IPL 2026: ஒரு போட்டியில் கூட இல்லாத ’தல’ தரிசனம்.. 18 ஆண்டுகால ஐபிஎல் வரலாற்றில் இதுவே முதல் முறை!
Chennai Super Kings: ஐபிஎல் 2026 சீசன் தொடங்குவதற்கு சற்று முன்பு, சீசனுக்கு முந்தைய பயிற்சி முகாமின் போது தோனிக்கு கெண்டைக்கால் காயம் ஏற்பட்டது. தோனி 2 வாரங்களில் அணிக்குத் திரும்புவார் என்று சிஎஸ்கே அணி நிர்வாகம் முதலில் நம்பியது. இருப்பினும், காயம் மீண்டும் மீண்டும் ஏற்பட்டது. தோனி மீண்டும் அணிக்குத் திரும்ப முயற்சித்தார். ஆனால் அது காயத்தை மேலும் மோசமாக்கியது.
ஐபிஎல் 2026 சீசனில் (IPL 2026) தங்களது கடைசி லீக் போட்டியில், சென்னை சூப்பர் கிங்ஸ் (CSK) அணி குஜராத் டைட்டன்ஸ் அணிக்கு எதிராக மோதியது. இந்த போட்டியில் சென்னை சூப்பர் கிங்ஸ் அணி வெற்றி பெற்றிருந்தால் பிளே ஆஃப் சுற்றுக்கு செல்லும் வாய்ப்பை பெற்றிருக்கும். ஆனால், குஜராத் டைட்டன்ஸ் அணி 89 ரன்கள் வித்தியாசத்தில் வெற்றி பெற்றது. அகமதாபாத்தில் நரேந்திர மோடி ஸ்டேடியத்தில் போட்டி தொடங்கிய உடனேயே, ஒரு நீண்டகால மரபு முறியடிக்கப்பட்டது. கடந்த 18 ஆண்டுகளில் முதல் முறையாக, மகேந்திர சிங் தோனி ஒரு முழு ஐபிஎல் சீசனில் ஒரு லீக் போட்டியில் கூட விளையாடாதது இதுவே முதல் முறையாகும். காயம் காரணமாக ஐபிஎல் தொடங்கியதிலிருந்தே தோனி களத்தில் இல்லாதது, சிஎஸ்கே அணிக்கு ஒரு பெரும் பின்னடைவாக அமைந்தது. இதன் காரணமாக, ஐபிஎல் 2026 சீசனில் பிளே ஆஃப் செல்வதற்கான பயணம் தடைப்பட்டது.
ALSO READ: மீண்டும் ருதுராஜ் அதே தவறு.. கடும் நடவடிக்கை எடுத்த பிசிசிஐ!
ஐபிஎல் 2026 சீசனில் சென்னை சூப்பர் கிங்ஸ் அணி இதுவரை 14 போட்டிகளில் விளையாடி 6 போட்டிகளில் வெற்றியையும், 8 போட்டிகளில் தோல்வியையும் சந்தித்துள்ளது. இதன் காரணமாக, சென்னை சூப்பர் கிங்ஸ் அணி ஐபிஎல் 2026 சீசனில் பிளே ஆஃப் சுற்றில் இருந்து அதிகாரப்பூர்வமாக வெளியேறியது.
காயங்களால் அவதிப்பட்ட எம்.எஸ். தோனி:
ஐபிஎல் 2026 சீசன் தொடங்குவதற்கு சற்று முன்பு, சீசனுக்கு முந்தைய பயிற்சி முகாமின் போது தோனிக்கு கெண்டைக்கால் காயம் ஏற்பட்டது. தோனி 2 வாரங்களில் அணிக்குத் திரும்புவார் என்று சிஎஸ்கே அணி நிர்வாகம் முதலில் நம்பியது. இருப்பினும், காயம் மீண்டும் மீண்டும் ஏற்பட்டது. தோனி மீண்டும் அணிக்குத் திரும்ப முயற்சித்தார். ஆனால் அது காயத்தை மேலும் மோசமாக்கியது. பின்னர், ஐபிஎல் லீக் சுற்றின் இறுதிப் போட்டிகளின் போது அவருக்குப் புதிய கட்டைவிரல் காயம் ஏற்பட்டது. காயத்தைத் தொடர்ந்து, தோனி ராஞ்சிக்குத் திரும்பினார். சிஎஸ்கே பிளேஆஃப்களுக்குத் தகுதி பெற்றால் தோனி மீண்டும் அணியில் இணையலாம் என்று கூறப்பட்டது. ஆனால், சிஎஸ்கே முழுவதும் வெளியேறியதால் நடப்பு ஐபிஎல் 2026 சீசனில் தோனியை ஒரு போட்டியில் கூட காணாமல் ரசிகர்கள் ஏமாற்றம் அடைந்தனர். அதேநேரத்தில், அவரது கட்டைவிரல் தற்போது குணமடைந்து வருகிறது.
ALSO READ: கொடுத்த வாய்ப்பு வீண்.. சிஎஸ்கே அணியில் இருந்து வெளியேற்றப்படும் 4 வீரர்கள்..!
எம்.எஸ். தோனி, இந்த லீக்கின் மிகவும் வயதான மற்றும் அதிக போட்டிகளில் விளையாடிய வீரர்களில் ஒருவர். எம்.எஸ். தோனி ஒவ்வொரு ஐபிஎல் சீசனிலும் 10க்கும் மேற்பட்ட போட்டிகளில் விளையாடியுள்ளார். இருப்பினும், தோனி ஒரு லீக் போட்டியில் கூட விளையாடாமல் இந்த சீசன் முடிவடைவது இதுவே முதல் முறையாகும். தோனி இதுவரை ஐபிஎல்-லில் 278 போட்டிகளில் விளையாடி, 5,439 ரன்கள் எடுத்துள்ளார். மேலும், தோனி தனது கேப்டன்சியின் கீழ் சென்னை சூப்பர் கிங்ஸ் அணியை 5 முறை சாம்பியன் பட்டத்திற்கு வழிநடத்தியுள்ளார்.
