IND vs NZ: இந்தியா vs நியூசிலாந்து T20.. 8 இந்திய வீரர்கள் படைக்கவிருக்கும் சாதனைகள்!
Indian Players Eyeing Major Records: 2026 அக்டோபர் 22 அன்று தொடங்கும் இந்தியா - நியூசிலாந்து T20 தொடரில், இந்திய அணி தொடரை வெல்லும் நோக்கில் களமிறங்குகிறது. இத்தொடரில் அர்ஷ்தீப் சிங், புவனேஷ்வர் குமார், இஷான் கிஷன் உள்ளிட்ட 8 முக்கிய இந்திய வீரர்கள் பல பெரிய சாதனைகளைப் படைக்க வாய்ப்புள்ளது. அதிக விக்கெட்டுகள், 2000 ரன்கள், 100 சிக்ஸர்கள் என வீரர்கள் தனிப்பட்ட மைல்கற்களை எட்ட உள்ளனர்.
நியூசிலாந்துக்கு (IND vs NZ) எதிரான இந்திய அணியின் (Indian Cricket Team) டெஸ்ட் போட்டி 2026 அக்டோபர் 22ம் தேதி இந்திய நேரப்படி மதியம் 12.30 மணிக்கு தொடங்குகிறது. 5 போட்டிகள் கொண்ட டி20 தொடரின் முதல் போட்டி கிறிஸ்ட்சர்ச்சில் உள்ள ஹாக்லி ஓவலில் நடைபெறும். இந்திய அணி இந்தத் தொடரை சிறப்பாகத் தொடங்கவும், டி20 தொடரை வெல்லவும் விரும்பும். இதற்கு முன்பு இந்திய அணி நியூசிலாந்தில் டி20 தொடரை வென்றபோது, அந்த அணியை 5-0 என்ற கணக்கில் முழுமையாக வீழ்த்தியிருந்தது. தற்போதைய தொடரில், இந்திய அணியின் 8 முக்கிய வீரர்களுக்கு மிகப்பெரிய சாதனைகளைப் படைக்க வாய்ப்புள்ளது. இந்தநிலையில், எந்தெந்த இந்திய வீரர்கள் என்னென்ன சாதனையை படைக்கப்போகிறார் உள்ளிட்ட சாதனைகளை தெரிந்து கொள்வோம்.
ALSO READ: பிசிசிஐ ரோஹித், கோலிக்கு இந்திய அணியில் இடமளிக்குமா..? உலகக் கோப்பை திட்டம் இதுதான்!
அர்ஷ்தீப் சிங்
- ஒரு வருடத்தில் அதிகபட்ச டி20ஐ விக்கெட்டுகளை வீழ்த்த இன்னும் 3 விக்கெட்டுகள் மட்டுமே தேவையாக உள்ளது.
- ஒரு டி20 சர்வதேசப் போட்டியின் பவர்பிளேயில் அதிக விக்கெட்டுகளை வீழ்த்துவதற்கு 4 விக்கெட்டுகள் மட்டுமே தேவையாக உள்ளது.
- 150 டி20ஐ விக்கெட்டுகளை நிறைவு செய்ய இன்னும் 5 விக்கெட்டுகள் தேவையாக உள்ளது.
- டி20 போட்டிகளில் 300 விக்கெட்டுகளை எட்ட இன்னும் 12 விக்கெட்டுகள் தேவையாக உள்ளது.
புவனேஷ்வர் குமார்
- 300 சர்வதேச விக்கெட்டுகளை நிறைவு செய்ய 6 விக்கெட்டுகள் தேவையாக உள்ளது.
- 100 டி20ஐ விக்கெட்டுகளை நிறைவு செய்ய இன்னும் 10 விக்கெட்டுகள் தேவையாக உள்ளது.
- டி20 பவர்பிளேயில் அதிக டாட் பந்துகளை வீசுவதற்கு இரண்டே டாட் பந்துகள்தான் தேவையாக உள்ளது.
இஷான் கிஷன்
- டி20 சர்வதேசப் போட்டிகளில் 2000 ரன்களை நிறைவு செய்ய 46 ரன்கள் தேவையாக உள்ளது.
- 100 டி20ஐ சிக்ஸர்களை நிறைவு செய்ய இன்னும் 9 சிக்ஸர்கள் தேவையாக உள்ளது.
- ஒரு காலண்டர் ஆண்டில் டி20ஐ போட்டிகளில் அதிக ரன்கள் எடுக்க 169 ரன்கள் தேவை.
நியூசிலாந்துக்கு எதிராக டி20 போட்டிகளில் அதிகபட்ச ரன்களைக் குவிக்க இந்தியாவுக்கு 155 ரன்கள் தேவையாக உள்ளது.
திலக் வர்மா
- டி20 சர்வதேசப் போட்டிகளில் 2000 ரன்களை நிறைவு செய்ய 159 ரன்கள் தேவையாக உள்ளது.
- 100 டி20ஐ சிக்ஸர்களை எட்ட இன்னும் 7 சிக்ஸர்கள் தேவையாக உள்ளது.
- SENA நாடுகளில் அதிக சிக்ஸர்களை அடிக்க இந்தியாவுக்கு 15 சிக்ஸர்கள் தேவையாக உள்ளது.
சஞ்சு சாம்சன்
- டி20 சர்வதேசப் போட்டிகளில் 2000 ரன்களை நிறைவு செய்ய 265 ரன்கள் தேவையாக உள்ளது.
- ஒரு இந்திய விக்கெட் கீப்பராக டி20ஐ போட்டிகளில் அதிக ரன்கள் எடுக்க 195 ரன்கள் தேவையாக உள்ளது.
- 100 டி20ஐ சிக்ஸர்களை நிறைவு செய்ய இன்னும் 13 சிக்ஸர்கள் தேவையாக உள்ளது.
அபிஷேக் ஷர்மா
- பவர்பிளேயில் 100 சிக்ஸர்களை எட்ட இன்னும் 4 சிக்ஸர்கள் தேவையாக உள்ளது.
- ஓராண்டில் 1000 ரன்கள் எடுத்த முதல் தொடக்க ஆட்டக்காரர் என்ற பெருமையைப் பெற இன்னும் 44 ரன்கள் தேவையாக உள்ளது.
ALSO READ: சவால் நிறைந்த நியூசிலாந்து சூழல்.. சூர்யவன்ஷிக்கு டஃபி எச்சரிக்கை!
குல்தீப் யாதவ் மற்றும் வருண் சக்ரவர்த்தி
- வருண் சக்கரவர்த்தி 100 சர்வதேச விக்கெட்டுகளை நிறைவு செய்ய இன்னும் 15 விக்கெட்டுகள் தேவையாக உள்ளது.
- டி20 சர்வதேசப் போட்டிகளில் 100 விக்கெட்டுகளை நிறைவு செய்ய குல்தீப்பிற்கு இன்னும் 2 விக்கெட்டுகள் தேவையாக உள்ளது.
