IND vs NZ: 4 ஆண்டுகளுக்குப் பிறகு! இந்திய அணிக்குள் புவனேஷ்வர்.. எதிர்பார்ப்பில் NZ தொடர்!

Bhuvneshwar Kumar Returns: நியூசிலாந்துக்கு எதிரான 5 போட்டிகள் கொண்ட டி20 தொடருக்கான இந்திய அணி அறிவிக்கப்பட்டுள்ளது. அனுபவ வீரர் புவனேஷ்வர் குமார் நான்கு ஆண்டுகளுக்குப் பிறகு அணிக்குத் திரும்பியுள்ளார். ஸ்ரேயாஸ் அய்யர் கேப்டனாகவும், திலக் வர்மா துணை கேப்டனாகவும் நியமிக்கப்பட்டுள்ளனர். பும்ராவுக்கு ஓய்வு அளிக்கப்பட்டு, இளம் வீரர்களுக்கு வாய்ப்புகள் வழங்கப்பட்டுள்ளன. வருண் சக்ரவர்த்தி காயத்திலிருந்து மீண்டுள்ளார்.

புவனேஷ்வர் குமார்

Mukesh Kannan | Published: 07 Oct 2026 08:00 AM IST

நியூசிலாந்து தொடருக்கான இந்திய டி20 அணியை (IND vs NZ) இந்திய கிரிக்கெட் கட்டுப்பாட்டு வாரியம் அறிவித்துள்ளது. 5 போட்டிகள் கொண்ட டி20 தொடருக்காக 16 பேர் கொண்ட இந்திய அணி அறிவிக்கப்பட்டுள்ளது. இதில், அனுபவ வேகப்பந்து வீச்சாளர் புவனேஷ்வர் குமார் இந்திய அணிக்கு மீண்டும் திரும்பியுள்ளார். இந்தத் தொடரில் ஷ்ரேயாஸ் ஐயர் இந்திய அணியின் (Indian Cricket Team) கேப்டனாகவும், திலக் வர்மா துணை கேப்டனாகவும் இருப்பார்கள். வரவிருக்கும் தொடருக்காக தேர்வுக் குழு சில முக்கிய முடிவுகளை எடுத்துள்ளது.

ALSO READ: நியூசிலாந்து சுற்றுப்பயணத்தில் பின்னடைவு.. காயத்தில் முக்கிய வேகப்பந்துவீச்சாளர்!

4 ஆண்டுகளுக்கு பிறகு இடம் பிடித்த புவனேஷ்வர் குமார்:

36 வயதான புவனேஷ்வர் குமார், தொடர்ச்சியாக 2 ஐபிஎல் சீசன்களில் தனது சிறப்பான ஆட்டத்தால் ரசிகர்களை கவர்ந்தார். இதன் காரணமாக, இந்திய அணிக்கு மீண்டும் புவி திரும்புவார் என்று சில காலமாகவே பேசப்பட்டு வந்தது. இறுதியாக, நியூசிலாந்து சுற்றுப்பயணத்திற்கான டி20 அணியில் புவனேஷ்வர் குமார் தேர்ந்தெடுக்கப்பட்டார். புவனேஷ்வர், இந்தியாவுக்காக தனது கடைசி டி20 போட்டியை 2022-ல் நேப்பியரில் நியூசிலாந்துக்கு எதிராக விளையாடினார். தனது டி20 சர்வதேசப் போட்டிகளில், புவனேஷ்வர் குமார் இதுவரை 87 ஆட்டங்களில் 90 விக்கெட்டுகளை வீழ்த்தியுள்ளார்.

பும்ராவுக்கு ஓய்வு

நட்சத்திர வேகப்பந்து வீச்சாளர் ஜஸ்பிரித் பும்ராவுக்கு இந்தத் தொடரில் ஓய்வளிக்கப்பட்டுள்ளது. சுழற்பந்து வீச்சாளர் வருண் சக்ரவர்த்தி காயத்திற்குப் பிறகு அணிக்குத் திரும்பியுள்ளார். இருப்பினும், ரவி பிஷ்னோய் அணியில் தனது இடத்தை இழந்துள்ளார். இது தவிர, வைபவ் சூர்யவன்ஷி, நமன் திர் மற்றும் பிரின்ஸ் யாதவ் போன்ற இளம் வீரர்களும் அணியில் இடம்பிடித்துள்ளனர்.

நியூசிலாந்து டி20 சுற்றுப்பயணத்திற்கான இந்திய அணி:

ஸ்ரேயாஸ் அய்யர் (கேப்டன்), திலக் வர்மா (துணை கேப்டன்), அபிஷேக் சர்மா, சஞ்சு சாம்சன், வைபவ் சூர்யவன்ஷி, இஷான் கிஷன், அக்சர் படேல், சிவம் துபே, நிதிஷ் குமார் ரெட்டி, நமன் திர், பிரின்ஸ் யாதவ், மயங்க் யாதவ், அர்ஷ்தீப் சிங், புவனேஷ்வர் குமார், கே. வருண் சக்ரவர்த்தி,

ALSO READ: தரைக்கு மேல் பேட்.. ஹெட்மயர் அவுட்.. வைரலாகும் வீடியோ!