இன்று மாலை வெளியாகிறது மூக்குத்தி அம்மன் 2 படத்தின் கிளிம்ஸ் வீடியோ
Mookuthi Amman 2 Movie Glimpse : நடிகை நயன்தாரா நடிப்பில் முன்னதாக வெளியாகி ரசிகர்களிடையே மாபெரும் வரவேற்பைப் பெற்ற படம் மூக்குத்தி அம்மன். இந்தப் படத்தின் இரண்டாம் பாகத்தின் கிளிம்ஸ் வீடியோ வெளியாக உள்ளதாக படக்குழு தற்போது அதிகாரப்பூர்வமாக அறிவித்துள்ளது.
தமிழ் சினிமாவில் கடந்த 2020-ம் ஆண்டு 14-ம் தேதி நவம்பர் மாதம் திரையரங்குகளில் வெளியான படம் மூக்குந்தி அம்மன். ஃபேண்டசி காமெடி பாணியில் உருவான இந்தப் படத்தை இயக்குநர் ஆர்.ஜே.பாலாஜி எழுதி இயக்கி இருந்தார், மேலும் இந்தப் படத்தில் ஆர்.ஜே.பாலாஜி நாயகனாக நடித்து இருந்த நிலையில் நடிகை நயன்தாரா நாயகியாக நடித்து இருந்தார்.இவர்களுடன் இணைந்து நடிகர்கள் ஊர்வசி, ஸ்ம்ருதி வெங்கட், மது மைலாங்கொடி, அபி நட்சத்திரம், மௌலி, டிஎஸ்ஆர் சீனிவாசன் அஜய் கோஷ், எல்.ஆர்.ஈஸ்வரி, மயில்சாமி, இந்துஜா ரவிச்சந்திரன், யாஷிகா ஆனந்த் என பலர் இந்தப் படத்தில் நடித்து இருந்தனர். படம் திரையரங்குகளில் வெளியான போது ரசிகர்களிடையே விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்றது. இந்தப் படத்தினை பிரபல தயரிப்பு நிறுவனமான வேல்ஸ் ஃபிலிம் இன்டர்நேஷனல் சார்பாக தயாரிப்பாளர் ஐசரி கே கணேஷ் தயாரித்து இருந்தார்.
இந்தப் படத்திற்கு இசையமைப்பாளர் கிரிஷ் கோபாலகிருஷ்ணன் இசையமைத்து இருந்த நிலையில் படம் ரசிகர்களிடையே நல்ல வரவேற்பைப் பெற்றது போல பாடல்களும் ரசிகர்களிடையே நல்ல வரவேற்பைப் பெற்றது. இந்த நிலையில் இந்தப் படத்தின் இரண்டாம் பாகம் குறித்த அப்டேட் ஆண்டின் தொடக்கத்தில் வெளியாகி ரசிகர்களிடையே வரவேற்பைப் பெற்றது.
இன்று மாலை வெளியாகிறது மூக்குத்தி அம்மன் 2 படத்தின் கிளிம்ஸ்:
முதல் பாகத்தை இயக்கிய ஆர்.ஜே.பாலாஜி இயக்காத காரணமாக சுந்தர் சி இந்தப் படத்தை இயக்குவதாக அறிவிக்கப்பட்டது. தொடர்ந்து இந்தப் படத்தில் நடிகை நயன்தாரா கடவுளாக நடிக்கும் நிலையில் அவருடன் இணைந்து நடிகர்கள் பலர் இந்தப் படத்தில் நடிக்கின்றனர். தொடர்ந்து இந்தப் படத்தின் கிளிம்ஸ் வீடியோ இன்று மாலை வெளியாகும் என்று தயாரிப்பு நிறுவனம் அதிகாரப்பூர்வ அறிவிப்பை வெளியிட்டுள்ளது.
மூக்குத்தி அம்மன் 2 படக்குழு வெளியிட்ட எக்ஸ் தள பதிவு:
A glimpse into our glorious journey of #MookuthiAmman2 🔱
Stay tuned! 💫#SundarC @IshariKGanesh @VelsFilmIntl #Nayanthara @kushmithaganesh @hiphoptamizha @ReginaCassandra @iYogiBabu @suneeltollywood @Officialsalaga @mgabhinaya @Venkatt_Ragavan @AvniCinemax_ @Rowdy_Pictures… pic.twitter.com/goWcGJHXAN— Vels Film International (@VelsFilmIntl) December 30, 2025
Also Read… மீண்டும் இணைந்த ஆம்பள பட கூட்டணி.. படக்குழு வெளியிட்ட பதிவால் ரசிகர்கள் மகிழ்ச்சி!
