Ajith Kumar

கோலிவுட்டில் மாபெரும் ரசிகர்கள் கூட்டத்தை வைத்திருக்கும் நடிகர்களில் ஒருவர் அஜித்குமார். தல என்றும் AK என்றும் அழைக்கப்படும் அஜித் தனது கேமரா அனுபவத்தை விளம்பரம் மூலமே தொடங்கினார். சின்ன சின்ன விளம்பரங்களில் நடித்த அஜித் பைக் மீதுள்ள ஆசையால் மெக்கானிக்காவும் இருந்தார். பின்னர் 1992 இல் பிரேம புத்தகம் என்ற தெலுங்குத் திரைப்படத்தில் அறிமுகமானார். அதன் பின்னர் தமிழில் பவித்ரா, ராஜாவின் பார்வையிலே ஆகிய திரைப்படங்களில் நடித்தார். தொடக்ககால தமிழ் படங்கள் அஜித்துக்கு அறிமுகத்தை கொடுத்ததே தவிர பெரிய ரீச்சை கொடுக்கவில்லை. அந்த நேரத்தில் வெளியான ஆசை படம் அஜித்துக்கு தனி இடத்தை பிடித்துக்கொடுத்தது. அதன் பின்னர் சாக்லெட் பாயாகவும், மாஸ் ஹீரோவாகவும் பல வெற்றிப்படங்களை கொடுத்துள்ளார் அஜித். இவர் தன்னுடைய 25 வது படமான அமர்க்களத்தில் நடித்தபோது சக நடிகை ஷாலினியை காதலித்து திருமணம் செய்துகொண்டார். இப்போதும் பைக் ரேஸ், கார் ரேஸ், உலக சுற்றுலா, போட்டோகிராபி, துப்பாக்கிச் சுடுதல் என பன்முக திறமையை வெளிப்படுத்தி வரும் நடிகராக இருக்கிறார் அஜித்.