Ajith Kumar : AK64 படத்திற்காக ஆதிக் ரவிச்சந்திரனுக்கு அஜித் கொடுத்த அட்வைஸ்!
AK64 Movie Update : தென்னிந்திய சினிமாவில் பிரபல நடிகர் மற்றும் கார் ரேஸராக இருந்து வருபவர் அஜித் குமார். இவரின் நடிப்பில் இந்த 2025 ஆம் ஆண்டு உருவாகக் காத்திருக்கும் படம் AK64 . இந்த படம் பற்றி அஜித் குமார் ஆதிக் ரவிச்சந்திரனிடம் கூறிய விஷயம் இணையத்தில் வைரலாகி வருகிறது.
நடிகர் அஜித் குமாரின் (Ajith Kumar) நடிப்பில் தமிழ் சினிமாவில் இதுவரை சுமார் 63 திரைப்படங்கள் வெளியாகியிருக்கிறது. அந்த வகையில் இவரின் நடிப்பில் இறுதியாக வெளியாகியிருந்த படம் குட் பேட் அக்லி (Good Bad Ugly). இந்த படமானது கடந்த 2025, ஏப்ரல் 10 ஆம் தேதியில் உலகமெங்கும் வெளியாகியிருந்தது. இந்த 2025ம் ஆண்டில் மட்டும் அஜித்தின் நடிப்பில் 2 படங்கள் வெளியாகியிருந்தது. அதில் விடாமுயற்சி (Vidaamuyarchi) படமானது எதிர்பார்த்த வரவேற்பை பெறவில்லை. அதை தொடர்ந்து வெளியான இந்த குட் பேட் அக்லி படமானது நல்ல வரவேற்பைப் பெற்று சூப்பர் ஹிட் படமாக அமைந்திருந்தது. இதை இயக்குநர் ஆதிக் ரவிச்சந்திரன் (Adhik Ravichandran) இயக்கியிருந்தார்.
இவரின் இயக்கத்தில் அஜித் குமார் நடித்திருந்த இப்படம் சுமார் ரூ 250 கோடிகளுக்கு மேல் வசூல் செய்திருந்தது. இந்த படத்தை அடுத்து அஜித் குமாரின் 64வது படத்தையும், இயக்குநர் அதிக ரவிச்சந்திரன்தான் இயக்கவுள்ளார். இந்த படத்திற்காக அஜித் குமார் கொடுத்த அட்வைஸ் குறித்து, இயக்குநர் ஆதிக் ரவிச்சந்திரன் கூறியுள்ளார். இந்த தகவலானது ரசிகர்களிடையே வைரலாகி வருகிறது.
இதையும் படிங்க : பல்லாண்டு தொடர வாழ்த்துக்கள்.. ரஜினிக்கு முதலமைச்சர் மு.க. ஸ்டாலின் வாழ்த்து!
ஆதிக் ரவிசந்திரனுக்கு அஜித் குமார் கொடுத்த அட்வைஸ் :
இயக்குநர் ஆதிக் ரவிச்சந்திரனுக்கு, நடிகர் அஜித் குமார் கொடுத்த அட்வைஸ் என்னவென்றால், ” எனக்காகக் கதை எழுதாதே, உன் கதையில் நான் இருக்க விரும்புகிறேன்” என இயக்குநர் ஆதிக் ரவிச்சந்திரனிடன் அஜித் குமார் கூறியிருக்கிறார். தற்போது இது குறித்த தகவல்கள் இணையத்தில் வைரலாகி வருகிறது.
அஜித் குமாரின் சினிமாவில் 33 வருட நிறைவு குறித்து ஆதிக் ரவிச்சந்திரன் வெளியிட்ட பதிவு :
33 years of phenomenal journey💥💥💥💥💥your a rare gem 💎 with unmatched hardwork❤️❤️❤️❤️🙏🏻🙏🏻🙏🏻such a pure hearted soul❤️❤️❤️🙏🏻🙏🏻🙏🏻🙏🏻 love you sir❤️❤️❤️❤️🙏🏻🙏🏻 #33YearsOfAJITHISM pic.twitter.com/4KmIORjLFI
— Adhik Ravichandran (@Adhikravi) August 3, 2025
நடிகர் அஜித் குமார், தமிழ் சினிமாவில் பிரபல முன்னணி நாயகனாக இருந்து வருகிறார். இவரின் படங்கள் மக்களிடையே நல்ல வரவேற்பை பெற்று வருகிறது. இவர் நடிகராக மட்டுமில்லாமல் இந்தியாவின் சார்பாக கார் ரேஸ்களிலும் கலந்துகொண்டு வருகிறார். இவரின் நடிப்பில் இந்த 2025 ஆம் ஆண்டு உருவாகவுள்ள படம் AK64.
இதையும் படிங்க : விஜய்யின் துப்பாக்கியில் இருந்த ரிஸ்க்.. ஏ.ஆர். முருகதாஸ் ஓபன் டாக்!
இப்படத்தை ஆதிக் ரவிச்சந்திரன் இயக்க, ரோமியோ பிக்சர்ஸ் நிறுவனம் தயாரிக்கவுள்ளதாம். இப்படத்தில் கதாநாயகியாக நடிகை ஸ்ரீலீலா நடிக்கவுள்ளதாகக் கூறப்படுகிறது. மேலும் நடிகை சுவாசிகாவும் இப்படத்தில் முக்கிய வேடத்தில் நடிக்கவுள்ளதாகவும் கூறப்படுகிறது. இப்படத்தைப் பற்றிய அறிவிப்புகள் விரைவில் வெளியாகும் என எதிர்பார்க்கப்படுகிறது.
