IPL 2026: கடைசி 3 இடங்களில் KKR, MI, LSG.. பிளே ஆஃப் தகுதி பெற என்ன செய்ய வேண்டும்..?
IPL 2026 Playoffs: மும்பையுடன், கொல்கத்தா நைட் ரைடர்ஸ் மற்றும் லக்னோ சூப்பர் ஜெயண்ட்ஸ் அணிகளும் பிளேஆஃப் சுற்றிலிருந்து வெளியேறும் நிலையில் உள்ளன. இந்த மூன்று அணிகளும் தலா எட்டு போட்டிகளில் விளையாடி, 2ல் மட்டுமே வெற்றி பெற்றுள்ளன. மும்பை மற்றும் லக்னோ தலா 6 போட்டிகளிலும், கொல்கத்தா 5 போட்டிகளிலும் தோல்வியடைந்துள்ளன.
ஐபிஎல் 2026 சீசனில் (IPL 2026) பாதிக்கும் மேற்பட்ட லீக் போட்டிகள் ஏற்கனவே முடிந்துவிட்டன. நேற்று அதாவது 2026 ஏப்ரல் 29ம் தேதி நடைபெற்ற 41வது போட்டியில் வான்கடே மைதானத்தில் மும்பை இந்தியன்ஸ் (Mumbai Indians) மற்றும் சன்ரைசர்ஸ் ஹைதராபாத் அணிகள் மோதியது. இந்தப் போட்டியில் மும்பை அணி 6 விக்கெட் வித்தியாசத்தில் தோல்வியடைந்தது. இந்தத் தோல்வியின் மூலம், பிளேஆஃப் சுற்றிலிருந்து வெளியேறும் அபாயத்தில் மும்பை அணி உள்ளது. ஆனால், மும்பை மட்டுமல்ல, மும்பை உட்பட மேலும் 3 அணிகளும் பிளேஆஃப் சுற்றிலிருந்து வெளியேறும் அச்சுறுத்தலை எதிர்கொண்டுள்ளன. அவை எந்தெந்த அணிகள், பிளே ஆஃப் செல்ல என்ன செய்ய வேண்டும் என்பதை தெரிந்து கொள்வோம்.
ALSO READ: இ-சிகரெட் பயன்பாடு.. ரியான் பராக் மீது ஆக்ஷன் எடுத்த பிசிசிஐ!
மும்பையுடன், கொல்கத்தா நைட் ரைடர்ஸ் மற்றும் லக்னோ சூப்பர் ஜெயண்ட்ஸ் அணிகளும் பிளேஆஃப் சுற்றிலிருந்து வெளியேறும் நிலையில் உள்ளன. இந்த மூன்று அணிகளும் தலா எட்டு போட்டிகளில் விளையாடி, 2ல் மட்டுமே வெற்றி பெற்றுள்ளன. மும்பை மற்றும் லக்னோ தலா 6 போட்டிகளிலும், கொல்கத்தா 5 போட்டிகளிலும் தோல்வியடைந்துள்ளன என்பது குறிப்பிடத்தக்கது. மழை காரணமாக கொல்கத்தாவின் ஒரு போட்டி கைவிடப்பட்டதால், மற்ற இரண்டு அணிகளை விட ஒரு புள்ளி அதிகமாகப் பெற்றுள்ளது.
மும்பை இந்தியன்ஸ்:
மும்பை இந்தியன்ஸ் அணி இதுவரை விளையாடிய 8 போட்டிகளில் ஆறில் தோல்வியடைந்துள்ளது. இரண்டில் மட்டுமே வெற்றி பெற்றுள்ளதால், 4 புள்ளிகளை பெற்றுள்ளது. இங்கிருந்து, மும்பை இன்னும் 6 போட்டிகளில் விளையாட உள்ளது. மீதமுள்ள 6 போட்டிகளிலும் மும்பை அணி வெற்றி பெற்றால், 16 புள்ளிகளை பெறும். சில சமயங்களில், வெறும் 16 புள்ளிகளுடன் அணிகள் பிளேஆஃப் சுற்றுக்குத் தகுதி பெறுவது கடினமாக இருக்கும். இருப்பினும், இங்கிருந்து மும்பை ஒரு போட்டியில் தோற்றால்கூட, அவர்களிடம் 14 புள்ளிகள் மட்டுமே இருக்கும், இது பிளேஆஃப் சுற்றுக்குத் தகுதி பெறுவதை ஏறக்குறைய சாத்தியமற்றதாக ஆக்கிவிடும் என்பது குறிப்பிடத்தக்கது.
லக்னோ சூப்பர் ஜெயண்ட்ஸ்:
மும்பையைப் போலவே, லக்னோவும் தனது 8 போட்டிகளில் ஆறில் தோல்வியுற்று, மீதமுள்ள இரண்டில் வெற்றி பெற்றுள்ளது. அந்த அணிக்கு இன்னும் 6 லீக் போட்டிகள் மீதமுள்ளன. மீதமுள்ள அனைத்துப் போட்டிகளிலும் வெற்றி பெற்றால், அது 16 புள்ளிகளைப் பெற்று, அதன் பிளேஆஃப் வாய்ப்புகளை தக்க வைக்கும். இருப்பினும், அது ஒரு போட்டியில் தோற்றால்கூட, அதன் புள்ளிகள் வெறும் 14 ஆகக் குறைந்துவிடும். இதனால், பிளேஆஃப்களுக்குத் தகுதி பெறுவது கிட்டத்தட்ட சாத்தியமற்றதாகிவிடும்.
ALSO READ: இதுவரை 2 விக்கெட் மட்டுமே.. ஐபிஎல் 2026 சீசனில் பும்ராவுக்கு ஃபேட் டைம்..!
கொல்கத்தா நைட் ரைடர்ஸ்:
கொல்கத்தா தனது 8 போட்டிகளில் 5ல் தோல்வியடைந்து, இரண்டில் வெற்றி பெற்றுள்ளது. ஒரு போட்டி மழையின் காரணமாக கைவிடப்பட்டது. இதன் மூலம், கொல்கத்தா அணி ஐந்து புள்ளிகளைப் பெற்றுள்ளது. இங்கிருந்து, கொல்கத்தா இன்னும் 6 லீக் போட்டிகளில் விளையாட உள்ளது. அவை அனைத்திலும் வெற்றி பெற்றால், கொல்கத்தா அணி 17 புள்ளிகளை எட்டி, பிளேஆஃப் தகுதி பெறலாம். இருப்பினும், ஒரே ஒரு தோல்வி கூட பிளேஆஃப்களை கிட்டத்தட்ட சாத்தியமற்றதாக ஆக்கிவிடும்.
