IND vs JAP: ஜியோஸ்டாரில் இந்தியா – ஜப்பான் போட்டியை பார்க்க முடியாதா? நேரலையில் எங்கு காணலாம்?

2026 ஆசிய விளையாட்டு போட்டிகளுக்கு (2026 Asian Games) இடையே, ​​இந்தியா மற்றும் ஜப்பான் அணிகளுக்கு இடையேயான ஒரே ஒரு டி20 போட்டி நாளை அதாவது 2026 செப்டம்பர் 22ம் தேதி நடைபெற உள்ளது. இந்தியா (Indian Cricket Team) மற்றும் ஜப்பான் இடையேயான தூதரக உறவுகளின் 75வது ஆண்டு நிறைவைக் குறிக்கும் வகையில் இந்தப் போட்டி நடத்தப்படுகிறது. இந்த வரலாற்றுச் சிறப்புமிக்க போட்டி, சானோவில் உள்ள சானோ சர்வதேச கிரிக்கெட் ஸ்டேடியத்தில் நடைபெறும். ஒரு டி20 சர்வதேசப் போட்டியில் இந்திய மற்றும் ஜப்பானிய கிரிக்கெட் அணிகள் நேருக்கு நேர் மோதுவது இதுவே முதல் முறையாகும்.

ALSO READ: இந்தியாவிற்கு எதிராக இயங்காமல் போன வங்கதேசம்.. இறுதிப்போட்டிக்குள் நுழைந்த ஹர்மன் படை!

ஸ்போர்ட் 75 முன்னெடுப்பின் கீழ் நடைபெறும் முதல் போட்டி:

ஸ்போர்ட் 75 என்பது இந்தியாவுக்கும் ஜப்பானுக்கும் இடையிலான 75 ஆண்டுகால தூதரக உறவுகளைக் குறிக்கும் வகையில் தொடங்கப்பட்ட ஒரு இருதரப்பு கலாச்சார மற்றும் விளையாட்டுத் தூதரக முன்னெடுப்பாகும். இந்தப் போட்டிக்காக இந்திய அணி ஜப்பானுக்கு வந்துள்ளது. மேலும், ஆசிய விளையாட்டுப் போட்டிகளும் ஜப்பானில் நடைபெற்று வருகின்றன என்பதும், அங்கு இந்திய ஆண்கள் அணி தனது முதல் போட்டியில் வருகின்ற 2026 செப்டம்பர் 28ம் தேதி விளையாடும் என்பதும் குறிப்பிடத்தக்கது.

இதையும் படியுங்கள்

BCCI: 100 ஆண்டுகளை நிறைவு செய்யப்போகும் பிசிசிஐ.. உலக லெவன் அணியுடன் மோதும் இந்திய அணி!

ICC T20 Ranking: டி20யில் 2வது இடத்திற்கு சரிந்த இந்தியா.. முதலிடத்திற்கு திரும்பிய இங்கிலாந்து!

Asian Games 2026: ஆசிய போட்டிக்கு நடுவே வரும் நக்வி.. பதக்கத்தை பெறுமா இந்திய அணி?

Asian Games 2026: இந்திய வீரர்களுக்கு அன்பிட் ஜெர்சி.. தலையிட்ட பிசிசிஐ.. என்ன நடந்தது..?

ஷ்ரேயாஸ் ஐயர், அபிஷேக் சர்மா, சஞ்சு சாம்சன், வைபவ் சூர்யவன்ஷி, ஜஸ்பிரித் பும்ரா மற்றும் அர்ஷ்தீப் சிங் உள்ளிட்ட முழு பலம் வாய்ந்த அணியுடன் இந்தியா ஜப்பானுக்கு வந்துள்ளது. நீங்கள் இந்தப் போட்டியை நேரலையில் பார்க்க விரும்பினால், வழக்கம்போல் ஜியோஸ்டாரில் பார்க்க முடியாது. இந்தியா-ஜப்பான் டி20 போட்டியை எப்போது, ​​எங்கே பார்க்கலாம் என்பது இங்கே கொடுக்கப்பட்டுள்ளது.

இந்தியா-ஜப்பான் போட்டி எங்கு நேரலையாக ஒளிபரப்பப்படும்?

இந்தியா – ஜப்பான் போட்டி ஃபேன் கோட் மொபைல் ஆப் மற்றும் இணையதளத்தில் நேரலையாக ஒளிபரப்பப்படும்.

போட்டி எப்போது தொடங்கும்?

இந்த வரலாற்று சிறப்புமிக்க டி20 போட்டி, நாளை அதாவது 2026 செப்டம்பர் 22ம் தேதி இந்திய நேரப்படி காலை 9:30 மணிக்குத் தொடங்கும்.

ஜப்பானுக்கு எதிரான டி20 போட்டி மற்றும் ஆசிய விளையாட்டுப் போட்டிகளுக்கான அணிகளை பிசிசிஐ சில வாரங்களுக்கு முன்பு அறிவித்தது. இருப்பினும், சமீபத்தில் சில மாற்றங்கள் செய்யப்பட்டன. காயம் காரணமாக வருண் சக்கரவர்த்தி மற்றும் ஹர்ஷித் ராணா ஆகியோரால் ஜப்பானுக்கு எதிரான போட்டியில் விளையாட முடியாது. வருண் சக்கரவர்த்திக்கு பதிலாக விப்ராஜ் நிகமும், ஹர்ஷித் ராணாவுக்கு பதிலாக யாஷ் தாக்கூரும் அணியில் சேர்க்கப்பட்டுள்ளனர். வெஸ்ட் இண்டீஸ் அணிக்கு எதிரான ஒருநாள் தொடர் காரணமாக நிதிஷ் குமார் ரெட்டியும் டி20 போட்டிகளில் இருந்து விலக்கப்பட்டுள்ளார்.

ALSO READ: 100 ஆண்டுகளை நிறைவு செய்யப்போகும் பிசிசிஐ.. உலக லெவன் அணியுடன் மோதும் இந்திய அணி!

இந்திய அணி:

ஷ்ரேயாஸ் ஐயர் (கேப்டன்), திலக் வர்மா, வைபவ் சூர்யவன்ஷி, அபிஷேக் சர்மா, சிவம் துபே, அக்சர் படேல், விப்ராஜ் நிகம், வாஷிங்டன் சுந்தர், சஞ்சு சாம்சன், இஷான் கிஷன், ஜஸ்பிரித் பும்ரா , அர்ஷ்தீப் சிங், ரவி பிஷ்னோய், யாஷ் தாக்கூர்.