Kamal Haasan

உலக நாடுகளில் உள்ள அனைத்து ரசிகர்களாலும் அன்புடன் உலக நாயகன் என்று அழைக்கப்படுபவர் நடிகர் கமல் ஹாசன். 1954-ம் ஆண்டு நவம்பர் மாதம் 7-ம் தேதி பரமக்குடியில் பிறந்தார் இவர். கடந்த 1960-ம் ஆண்டு இயக்குநர் பீம் சிங் இயக்கத்தில் வெளியான களத்தூர் கண்ணம்மா என்ற படத்தின் மூலம் தமிழ் சினிமாவில் குழந்தை நட்சத்திரமாக அறிமுகம் ஆன இவர் தற்போது வரை தமிழ் சினிமாவில் உச்ச நடிகராக இருந்து வருகிறார். தமிழில் முன்னணி இயக்குநர்கள் பலருடன் நடிகர் கமல் ஹாசன் இணைந்து பல படங்களில் பணியாற்றியுள்ளார். 70 வயது ஆகியும் தமிழ் சினிமாவில் தற்போது உள்ள இளம் நடிகர்களுக்குப் போட்டியாக தொடர்ந்து நடித்து வருகிறார். நடிப்பு மட்டும் இன்றி இயக்கம், பாடல் பாடுவது, எழுதுவது என அனைத்து துறைகளிலும் தனது பெயரைப் பொறித்துள்ளார் நடிகர் கமல் ஹாசன். தமிழ் சினிமாவை உலக சினிமா தரத்திற்கு உயர்த்த இன்றும் அயராது பாடுப்பட்டு வருகிறார் நடிகர் கமல் ஹாசன்.