IND vs JAP: வரலாற்று போட்டியில் மழை எச்சரிக்கை.. இந்தியா – ஜப்பான் டி20க்கு சிச்சல்!
IND vs JAP Weather Update: வானிலை அறிக்கையின்படி, இன்று அதாவது 2026 செப்டம்பர் 21ம் தேதி சானோவில் கனமழை பெய்ய வாய்ப்புள்ளது. மேலும், நாளை அதாவது 2026 செப்டம்பர் 22ம் தேதி காலை மற்றும் பிற்பகலிலும் இதே போன்ற வானிலை தொடரும் என எதிர்பார்க்கப்படுகிறது.
இந்தியா மற்றும் ஜப்பான் அணிகளுக்கு (IND vs JAP) இடையேயான ஒரேயொரு டி20 போட்டி நாளை அதாவது 2026 செப்டம்பர் 22ம் தேதி சானோ மைதானத்தில் நடைபெற உள்ளது. கிரிக்கெட்டில் இந்தியாவும் ஜப்பானும் நேருக்கு நேர் மோதுவது இதுவே முதல் முறையாகும். இந்திய அணியுடன் ஒப்பிடுகையில், ஜப்பான் இன்னும் ஒரு இளம் அணியாகும். எனவே, இந்திய அணி (Indian Cricket Team) வெற்றி பெறுவது உறுதியாக இருந்தாலும், கிரிக்கெட்டில் இளம் அணியான ஜப்பான் எப்படிச் செயல்படும் என்பதைப் பார்ப்பது சுவாரஸ்யமாக இருக்கும். இருப்பினும், போட்டி நடைபெறும் நாளில் கனமழை பெய்யும் என முன்னறிவிப்பு இருப்பதால், இந்தப் போட்டி நடைபெறாது என்று கூறப்படுகிறது. ஆனாலும், போட்டிக்கு முன்பு நடைபெற்ற செய்தியாளர் சந்திப்பில் பேசிய கேப்டன் ஷ்ரேயாஸ் ஐயர், வானிலை போட்டியைப் பாதிக்காது என்று நம்புவதாகக் கூறினார்.
ALSO READ: 100 ஆண்டுகளை நிறைவு செய்யப்போகும் பிசிசிஐ.. உலக லெவன் அணியுடன் மோதும் இந்திய அணி!
வானிலை எப்படி இருக்கும்?
வானிலை அறிக்கையின்படி, இன்று அதாவது 2026 செப்டம்பர் 21ம் தேதி சானோவில் கனமழை பெய்ய வாய்ப்புள்ளது. மேலும், நாளை அதாவது 2026 செப்டம்பர் 22ம் தேதி காலை மற்றும் பிற்பகலிலும் இதே போன்ற வானிலை தொடரும் என எதிர்பார்க்கப்படுகிறது. இதன் பொருள், போட்டியின் போதும் மழை பெய்ய வாய்ப்புள்ளது என்பதாகும். கேள்வி என்னவென்றால், மழையால் மைதானத்தின் வெளிப்புறம் தண்ணீர் நிறைந்தால், போட்டி நடைபெறாது. ஏனெனில், ஜப்பானிய ஸ்டேடியத்தில் முறையான வடிகால் அமைப்பு இல்லை. கனமழை காரணமாக இந்திய அணி தங்களது பயிற்சி அமர்வை ரத்து செய்துள்ளது.
ஷ்ரேயாஸ் ஐயர் என்ன கூறினார்?
போட்டிக்கு முன்னதாக நடைபெற்ற செய்தியாளர் சந்திப்பில் பேசிய இந்திய கேப்டன் ஷ்ரேயாஸ் ஐயர், “நானும் எனது அணியும் போட்டி தொடங்குவதற்காக ஆவலுடன் காத்திருக்கிறோம். இது எங்களுக்கு ஒரு அற்புதமான அனுபவமாக இருக்கும். நாங்கள் முதல் முறையாக ஜப்பானுக்கு எதிராக விளையாடுகிறோம். இங்குள்ள ஆடுகளத்தின் தன்மை மற்றும் ஆடுகளம் பற்றி எங்களுக்கு அதிகம் தெரியாது. ஆனால் ஒரு நல்ல போட்டியை நான் எதிர்பார்க்கிறேன். ஜப்பானுக்கு எதிரான போட்டிக்காக நாங்கள் மிகவும் உற்சாகமாக இருக்கிறோம், மழை பெய்யாது என்று நம்புகிறோம். மைதானத்திற்கு வரும் அனைத்து ரசிகர்களும் ஒரு நல்ல போட்டியைக் காண்பார்கள்” என்று கூறினார்.
ALSO READ: ஜியோஸ்டாரில் இந்தியா – ஜப்பான் போட்டியை பார்க்க முடியாதா? நேரலையில் எங்கு காணலாம்?
ஜப்பானின் அழகு..
ஜப்பானின் அழகு குறித்து பேசிய ஷ்ரேயாஸ் ஐயர் கூறுகையில், ”ஜப்பான் ஒரு அழகான நாடு. இங்குள்ள மக்கள் மிகவும் நட்பானவர்கள். விருந்தோம்பல் அற்புதமானது. நான் ஜப்பானைப் பற்றியும் டோக்கியோ நகரத்தைப் பற்றியும் நிறைய கேள்விப்பட்டிருக்கிறேன். இப்போது நான் அதை இன்னும் அதிகமாக ஆராய விரும்புகிறேன். ஆஸ்திரேலியா, இங்கிலாந்து அல்லது நியூசிலாந்துக்குச் செல்வதிலிருந்து இங்கு கிடைக்கும் அனுபவம் வித்தியாசமானது. இங்குள்ள கலாச்சாரம் தனித்துவமானது.” என்றார்.
