IND vs NZ 2nd T20I: இந்தியா vs நியூசிலாந்து 2வது டி20 போட்டி.. எப்போது, எங்கே, எப்படி பார்ப்பது? முழு அணி விவரங்கள்!
IND vs NZ 2nd T20I Live Streaming: இந்தியா - நியூசிலாந்து அணிகளுக்கிடையேயான 2வது டி20 போட்டி, இந்தியா 1-0 என முன்னிலை பெற்ற நிலையில், நாளை அக்டோபர் 24 அன்று கிறிஸ்ட்சர்ச்சில் நடைபெறுகிறது. இந்திய நேரப்படி மதியம் 12:30 மணிக்கு ஹாக்லி ஓவலில் தொடங்கும் இப்போட்டியை சோனி ஸ்போர்ட்ஸ் மற்றும் டிடி ஸ்போர்ட்ஸில் நேரலையில் காணலாம். தொடரை வெல்ல இந்தியா நோக்கம், நியூசிலாந்து சமன் செய்ய முயற்சிக்கும்.
நியூசிலாந்து சுற்றுப்பயணத்தை இந்தியா (Indian Cricket Team) வெற்றியுடன் தொடங்கியுள்ளது. கிறிஸ்ட்சர்ச்சில் உள்ள ஹாக்லி ஓவலில் நடைபெற்ற முதல் டி20 போட்டியில், இந்திய அணி நியூசிலாந்தை (IND vs NZ) 4 விக்கெட் வித்தியாசத்தில் வீழ்த்தியது. இந்த வெற்றியின் மூலம், 5 போட்டிகள் கொண்ட டி20 தொடரில் இந்தியா 1-0 என முன்னிலை பெற்றுள்ளது. முதல் போட்டியில் இந்திய பந்துவீச்சாளர்கள் எதிர்பார்த்தபடி செயல்படவில்லை என்றாலும், பேட்ஸ்மேன்கள் சிறப்பாக விளையாடி வெற்றியை பெற்று கொடுத்தனர். ஆல்-ரவுண்டர் நமன் தீர் தனது சிறப்பான ஆட்டத்தால் அனைவரின் கவனத்தையும் ஈர்த்தார். தற்போது இந்திய அணி இரண்டாவது போட்டியில் வெற்றி பெற்று தொடரில் தனது முன்னிலையை இரட்டிப்பாக்க முயற்சிக்கும். மறுபுறம், நியூசிலாந்து அணி தொடரை சமன் செய்யும் நோக்கில் களமிறங்கும்.
ALSO READ: இவ்வளவு பெரிய ரன் சேஸிங்கிற்கு இதுதான் உதவியது.. ரகசியத்தை உடைத்த சஞ்சு சாம்சன்!
இந்தியா மற்றும் நியூசிலாந்து அணிகளுக்கு இடையேயான இரண்டாவது டி20 போட்டி எப்போது நடைபெறும்?
இந்தியா மற்றும் நியூசிலாந்து அணிகளுக்கு இடையேயான இரண்டாவது டி20 போட்டி நாளை அதாவது 2026 அக்டோபர் 24ம் தேதி நடைபெற உள்ளது. முதல் போட்டிக்குப் பிறகு இரு அணிகளுக்கும் தயாராவதற்கு அதிக நேரம் கிடைக்காது. எனவே, இரண்டாவது போட்டியில் வீரர்களின் செயல்பாடு மற்றும் அணியின் வியூகம் ஆகியவை முக்கியமானதாக இருக்கும்.
இரண்டாவது டி20 போட்டி எங்கு நடைபெறும்?
இந்தியா மற்றும் நியூசிலாந்து அணிகளுக்கு இடையேயான இரண்டாவது டி20 போட்டியும் கிறிஸ்ட்சர்ச்சில் உள்ள ஹாக்லி ஓவல் ஸ்டேடியத்தில் நடைபெற உள்ளது. முதல் போட்டியும் இதே ஸ்டேடியத்தில் நடைபெற்றதால், இரு அணிகளுக்கும் இங்குள்ள சூழல் நன்கு தெரியும். டாஸ் வெல்லும் கேப்டன் முதலில் பந்துவீச முடிவு செய்யலாம். முதல் போட்டியில், இந்திய கேப்டன் ஷ்ரேயாஸ் ஐயர் டாஸ் வென்று முதலில் பந்துவீச முடிவு செய்தார்.
இந்தியா – நியூசிலாந்து இடையிலான இரண்டாவது டி20 போட்டி எத்தனை மணிக்குத் தொடங்கும்?
இந்தியா மற்றும் நியூசிலாந்து அணிகளுக்கு இடையேயான இரண்டாவது டி20 போட்டி இந்திய நேரப்படி மதியம் 12:30 மணிக்குத் தொடங்கும். டாஸ் மதியம் 12 மணிக்கு நடைபெறும்.
இந்தியா – நியூசிலாந்து இடையிலான 2வது டி20 போட்டியை நான் எங்கே நேரலையில் பார்க்கலாம்?
இந்தியா மற்றும் நியூசிலாந்து அணிகளுக்கு இடையேயான இரண்டாவது டி20 போட்டி, சோனி ஸ்போர்ட்ஸ் நெட்வொர்க் மற்றும் டிடி ஸ்போர்ட்ஸ் ஆகியவற்றில் நேரலையாக ஒளிபரப்பப்படும்.
ALSO READ: மிரட்டிய சஞ்சு.. விரட்டிய ஷ்ரேயாஸ்.. இந்திய அணி த்ரில் வெற்றி..!
இந்திய அணி :
ஷ்ரேயாஸ் ஐயர் (கேப்டன்), அபிஷேக் சர்மா, சஞ்சு சாம்சன், வைபவ் சூர்யவன்ஷி, இஷான் கிஷன், திலக் வர்மா, அக்சர் படேல், சிவம் துபே, நிதிஷ் குமார் ரெட்டி, நமன் திர், பிரின்ஸ் யாதவ், மயங்க் யாதவ், அர்ஷ்தீப் சிங், புவனேஷ்வர் குமார், வருண் சக்ரவர்த்தி,
நியூசிலாந்து அணி:
ஃபின் ஆலன், டிம் சீஃபர்ட் (விக்கெட் கீப்பர்), டெவோன் கான்வே, கிளென் பிலிப்ஸ், டேரில் மிட்செல், மைக்கேல் பிரேஸ்வெல், மிட்செல் சாண்ட்னர் (கேப்டன்), நாதன் ஸ்மித், கைல் ஜேமிசன், மாட் ஹென்றி, லாக்கி ஃபெர்குசன், ஜோஷ் கிளார்க்சன், ஜேக்கப் டஃபி, பெவோன் ஜேக்கப்ஸ், ஆடம் மில்னே மற்றும் பிளேயர் டிக்னர்.
