Atharvaa : தனுஷின் குபேராவுடன் மோதும் அதர்வா.. ‘டிஎன்ஏ’ படத்தின் ரிலீஸ் தேதி அறிவிப்பு!
Atharvaa DNA Movie Release Update : தமிழ் சினிமாவில் இளம் நாயகனாக இருந்து வருபவர் அதர்வா முரளி. இவர் 90ஸ் நடிகர் முரளியின் மூத்த மகன் ஆவார். இவரின் நடிப்பில் தமிழில் டிஎன்ஏ என்ற திரைப்படம் உருவாகியுள்ளது. தற்போது இப்படத்தின் ரிலீஸ் தேதியை நடிகர் அதர்வா பகிர்ந்துள்ளார்.
நடிகர் அதர்வா (Atharvaa) தமிழில் பிரபலமான இளம் நடிகர்களில் ஒருவராக இருந்து வருகிறார். இவரின் நடிப்பில் இறுதியாக நிறங்கள் மூன்று (Nirangal Moondru) என்ற திரைப்படம் வெளியானது. இந்த படத்தை இயக்குனர் கார்த்திக் நரேன் இயக்கியிருந்தார். இவரின் இயக்கத்தில் கடந்த 2024ம் ஆண்டு நவம்பர் மாதத்தில் இந்த திரைப்படமானது வெளியானது. இந்த படத்தில் நடிகர் அதர்வா முக்கிய நாயகனாக நடித்து அசத்தியிருந்தார். ஆனால் அவருக்கு இந்த படமானது போதுமான வரவேற்பைக் கொடுக்கவில்லை. இந்த படத்தைத் தொடர்ந்து தனது கைவசத்தில் பல படங்களைப் படங்களை வைத்துள்ளார். அதில் ரிலீசிற்கு காத்திருக்கும் திரைப்படம்தான் டிஎன்ஏ (DNA) . இந்த டிஎன்ஏ திரைப்படத்தை இயக்குநர் நெல்சன் வெங்கடேசன் (Nelson Venkatesan) இயக்கியுள்ளார்.
இவரின் இயக்கத்தில் உருவாகியுள்ள இந்த படத்தில் நடிகர் அதர்வா மாறுபட்ட கதாபாத்திரத்தில் நடித்திருக்கிறார். இந்த படத்தில் அதர்வாவுக்கு ஜோடியாகச் சித்தா படப் புகழ் நடிகை நிமிஷா சஜயன் நடித்துள்ளார். இந்த திரைப்படத்தின் டீசர் சமீபத்தில் வெளியாகி நல்ல வரவேற்பைப் பெற்றது. அதைத் தொடர்ந்து நடிகர் அதர்வா இப்படத்தின் ரிலீஸ் தேதியை வெளியிட்டுள்ளார். இந்த படமானது வரும் 2025, ஜூன் 20ம் தேதியில் வெளியாக உள்ளதாக அறிவிப்பை வெளியிட்டுள்ளார்.
நடிகர் அதர்வா வெளியிட்ட எக்ஸ் தள பதிவு :
With all the excitement and positivity!! 🩶
#DNA in theaters near you from June 20th. #DNAfromJune20th#DNAmovie #nelsonvenkatesan #NimishaSajayan @Olympiamovis @Ambethkumarmla @RedGiantMovies_ @thinkmusicindia @Filmmaker2015 @editorsabu @GhibranVaibodha @SureshChandraa… pic.twitter.com/YdnLI2Ebi6— Atharvaa (@Atharvaamurali) June 5, 2025
தனுஷின் படத்துடன் மோதும் அதர்வாவின் டிஎன்ஏ :
நடிகர் தனுஷின் நடிப்பிலும், தெலுங்கு இயக்குநர் சேகர் கம்முலாவின் இயக்கத்திலும் உருவாகியுள்ள திரைப்படம் குபேரா. இந்த படத்தில் நடிகை ராஷ்மிகா மந்தனாவும் முன்னணி நாயகியாக நடித்துள்ளார். தனுஷ், நாகார்ஜுனா மற்றும் ராஷ்மிகா மந்தனா என பான் இந்திய நடிகர்கள் பட்டாளமே இப்படத்தில் நடித்துள்ளனர்.
தனுஷின் இந்த படமும் வரும் 2025, ஜூன் 20ம் தேதியில் திரையரங்குகளில் வெளியாகவுள்ளது. தமிழ், இந்தி மலையாளம் மற்றும் தெலுங்கு என பல்வேறு மொழிகளில் தனுஷின் இப்படம் வெளியாகிறது. இந்த திரைப்படத்துடன்தான் நடிகர் அதர்வாவின் டிஎன்ஏ திரைப்படமும் வெளியாகவுள்ளது என்பது குறிப்பிடத்தக்கது.
அதர்வாவின் டிஎன்ஏ திரைப்படம் :
நடிகர் அதர்வாவின் இந்த திரைப்படத்தை இயக்குநர் நெல்சன் வெங்கடேஷன் இயக்கியுள்ளார். இப்படத்தில் அதர்வாவுக்கு ஜோடியாக நடிகை நிமிசா சஜயன் நடித்திருக்கிறார். மேலும் முக்கிய கதாபாத்திரத்தில் நடிகர் கருணாகரனும் நடித்துள்ளார். அதிரடி திரில்லர் திரைப்படமாக இந்த டிஎன்ஏ திரைப்படம் உருவாகியிருக்கிறது. இந்த படமும் நடிகர் தனுஷின் குபேரா படமும் வரும் 2025, ஜூன் 20ம் தேதியில் ஒரே நாளில் வெளியாகிறது என்பது குறிப்பிடத்தக்கது.
