IND vs ENG: அரையிறுதியில் ஒரே அணி, ஒரே ஸ்டேடியம்.. 39 ஆண்டுகால பழியை தீர்க்குமா இந்தியா?
T20 World Cup 2026 Semi Final: கடந்த 1987ம் ஆண்டு நவம்பர் 5ம் தேதி இந்தியாவும் இங்கிலாந்தும் வான்கடே ஸ்டேடியத்தில் நடந்த உலகக் கோப்பையின் 2வது அரையிறுதியில் மோதின. அப்போது, இந்திய அணி 1983ம் ஆண்டு உலகக் கோப்பையை வென்று, நடப்பு சாம்பியன் என்ற அந்தஸ்துடன் களமிறங்கியது. சொந்த மண்ணில் இறுதிப் போட்டிக்கு முன்னேறும் என்ற நம்பிக்கை அதிகமாக இருந்தது.
2026 டி20 உலகக் கோப்பையின் (2026 T20 World Cup) அரையிறுதியின் நாக் அவுட் போட்டிகள் நாளை அதாவது 2026 மார்ச் 4ம் தேதி முதல் தொடங்குகிறது. அதேநேரத்தில், போட்டியின் 2வது அரையிறுதி இந்தியா மற்றும் இங்கிலாந்து (IND vs ENG) அணிகளுக்கு இடையே நடைபெறும். குரூப் 2ல் முதலிடம் பிடித்து இங்கிலாந்து அரையிறுதிக்கு முன்னேறியது. மறுபுறம், சூப்பர் 8 சுற்றில் குரூப் 1ல் இந்தியா இரண்டாவது இடத்தைப் பிடித்தது. இந்த இரு அணிகளும் தொடர்ந்து 3வது முறையாக டி20 உலகக் கோப்பை அரையிறுதியில் மோதுகின்றன. இருப்பினும், இந்த முறை நீண்டகால தோல்விக்குப் பழிவாங்கும் வாய்ப்பையும் இந்திய அணி பெற்றுள்ளது. இதை இந்திய அணி தனக்கு சாதகமாக பயன்படுத்துமா அல்லது கோட்டை விடுமா என்பதை பொறுத்திருந்து பார்ப்போம்.
1987 தோல்விக்குப் பழிவாங்க ஒரு வாய்ப்பு:
2026 டி20 உலகக் கோப்பையின் 2வது அரையிறுதிப் போட்டி இந்தியா மற்றும் இங்கிலாந்து அணிகளுக்கு இடையே மும்பையில் உள்ள வான்கடே ஸ்டேடியத்தில் நடைபெறும்.1987 உலகக் கோப்பை அரையிறுதியில் இந்தியா இங்கிலாந்திடம் தோற்ற இதே மைதானத்தில்தான். ஆனால், இந்த முறை இந்திய அணி தனது முந்தைய தோல்விக்குப் பழிவாங்க முழுமையாகத் தயாராக உள்ளது. இந்த ஒரு வெற்றி இந்தியாவுக்கு இறுதிப் போட்டியில் இடத்தை பெற்று தரும்.
1987ம் ஆண்டு இந்தியாவை தோற்கடித்த இங்கிலாந்து அணி:
கடந்த 1987ம் ஆண்டு நவம்பர் 5ம் தேதி இந்தியாவும் இங்கிலாந்தும் வான்கடே ஸ்டேடியத்தில் நடந்த உலகக் கோப்பையின் 2வது அரையிறுதியில் மோதின. அப்போது, இந்திய அணி 1983ம் ஆண்டு உலகக் கோப்பையை வென்று, நடப்பு சாம்பியன் என்ற அந்தஸ்துடன் களமிறங்கியது. சொந்த மண்ணில் இறுதிப் போட்டிக்கு முன்னேறும் என்ற நம்பிக்கை அதிகமாக இருந்தது. இந்தியா டாஸ் வென்று முதலில் பந்து வீச முடிவு செய்தது. முதலில் பேட்டிங் செய்த இங்கிலாந்து அணி 50 ஓவர்கள் முடிவில் 254 ரன்கள் எடுத்தது. 255 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணியின் பேட்டிங் மிக மோசமாக இருந்தது.
இலக்கை துரத்திய இந்திய அணி 45.3 ஓவர்களில் 219 ரன்களுக்கு ஆல் அவுட்டானது. சொந்த மண்ணில் அரையிறுதியில் தோல்வி என்பது 2023 உலகக் கோப்பை இறுதிப்போட்டியில் ஆஸ்திரேலிய அணியிடம் இந்திய அணி தோற்றது போன்ற வலியை இந்திய கிரிக்கெட் ரசிகர்கள் 1987ம் ஆண்டிலேயே அனுபவித்தனர். ஏனெனில் சொந்த மண்ணில் அரையிறுதி மற்றும் இறுதிப்போட்டி தோல்வி என்பது மிகப்பெரிய வலியை தரும்.
ALSO READ: 3வது முறையாக அரையிறுதியில் மோதும் இந்தியா – இங்கிலாந்து.. இதுவரை யார் ஆதிக்கம்?
வான்கடே ஸ்டேடியத்தில் வரலாறு மாற்றப்படுமா?
39 ஆண்டுகளுக்குப் பிறகு, அதே வான்கடே ஸ்டேடியத்தில், அதே இரண்டு அணிகள் மோதுகின்றன. அப்போது ஒருநாள் போட்டி, இப்போது டி20 வடிவமாகும். இந்த போட்டி இந்திய அணிக்கு அரையிறுதி மட்டுமல்ல, பழைய நினைவுகளை மாற்றக்கூடிய ஒரு வாய்ப்பாகும். இருப்பினும், கடைசியாக இந்தியாவில் டி20 உலகக் கோப்பை நடைபெற்றபோது, இந்திய அணி வான்கடே ஸ்டேடியத்தில் அரையிறுதி போட்டியில் விளையாடியது. ஆனால் அந்த போட்டியில், இந்திய அணி வெஸ்ட் இண்டீஸ் அணிகளுக்கு எதிராக தோல்வியை சந்தித்தது. இருப்பினும், நேற்று அதாவது 2026 மார்ச் 1ம் தேதி வெஸ்ட் இண்டீஸ் அணிக்கு எதிரான வெற்றிக்கு இந்திய அணி பழிவாங்கியது குறிப்பிடத்தக்கது.
