தத்தை சுத்திகரிக்கிறது. இது உணவை ஜீரணித்து சத்துக்களை பிரித்து வழங்கி உடலுக்கு ஆற்றலை வழங்குகிறது. எனவே, ஒட்டுமொத்த உடல் ஆரோக்கியத்திற்கும் ஆரோக்கியமான கல்லீரல் மிகவும் முக்கியமானது.முன்பு மதுப்பழக்கம் இருப்பவர்களுக்கு மட்டும் தான் கல்லீரல் பிரச்னை இருக்கும். ஆனால் இப்பொழுது வாழ்க்கை முறை மாற்றத்தால் அனைவருக்கு ஃபேட்டி லிவர் (Fatty Liver) எனப்படும் கல்லீரலில் கொழுப்பு படியும் பிரச்னை இருந்து வருகிறது. நாம் உண்ணும் உணவுமுறை கல்லீரலின் ஆரோக்கியத்தை மேம்படுத்துவதற்கும் அதை சுத்தமாக வைத்திருப்பதற்கும் முக்கியமாகும். குறிப்பிட்ட சில இயற்கை உணவுகள் கல்லீரல் செயல்பாட்டை பெரிதும் மேம்படுத்தும். அதுகுறித்து இந்த கட்டுரையில் விரிவாக பார்க்கலாம்.
கல்லீரல் ஆரோக்கியத்திற்கு உதவும் இயற்கை உணவுகள்
- பூண்டு கல்லீரலுக்கு மிகவும் நல்லது. இது கல்லீரலில் உள்ள நொதிகளைத் தூண்டுகிறது. உடலில் இருந்து நச்சுகளை வெளியேற்ற உதவுகிறது.
- திராட்சைப்பழத்தில் உள்ள ஆன்டிஆக்ஸிடன்ட்கள் மற்றும் வைட்டமின் சி கல்லீரலைப் பாதுகாக்கின்றன. மேலும் இது நச்சுப் பொருட்களை வெளியேற்றி கல்லீரலை ஆரோக்கியமாக வைத்திருக்கும்.
- பச்சை காய்கறிகள் கல்லீரலுக்கு உண்மையான சூப்பர்ஃபுட்கள். கீரை, பசலைக்கீரை மற்றும் ப்ரோக்கோலி ஆகியவை குளோரோபில் மற்றும் பிற ஆக்ஸிஜனேற்றிகளை வழங்குகின்றன. இவை கல்லீரலை சுத்தப்படுத்தக்கூடியவை. அவகேடோவில் ஆரோக்கியமான கொழுப்புகள் மற்றும் குளுதாதயோன் உள்ளது. இவை கல்லீரல் ஆரோக்கியத்தை மேம்படுத்துகின்றன.
இதையும் படிக்க : உங்களுக்கு முட்டை நல்லதா? யார் யார் தவிர்க்க வேண்டும்..?
- கிரீன் டீயில் உள்ள கேட்டசின்கள் கல்லீரல் செயல்பாட்டை மேம்படுத்துகின்றன. கல்லீரல் நோய்களின் அபாயத்தைக் குறைக்கலாம்.
- எலுமிச்சை மற்றும் ஆரஞ்சு போன்ற சிட்ரஸ் பழங்கள் வைட்டமின் சியை வழங்குகின்றன. இவை கல்லீரலில் நச்சு நீக்கும் செயல்முறைக்கு உதவுகின்றன.
- மஞ்சளில் உள்ள குர்குமின், சக்திவாய்ந்த அழற்சி எதிர்ப்பு மற்றும் ஆக்ஸிஜனேற்ற பண்புகளைக் கொண்டுள்ளது. இது கல்லீரலுக்கு மிகவும் நன்மை பயக்கும்.
- இவை தவிர, வால்நட்ஸ் மற்றும் ஆலிவ் எண்ணெய் ஆகியவை கல்லீரல் ஆரோக்கியத்திற்கு பங்களிக்கின்றன. வால்நட்ஸில் ஒமேகா-3 கொழுப்பு அமிலங்கள் உள்ளன.
இதையும் படிக்க: தைராய்டு நோயாளிகள் இந்த உணவுகளை சாப்பிடக்கூடாது.. இது பிரச்சனையை அதிகரிக்கும்..!
பொதுவாக கல்லீரல் பிரச்னைகள் ஆரம்பத்தில் பெரிதாக தெரியாது. பாதிப்பு தீவிரமடையும் போது தான் நமக்கு அறிகுறிகள் தெரிய ஆரம்பிக்கும். எனவே கல்லீரலை பொறுத்தவரை எச்சரிக்கையாக இருப்பது மிகவும் அவசியம். குறிப்பாக ஃபேட்டி லிவர் பிரச்னை இருப்பவர்கள் மிகுந்த எச்சரிக்கையுடன் இருக்க வேண்டும். இந்த உணவுகளை உங்கள் அன்றாட உணவில் சேர்த்துக் கொள்வதன் மூலம், கல்லீரலை ஆரோக்கியமாகவும் சுறுசுறுப்பாகவும் வைத்திருக்க முடியும். ஆரோக்கியமான வாழ்க்கை முறையுடன், இந்த உணவுகள் கல்லீரலை மேம்படுத்தும்.
