விஜய் விவாகரத்து விவகாரம்.. சங்கீதாவுக்கு இலங்கை எம்.பி கண்டனம்… வீடியோ வைரல்!

தமிழக வெற்றிக் கழகத்தின் தலைவர் விஜய் வேறொரு நடிகையுடன் தொடர்பில் இருப்பதாக கூறி அவரது மனைவி செங்கல்பட்டு நீதிமன்றத்தில் விவாகரத்து கோரி மனு தாக்கல் செய்துள்ளார். இது தொடர்பான விசாரணை ஏப்ரல் மாதம் நடைபெற உள்ளது. இந்த விவகாரம் விஜயின் அரசியல் வட்டாரம் மற்றும் தமிழகத்தில் பெரும் பரபரப்பை ஏற்படுத்தி இருந்தது. இதனிடையே, விவாகரத்து தொடர்பாக மனு தாக்கல் செய்யப்பட்ட பின்னர், விஜய் தனக்கு நெருக்கடி கொடுப்பதாகவும், சென்னையில் உள்ள வீட்டில் தங்குவதற்கு அனுமதி மறுப்பதாகவும் அவரது மனைவி சங்கீதா மீண்டும் ஒரு மனுவை செங்கல்பட்டு நீதிமன்றத்தில் தாக்கல் செய்துள்ளார். இதனால், விஜய்க்கு மேலும் நெருக்கடி ஏற்பட்டிருந்தது. விஜய்- சங்கீதா விவகாரத்து தொடர்பாக சமூக வலைதளங்களில் பல்வேறு தரப்பினர் ஆதரவாகவும், எதிராகவும் கருத்துக்களை பதிவிட்டு வருகின்றனர்.

சங்கீதாவுக்கு இலங்கை எம்பி கண்டனம்

இந்த நிலையில், விஜயின் மனைவி சங்கீதாவின் செயலுக்கு கண்டனம் தெரிவித்து இலங்கை எம்பி அர்ச்சுனா சமூகவலைதளங்களில் வீடியோ வெளியிட்டுள்ளார். அந்த வீடியோவில் திருமணம் நடைபெற்று 27 ஆண்டுகள் காத்திருந்து ஒருவர் தனது வாழ்வின் உச்சகட்டத்தில் உயர்ந்து நிற்கும் போது, அவரது காலை வாரி விட்டுள்ளீர்கள். நீங்கள் யாழ்ப்பாணத்தில் எந்த இடம் என்று சொல்லுங்கோ. அங்கு உங்களுக்காக பெரிய கோவிலை கட்டி மாலை போட ஆசைப்படுகிறேன். எப்படிப்பட்ட இன பிறப்பு என்று யோசித்துப் பாருங்கள். எனக்கு இதற்கு மேல் எதுவும் சொல்லத் தெரியவில்லை.

இதையும் படியுங்கள்

கரூர் கொடூர சம்பவம்… தவெக தலைவர் விஜய்க்கு சிபிஐ மீண்டும் சம்மன்!

இப்போதான் பஞ்சாயத்து முடிஞ்சுது.. அதுக்குள்ளேயா.. திமுக-காங்கிரஸ் இடையே வெடித்தது மோதல்… கட்சியினர் அதிர்ச்சி!

புதுச்சேரி சட்டமன்ற தேர்தல்… நாம் தமிழர் கட்சி வேட்பாளர்கள்… சீமான் அறிவிப்பு!

அதிமுக பொதுச்செயலாளர் விரைவில் மாற்றம்… பாஜகவின் ரகசிய திட்டம்… முதல்வர் மு. க. ஸ்டாலின் வீசிய அரசியல் வெடிகுண்டு!

மேலும் படிக்க: திமுக தலைமையிடம் கூடுதல் தொகுதிகள்.. கறார் காட்டும் விசிக-கம்யூனிஸ்ட் கட்சிகள்.. காரணம் என்ன!

தமிழனாக இருப்பதில் வருத்தப்படுகிறேன்

ஒரு யாழ்ப்பாணத்தில் பாராளுமன்ற உறுப்பினராகவும், யாழ்ப்பாணத்து தமிழனாகவும் இதை நினைத்து மிகவும் வருத்தப்படுகிறேன் என்று அந்த வீடியோவில் அர்ஜுனா எம்பி தனது வருத்தத்தையும், கண்டனத்தையும் தெரிவித்துள்ளார். இந்த வீடியோ சமூக வலைதளங்களில் வைரலாக பரப்பப்பட்டு வருகிறது. விஜய்- சங்கீதா விவகாரத்து தொடர்பான செய்திகள் வெளியான நிலையில், சமூக வலைதளங்களில் பல்வேறு கருத்துக்கள் பதிவிடப்பட்டு வருகின்றன. கடந்த சில நாட்களுக்கு முன்பு தமிழக வெற்றி கழகம் சார்பில் நடைபெற்ற உலக மகளிர் தின விழாவில், விவகாரத்து விஷயத்தை மறைமுகமாக வொர்த் இல்லை என்று விஜய் குறிப்பிட்டு பேசியிருந்தார்.

Srilankan Parliament MP.. about sangeetha ! pic.twitter.com/z9AUlvWNaB

— Let’s X OTT GLOBAL (@LetsXOtt) March 7, 2026

விஜய்-சங்கீதா விவகாரத்தில் மீண்டும் பரபரப்பு

இவரது கருத்து பெண்கள் மத்தியில் மரியாதை குறைவாக இருந்ததாக தெரிவிக்கப்பட்டன. இதனை கண்டித்து தமிழக வெற்றி கழகத்தில் நிர்வாகியாக உள்ள ரஞ்சனா நாச்சியார் விஜய்க்கு எதிராக பல்வேறு கருத்துக்களை தெரிவித்து இருந்தார். அதில், பெண்கள் முன்னேற்றம் குறித்து பேசும் நீங்கள், பெண்களுக்கான மதிப்பை அளிக்காத வகையில் பேசி இருப்பதாக குறிப்பிட்டு இருந்தார். இந்த நிலையில், விஜயின் மனைவி சங்கீதாவை கண்டித்து இலங்கையை சேர்ந்த எம். பி. கருத்து தெரிவித்துள்ளது மீண்டும் தமிழகத்தில் பரபரப்பை கூட்டி உள்ளது.

மேலும் படிக்க: V. Senthil Balaji Tamil Nadu Election: கட்சி மாற்றம்.. சிறைவாசம்.. தொடர் வெற்றியை வசமாக்குவாரா செந்தில்பாலாஜி?