IPL 2026: ஐபிஎல் 2027ல் கேப்டனை மாற்றப்போகும் 3 அணிகள்..? காரணம் இதுதான்..!
IPL 2027 Captains Change: ஐபிஎல் 2026 சீசனில் மும்பை இந்தியன்ஸ் அணி உள்பட சில பெரிய அணிகளின் செயல்பாடு முற்றிலும் ஏமாற்றமளிப்பதாக உள்ளது. இதற்கு முக்கியக் காரணம் மோசமான கேப்டன்சி என்று கருதப்படுகிறது. மும்பை இந்தியன்ஸ் (Mumbai Indians), லக்னோ சூப்பர் ஜெயண்ட்ஸ் (LSG) மற்றும் கொல்கத்தா நைட் ரைடர்ஸ் (KKR) போன்ற பெரிய அணிகள், மோசமான செயல்பாட்டையும் தொடர் தோல்விகளையும் சந்தித்து, தற்போது பெரும் சிக்கலில் உள்ளன.
ஐபிஎல் 2026 சீசன் (IPL 2026) மெதுவாக முடிவுக்கு வந்து கொண்டிருக்கிறது. எந்தெந்த அணிகள் பிளேஆஃப்களுக்குச் செல்லும், யாருடைய பயணம் முடிவுக்கு வரும் என்பது புள்ளி அட்டவணையில் இருந்து தெளிவாகத் தெரியத் தொடங்கியுள்ளது. இந்த சீசனில் மும்பை இந்தியன்ஸ் அணி உள்பட சில பெரிய அணிகளின் செயல்பாடு முற்றிலும் ஏமாற்றமளிப்பதாக உள்ளது. இதற்கு முக்கியக் காரணம் மோசமான கேப்டன்சி என்று கருதப்படுகிறது. மும்பை இந்தியன்ஸ் (Mumbai Indians), லக்னோ சூப்பர் ஜெயண்ட்ஸ் (LSG) மற்றும் கொல்கத்தா நைட் ரைடர்ஸ் (KKR) போன்ற பெரிய அணிகள், மோசமான செயல்பாட்டையும் தொடர் தோல்விகளையும் சந்தித்து, தற்போது பெரும் சிக்கலில் உள்ளன. இந்த தோல்விக்குப் பிறகு, இந்த அணியின் நிர்வாகம் கடுமையான முடிவுகளை எடுக்கக்கூடும் என்றும், வரவிருக்கும் ஐபிஎல் 2027 சீசனில் இந்த 3 அணிகளின் கேப்டன்களும் மாற்றப்படலாம் என்றும் வலுவான வாய்ப்புகள் உள்ளன. இந்த 3 அணிகளின் நிலை ஏன் மோசமாக உள்ளது என்பதைத் தெரிந்து கொள்வோம்.
ALSO READ: ஹர்திக் கேப்டன் மட்டுமே! பயிற்சியாளர் அல்ல.. விளாசிய முன்னாள் கிரிக்கெட் வீரர்!
ஹர்திக் பாண்டியா – மும்பை இந்தியன்ஸ் (MI)
மும்பை இந்தியன்ஸ் நிர்வாகம் 2024-ல் ரோஹித் ஷர்மாவை நீக்கிவிட்டு ஹர்திக் பாண்டியாவை கேப்டனாக நியமித்தது. ஆனால், இந்த முயற்சி தோல்வியில் முடிந்ததாகத் தெரிகிறது. 2024-ல், மும்பை அணி புள்ளி அட்டவணையில் கடைசி இடத்தில் இருந்தது. 2025-ல் மும்பை பிளேஆஃப்களுக்குத் தகுதி பெற்றது. ஆனால் அவர்களால் சிறப்பாக எதையும் சாதிக்க முடியவில்லை. இப்போது 2026-ல் பிளேஆஃப்களுக்குத் தகுதி பெறுவதற்கான பாதையும் கடினமாகத் தெரிகிறது. ஹர்திக் பாண்டியா தொடர்ந்து ரசிகர்கள் மற்றும் விமர்சகர்களின் இலக்காக இருக்கிறார்.
ஹர்திக் பாண்ட்யாவின் தனிப்பட்ட ஆட்டமும் மிகவும் மோசமாக உள்ளது. இந்த ஆண்டு அணி பிளேஆஃப்களுக்குத் தகுதி பெறவில்லை என்றால், ஹர்திக்கின் கேப்டன்சியின் கீழ் இது தொடர்ச்சியாக 3வது சீசனாக மும்பை அணியால் சிறப்பாக செயல்பட முடியவில்லை. இவை அனைத்தையும் கருத்தில் கொண்டு, 2027ம் ஆண்டிற்கு ஒரு புதிய கேப்டனைத் தேர்ந்தெடுக்க மும்பை இந்தியன்ஸ் நிர்வாகம் நிர்பந்திக்கப்படலாம்.
லக்னோ சூப்பர் ஜெயண்ட்ஸ் (LSG) – ரிஷப் பண்ட்:
ஐபிஎல் 2025 மெகா ஏலத்தில், லக்னோ அணியின் உரிமையாளர் சஞ்சீவ் கோயங்கா, ரிஷப் பண்டௌ 27 கோடி ரூபாய் என்ற பெரும் தொகைக்கு வாங்கி அவரை கேப்டனாக நியமித்தார். ஆனால் இந்த முடிவு தற்போது வரை சிறப்பானதாக அமையவில்லை. ஐபிஎல் 2025-ல், எல்.எஸ்.ஜி அணி புள்ளி அட்டவணையில் 7-வது இடத்தில் இருந்தது. ஆனால் இப்போது 2026-ல், அணியின் நிலை மிகவும் மோசமாக இருப்பதால், 8 போட்டிகளில் இருந்து வெறும் 4 புள்ளிகளுடன் லக்னோ நேரடியாக கடைசி இடத்திற்குத் தள்ளப்பட்டுள்ளது. பண்டின் நிலையும் மும்பையில் ஹர்திக் பாண்டியா இருந்ததைப் போலவே உள்ளது.
ஐபிஎல் 2026 சீசனில் பேட்டிங்கிலும் ரிஷப் பண்ட்டால் எந்த மாயாஜாலத்தையும் காட்ட முடியவில்லை; 2025 மற்றும் 2026 சீசன்களில் பண்ட் விளையாடிய 22 போட்டிகளில் வெறும் 458 ரன்கள் மட்டுமே எடுத்துள்ளார். இந்த மோசமான செயல்பாட்டைக் கருத்தில் கொண்டு, 2027-லும் லக்னோ ஒரு புதிய கேப்டனை நியமித்தால் ஆச்சரியப்படுவதற்கில்லை.
கொல்கத்தா நைட் ரைடர்ஸ் (KKR) – அஜிங்க்யா ரஹானே:
கடந்த ஐபிஎல் 2025 சீசனில், கொல்கத்தா நைட் ரைடர்ஸ் அணிக்கு அஜிங்க்யா ரஹானேவை கேப்டனாக நியமிப்பதைத் தவிர வேறு வழியில்லை. 2025 சீசனில், ரஹானே பேட்டிங்கில் ஓரளவுக்கு சிறப்பாக செயல்பட்டு 390 ரன்கள் எடுத்திருந்தார். ஆனால், ஐபிஎல் 2026-ல், அவரது ஃபார்ம் கணிசமாகக் குறைந்துள்ளதுடன், அணியின் நிலையும் முன்பைப் போலவே மோசமாக உள்ளது.
ALSO READ: மீண்டும் மீண்டுமா? காயத்தால் தத்தளிக்கும் சிஎஸ்கே.. முக்கிய ஆல்ரவுண்டர் விலகல்!
கொல்கத்தா நைட் ரைடர்ஸ் அணியின் 3 முக்கிய வேகப்பந்து வீச்சாளர்கள் இல்லாதது அணிக்கு ஒரு பெரிய பின்னடைவை ஏற்படுத்தியுள்ளது என்பது உண்மைதான், ஆனால், ஐபிஎல் 2026 சீசனின் முதல் 6 போட்டிகளில் தொடர்ச்சியாக ஒரு போட்டியில் கூட வெற்றி பெறத் தவறியதால், ரஹானேவின் கேப்டன்சி மீது பெரிய கேள்விகள் எழுந்துள்ளன. இருப்பினும், கொல்கத்தா அணி அதன் பிறகு தொடர்ச்சியாக 3 போட்டிகளில் வெற்றி பெற்று ஒரு சிறிய மீள்வருகையைச் செய்துள்ளது, ஆனால் அடுத்த ஆண்டு வேறு ஒரு வீரரிடம் கேப்டன் பொறுப்பை ஒப்படைப்பது குறித்து நிர்வாகம் நிச்சயமாக பரிசீலிக்கலாம்.
