IND vs NZ: அதிரடி காட்டிய பிலிப்ஸ், ஆலன்.. இந்திய அணி 226 ரன்கள் இலக்கு!
New Zealand vs India 1st T20I: இந்தியா மற்றும் நியூசிலாந்து இடையிலான முதல் டி20 போட்டியில் முதலில் பேட்டிங் செய்த நியூசிலாந்து அணி 20 ஓவர்கள் முடிவில் 4 விக்கெட்கள் இழப்பிற்கு 225 ரன்கள் எடுத்துள்ளது. இதன்மூலம், டி20 போட்டிகளில் இந்தியாவிற்கு எதிராக நியூசிலாந்து எடுத்த அதிகபட்ச ஸ்கோர் இது என்பதும் குறிப்பிடத்தக்கது.
இந்தியா மற்றும் நியூசிலாந்து இடையிலான (IND vs NZ) முதல் டி20 போட்டியில் முதலில் பேட்டிங் செய்த நியூசிலாந்து அணி 20 ஓவர்கள் முடிவில் 4 விக்கெட்கள் இழப்பிற்கு 225 ரன்கள் எடுத்துள்ளது. இதன்மூலம், டி20 போட்டிகளில் இந்தியாவிற்கு (Indian Cricket Team) எதிராக நியூசிலாந்து எடுத்த அதிகபட்ச ஸ்கோர் இது என்பதும் குறிப்பிடத்தக்கது. கிறிஸ்ட்சர்ச்சில் நடைபெறும் இந்தப் போட்டியில், இந்திய அணி டாஸ் வென்று முதலில் பந்துவீசத் தீர்மானித்தது. முதல் இரண்டு ஓவர்களில், அர்ஷ்தீப் மற்றும் புவனேஷ்வர் குமார் தங்களது ஸ்விங் பந்துவீச்சால் நியூசிலாந்து பேட்ஸ்மேன்களுக்குச் சிரமத்தை ஏற்படுத்தினர். முதல் இரண்டு ஓவர்களில் 12 ரன்கள் மட்டுமே எடுக்கப்பட்ட நிலையில், புவனேஷ்வர் குமார் வீசிய மூன்றாவது ஓவரில் 17 ரன்களை விட்டுக்கொடுத்தார். அதன் பிறகு, நியூசிலாந்து பேட்ஸ்மேன்கள் அதிரடியாக ரன்களை குவிக்க தொடங்கினர்.
ALSO READ: முதலில் பேட் செய்யும் நியூசிலாந்து.. இந்திய பிளேயிங் லெவனில் மாற்றமா..?
டி20 போட்டியில் நியூசிலாந்து அணியின் அதிகபட்ச ஸ்கோர்:
Innings Break!
New Zealand post a total of 225/4 on the board.
One wicket apiece for Mayank Yadav, Axar Patel and Arshdeep Singh.
Scorecard – https://t.co/ADfFnxXGzz #NZvIND https://t.co/7CKPnJkVkJ
— BCCI (@BCCI) October 22, 2026
முதல் டி20 போட்டியில் 225 ரன்கள் எடுத்ததன் மூலம், நியூசிலாந்து அணி இந்தியாவிற்கு எதிராக தனது அதிகபட்ச டி20ஐ ஸ்கோரை சமன் செய்தது. இந்த ஆண்டு ஜனவரி மாதம் திருவனந்தபுரத்தில் நடந்த போட்டியிலும் நியூசிலாந்து அணி இந்தியாவிற்கு எதிராக 225 ரன்கள் எடுத்திருந்தது. இந்த வரலாற்று சிறப்புமிக்க இன்னிங்ஸில், கிளென் பிலிப்ஸ் 40 பந்துகளில் ஆட்டமிழக்காமல் 82 ரன்கள் எடுத்தார். இதன்போது, 8 பவுண்டரிகளையும் 3 சிக்ஸர்களையும் அடித்தார்.
ஃபின் ஆலனுடன் சேர்த்து, 24 வயதான பெவோன் ஜேக்கப்ஸும் சிறப்பாக விளையாடினார். ஆலன் 24 பந்துகளில் 45 ரன்களும், ஜேக்கப்ஸ் 16 பந்துகளில் 31 ரன்களும் எடுத்தனர்.
நியூசிலாந்தின் அதிகபட்ச டி20ஐ ஸ்கோர்கள் (இந்தியாவுக்கு எதிராக)
- 225 ரன்கள் – 2026 (திருவனந்தபுரம்)
- 225 ரன்கள் – 2026 (கிறிஸ்ட்சர்ச்)
- 219 ரன்கள் – 2019 (வெலிங்டன்)
இந்திய பந்துவீச்சாளர்கள் மீண்டும் சொதப்பல்:
ஹாக்லி ஓவலில் இந்திய பந்துவீச்சாளர்களான அர்ஷ்தீப் சிங், மயங்க் யாதவ் மற்றும் அக்சர் படேல் ஆகியோர் மட்டுமே தலா ஒரு விக்கெட்டை எடுத்தனர். பந்துவீச்சாளர்களில் அக்சர் படேல் நான்கு ஓவர் பந்துவீச்சில் 51 ரன்களை விட்டுக்கொடுத்தார். புவனேஷ்வர் குமார் நீண்ட காலத்திற்குப் பிறகு இந்திய அணிக்காகப் பந்துவீசினார். அவரும் தனது நான்கு ஓவர்களில் 49 ரன்களை விட்டுக்கொடுத்தார்.
ALSO READ: ஹாக்லி ஓவலில் டி20 போட்டிகளின் சாதனை என்ன? இந்தியா ஆதிக்கம் செலுத்துமா?
நியூசிலாந்து அணிக்கு எதிரான முதல் டி20 போட்டியில் இந்திய பந்துவீச்சாளர்கள் கடைசி 3 ஓவர்களில் மீண்டு வந்தனர். நியூசிலாந்து கடைசி மூன்று ஓவர்களில் 35 ரன்கள் மட்டுமே எடுத்தது.
