மெட்ராஸ் மேட்னி படத்தை பாராட்டிய இயக்குநர் கார்த்திக் சுப்பராஜ்!
Madras Matinee Movie: தமிழ் சினிமாவில் சமீப காலமாக வெளியாகும் சிறிய பட்ஜெட் படங்கள் ரசிகர்களிடையே நல்ல வரவேற்பைப் பெற்று வருகின்றது. முன்னதாக டூரிஸ்ட் ஃபேமிலி படம் நல்ல வரவேற்பைப் பெற்ற நிலையில் தற்போது மெட்ராஸ் மேட்னி படத்தை ரசிகர்களும் பிரபலங்களும் வாழ்த்தி வருகின்றனர்.
கோலிவுட் சினிமாவில் (Kollywood Cinema) கடந்த சில நாட்களாகவே சிறிய பட்ஜெட் படங்களாக இருந்தாலும் அந்தப் படத்தின் கதை நன்றாக இருக்கிறது என்றால் ரசிகர்கள் கொண்டாடி வருகின்றனர். அந்த வகையில் முன்னதாக மே மாதம் 1-ம் தேதி 2025-ம் ஆண்டு ரெட்ரோ படத்துடன் போட்டிப்போட்டது டூரிஸ்ட் ஃபேமிலி. ரெட்ரோ மாதிரியான பெரிய பட்ஜெட் படத்துடன் டூரிஸ்ட் ஃபேமிலி மாதிரியான சிறிய பட்ஜெட் படம் போட்டி போட்டு வெற்றியடைய காரணம் படத்தின் கதை தான். அறிமுக இயக்குநராக இருந்தாலும் அபிஷன் ஜீவிந்தின் திரைக்கதை இயக்கத்தை கொண்டாடித் தீர்த்தனர் ரசிகர்கள். ரசிகர்கள் மட்டும் இன்றி பிரபலங்கள் பலரும் இந்தப் படத்தைப் பாராட்டித் தீர்த்தது குறிப்பிடத்தக்கது. இந்தப் படத்தைத் தொடர்ந்து இந்த வரிசையில் தற்போது வெளியான மெட்ராஸ் மேட்னி படம் ரசிகர்களிடையும் பிரபலங்கள் இடையேயும் நல்ல வரவேற்பைப் பெற்று வருவது குறிப்பிடத்தக்கது.
மெட்ராஸ் மேட்னி படத்தைப் பாராட்டிய கார்த்திக் சுப்பராஜ்:
அதன்படி இயக்குநர் கார்த்திக் சுப்பராஸ் மெட்ராஸ் மேட்னி படக்குழுவை நேரில் அழைத்து தனது வாழ்த்துகளை தெரிவித்துள்ளார் என்பது குறிப்பிடத்தக்கது. இதுகுறித்து தனது எக்ஸ் தள பக்கத்தில் இயக்குநர் கார்த்திக் சுப்பராஜ் வெளியிட்டுள்ள பதிவில் கூறியுள்ளதாவது, மெட்ராஸ் மேட்னி படம் மிகவும் இதயத்தை வருடும் மற்றும் அழகான கதையாக இருக்கிறது.
நாயகன் காளி வெங்கட்டின் அற்புதமான நடிப்புடன் இயக்குனர் கார்த்திகேயனின் அற்புதமான அறிமுகப் படம் மட்டும் இன்றி படத்தில் நடித்த ஒட்டுமொத்த நடிகர்கள் மற்றும் குழுவினரின் சிறந்த படைப்பாக இந்தப் படம் இருந்தது. தயவுசெய்து இந்த அருமையான படத்தை திரையரங்குகளில் பாருங்கள். படக்குழுவிற்கு வாழ்த்துகள் என்று அந்த எக்ஸ் தள பக்கத்தில் கார்த்திக் சுப்பராஜ் தெரிவித்துள்ளார்.
இயக்குநர் கார்த்திக் சுப்பராஜ் வெளியிட்ட எக்ஸ் தள பதிவு:
The film #MadrasMatinee is So so heartwarming and beautiful with Super awesome performance by the hero @kaaliactor … 👌👌❤️❤️
Awesome Debut film by director @keyanmk and Great job by whole cast n crew… 👏👏
Pls do watch this gem of a film in theatres 🙏🏻
Congratulations… pic.twitter.com/NHWajsurE0
— karthik subbaraj (@karthiksubbaraj) June 7, 2025
இந்த மெட்ராஸ் மேட்னி படத்தில் நடிகர் காளி வெங்கட் நாயகனாக நடித்து இருந்தார். இவர்களுடன் இணைந்து நடிகர்கள் சத்யராஜ், ரோஷ்னி ஹரிப்ரியன், ஷெல்லி, விஷ்வா ஆகியோர் முக்கிய கதாப்பாத்திரத்தில் நடித்துள்ளனர். மிடில் கிளாஸ் ஃபேமிலியின் கதையை மையமாக வைத்து வெளியான இந்தப் படம் ரசிகர்களிடையே நல்ல வரவேற்பைப் பெற்று வருவது குறிப்பிடத்தக்கது.
