IND vs NZ: குல்தீப், வருண் ஏன் நீக்கப்பட்டனர்? நியூசி. தொடரில் இந்திய அணி தேர்வு குறித்து விளக்கம்!
Indian Cricket Spin Bowlers: நியூசி., தொடரில் குல்தீப் யாதவ், வருண் சக்கரவர்த்தி ஆகியோர் அணியில் இருந்து தொடர்ந்து நீக்கப்படுவது ரசிகர்களின் கேள்வியாகியுள்ளது. 4வது டி20யில் இந்தியப் பந்துவீச்சாளர்கள் 259 ரன்களை விட்டுக்கொடுத்த நிலையில், இவர்களின் தேவை உணரப்பட்டது. சுழற்பந்து வீச்சுப் பயிற்சியாளர் சாய்ராஜ் பாஹுதுலே, அணியின் கலவைக்கே முன்னுரிமை அளிக்கப்படுவதாகவும், இருவரும் தயாராக இருப்பதாகவும், வரவிருக்கும் போட்டிகளில் வாய்ப்பு கிடைக்கலாம் எனவும் விளக்கமளித்துள்ளார்.
நியூசிலாந்துக்கு எதிரான டி20 தொடருக்கான (IND vs NZ) ஆடும் லெவனில் இருந்து குல்தீப் யாதவ் மற்றும் வருண் சக்கரவர்த்தி தொடர்ந்து நீக்கப்பட்டு வருகின்றனர். நியூசிலாந்துக்கு எதிரான நான்காவது டி20 போட்டியில், இந்திய பந்துவீச்சாளர்கள் 259 ரன்களை விட்டுக்கொடுத்ததில், அணி 87 ரன்கள் வித்தியாசத்தில் தோல்வியடைந்தது. இந்தப் போட்டியில் குல்தீப் யாதவ் மற்றும் வருண் சக்கரவர்த்தி போன்ற அனுபவமிக்க சுழற்பந்து வீச்சாளர்களுக்கு வாய்ப்பு கிடைக்காததால், அணி நிர்வாகத்தின் முடிவை கிரிக்கெட் ரசிகர்கள் கேள்விக்குள்ளாக்கினர். மேலும், 4வது டி20 போட்டியில் இந்தியா (Indian Cricket Team) 87 ரன்கள் வித்தியாசத்தில் தோல்வியடைந்த பிறகு இந்த முடிவு கேள்விக்குள்ளாக்கப்பட்டது. தற்போது, அந்த இரு சுழற்பந்து வீச்சாளர்களுக்கும் வாய்ப்பு வழங்கப்படாததற்கான காரணத்தை இந்திய அணியின் சுழற்பந்து வீச்சுப் பயிற்சியாளர் சாய்ராஜ் பஹுதுலே விளக்கியுள்ளார்.
ALSO READ: நியூசிலாந்து எதிரான ஒருநாள் தொடர்.. இந்திய அணியில் குறிப்பிட்ட மாற்றத்தை செய்த பிசிசிஐ!
இந்திய அணியின் பயிற்சியாளர் கூறியது என்ன..?
வருண், குல்தீப் இடம்பெறாதது குறித்து பேசிய இந்திய அணியின் சுழற்பந்து வீச்சுப் பயிற்சியாளர் சாய்ராஜ் பாஹுதுலே, ”குல்தீப் யாதவ் மற்றும் வருண் சக்கரவர்த்தி ஆகிய வீரர்களும் அணியின் திட்டத்தில் அங்கம் வகிப்பதாகத் தெளிவுபடுத்தினார். இருப்பினும், ஆடும் லெவனைத் தேர்ந்தெடுப்பதில் அணியின் கலவைக்கு முன்னுரிமை அளிக்கப்படுகிறது. இரு வீரர்களும் விளையாட முழுமையாகத் தயாராக உள்ளனர். குல்தீப் மற்றும் வருண் அணித் தேர்வு செயல்முறையை நன்கு புரிந்து கொண்டுள்ளனர். அவர்கள் வலைப்பயிற்சியில் கடுமையாக உழைத்து வருகின்றனர். மேலும், வாய்ப்பு கிடைக்கும் போதெல்லாம் விளையாடத் தயாராக இருப்பார்கள். வரவிருக்கும் போட்டிகளில் அவர்களுக்கு வாய்ப்பு கிடைக்கலாம்.
பந்துவீச்சாளர்கள் ஆக்ரோஷமாகப் பந்துவீச ஊக்குவிக்கப்படுகிறார்கள் என்றார். இருப்பினும், போட்டியின் சூழ்நிலையைப் பொறுத்து, தற்காப்புப் பந்துவீச்சும் ஒரு ஆக்ரோஷமான தேர்வாக அமையலாம். பந்துவீச்சாளர்கள் சூழ்நிலைக்கு ஏற்ப தங்கள் திட்டங்களை மாற்றிக்கொள்ள வேண்டும்.” என்று கூறினார்.
ALSO READ: இந்தியா-நியூசிலாந்து 5வது டி20.. செட்டன் பார்க் பிட்ச் ரிப்போர்ட்! பேட்ஸ்மேன்களுக்கு சாதகமா?
இந்திய அணியின் செயல்பாடு குறித்து பேசிய சுழற்பந்து பயிற்சியாளர், “பவர்பிளேயில் பந்துவீசுவது மட்டுமின்றி, இன்னிங்ஸின் மற்ற கட்டங்களிலும் அக்சரால் சிறப்பாகச் செயல்பட முடியும். குல்தீப் மற்றும் வருண் ஆகியோராலும் தேவைப்படும் எந்தக் கட்டத்திலும் பந்துவீச முடியும்.அபிஷேக் வலைப்பயிற்சியில் இடது கை சுழற்பந்துவீச்சில் பயிற்சி செய்துள்ளார். இருப்பினும், ஒரு போட்டியில் அதைப் பயன்படுத்துவதா இல்லையா என்ற முடிவு, கேப்டனையும் களத்தின் நிலைமைகளையும் பொறுத்தது.
குறுகிய எல்லைகளும் ஆடுகளத்தின் வழக்கத்திற்கு மாறான பரிமாணங்களும் பந்துவீச்சாளர்களுக்கு ஒரு சவாலாக இருந்தன என்றார். இந்திய அணிக்குத் தங்கள் திட்டங்கள் தெரிந்திருந்தன, ஆனால் நியூசிலாந்தின் ஆக்ரோஷமான பேட்டிங்கிற்கு எதிராக அவற்றைச் சரியாகச் செயல்படுத்த முடியவில்லை.” என்று தெரிவித்தார்.
5 போட்டிகள் கொண்ட டி20 தொடரில் இந்தியா 3-1 என்ற கணக்கில் வெல்ல முடியாத முன்னிலை பெற்றுள்ளது. எனவே, ஹாமில்டனில் நடைபெறவுள்ள இறுதிப் போட்டியில் அணி நிர்வாகம் சில மாற்றங்களைச் செய்யக்கூடும். அத்தகைய சூழ்நிலையில், குல்தீப் மற்றும் வருண் ஆகியோர் ஆடும் லெவனில் இடம்பிடிக்க வாய்ப்புள்ளது.
