IND vs WI: இந்தியா அரையிறுதிக்கு தகுதி பெற.. எத்தனை ரன்கள் வித்தியாசத்தில் வெற்றி பெற வேண்டும்?
India Semi Final Qualification Scenario: இந்தியாவும் வெஸ்ட் இண்டீஸ் அணியும் புள்ளிகள் அட்டவணையில் தற்போது சம புள்ளிகளைப் பெற்றுள்ளன. எனவே இன்று வெற்றி பெறும் அணி நேரடியாக அரையிறுதிக்கு முன்னேறும். இந்த நிலையில், நிகர ரன் ரேட்டில் வெஸ்ட் இண்டீஸ் அதிக எண்ணிக்கை பெற்றிருந்தாலும், இது தேவைப்படாது.
2026 டி20 உலகக் கோப்பையில் (2026 T20 World Cup) இன்று அதாவது மார்ச் 1ம் தேதி இந்தியா – வெஸ்ட் இண்டீஸ் அணிகள் இரவு 7 மணிக்கு கொல்கத்தாவில் உள்ள ஈடன் கார்டன் ஸ்டேடியத்தில் மோதுகின்றனர். முன்னதாக, 2026 டி20 உலகக் கோப்பையில் 3 அணிகள் அரையிறுதி போட்டிக்கு தகுதி பெற்ற நிலையில், 4வது அணியாக எந்த அணி செல்லும் என்பதை இன்றைய போட்டி தீர்மானிக்கும். அதாவது, இந்தியா – வெஸ்ட் இண்டீஸ் அணிகளுக்கு இடையிலான போட்டியில் எந்த அணி வெற்றிபெறுகிறதோ, அந்த அணி அரையிறுதிக்கு தகுதி பெறும். புள்ளிகள் அட்டவணையில் வெஸ்ட் இண்டீஸ் அணியின் நிகர ரன் ரேட் +1.791 ஆகவும், இந்திய அணியின் (Indian Cricket Team) நிகர ரன் ரேட் -0.100 ஆகவும் உள்ளது. இதுபோன்ற சூழ்நிலையில், குறிப்பிட்ட எண்ணிக்கையிலான ரன்கள் அல்லது விக்கெட் வித்தியாசத்தில் வெற்றி பெற வேண்டிய சமன்பாட்டை இந்திய அணி எதிர்கொள்கிறதா உள்ளிட்ட விவரங்களை இங்கே தெரிந்து கொள்வோம்.
ALSO READ: டி20 உலகக் கோப்பையில் இந்தியா vs வெஸ்ட் இண்டீஸ் நேருக்கு நேர்.. யார் இதுவரை ஆதிக்கம்?
இந்தியா வெற்றி பெற எத்தனை ரன்கள் வித்தியாசத்தில் தேவை?
இந்தியா – வெஸ்ட் இண்டீஸ் இடையே நிகர ரன் ரேட்டானது குறிப்பிடத்தக்க வித்தியாசத்தில் உள்ளது. ஆனால் NRR இங்கு பொருத்தமற்றதாக பார்க்கப்படுகிறது. ஏனெனில், இரு அணிகளில் எந்த அணி வெற்றி பெறுகிறதோ, அந்த அணி புள்ளிகள் அடிப்படையில் மட்டுமே அரையிறுதிக்கு தகுதி பெறும். எனவே, இங்கு நிகர ரன் ரேட் கணக்கில் கொள்ளப்படாது.
இந்தியாவும் வெஸ்ட் இண்டீஸ் அணியும் புள்ளிகள் அட்டவணையில் தற்போது சம புள்ளிகளைப் பெற்றுள்ளன. எனவே இன்று வெற்றி பெறும் அணி நேரடியாக அரையிறுதிக்கு முன்னேறும். இந்த நிலையில், நிகர ரன் ரேட்டில் வெஸ்ட் இண்டீஸ் அதிக எண்ணிக்கை பெற்றிருந்தாலும், இது தேவைப்படாது. இருப்பினும், போட்டி மழை உள்ளிட்ட இயற்கை பேரிடர் காரணமாக கைவிடப்பட்டால், இரு அணிக்கு தலா ஒரு புள்ளி கிடைக்கும். அப்போது, இந்தியா மற்றும் வெஸ்ட் இண்டீஸ் அணி தலா 3 புள்ளிகளைப் பெறுவதால், அப்போது நிகர ரன் ரேட் மிகவும் முக்கியமானதாகிவிடுகிறது. இதன் அடிப்படையில் வெஸ்ட் இண்டீஸ் அணி அரையிறுதிக்கு தகுதி பெறும்.
பாகிஸ்தான் அணிக்கு சமன்பாடு ஏன்..?
பாகிஸ்தானுக்கும் நியூசிலாந்திற்கும் இடையிலான சூழ்நிலை, இலங்கைக்கு எதிரான வெற்றி பாகிஸ்தானை நியூசிலாந்துடன் சமமான புள்ளிகளை கொடுக்கும். எனவே, இலங்கை அணிக்கு எதிரான போட்டியில் அரையிறுதிக்கு தகுதிபெற பாகிஸ்தான் அணி ஒரு குறிப்பிட்ட வித்தியாசத்தில் வெற்றி பெற வேண்டியிருந்தது.
ALSO READ: படையெடுக்கும் மழை? ஈடன் கார்டனில் வானிலை எப்படி..? முழு விவரம் இதோ!
இதுவரை 3 அணிகள் அரையிறுதிக்கு தகுதி:
2026 டி20 உலகக் கோப்பை ஏற்கனவே 3 அணிகள் அரையிறுதிக்கு தகுதி பெற்றுள்ளன. இரண்டாவது சூப்பர் 8 குழுவிலிருந்து இங்கிலாந்து மற்றும் நியூசிலாந்து அணிகள் அரையிறுதிக்கு தகுதி பெற்றன. இதற்கிடையில், தென்னாப்பிரிக்கா முதல் குழுவிலிருந்து அரையிறுதிக்குத் தகுதி பெற்றுள்ளது. இந்தக் குழுவிலிருந்து இரண்டாவது அரையிறுதிப் போட்டியாளர் இந்தியா மற்றும் வெஸ்ட் இண்டீஸ் அணிகளுக்கு இடையிலான இன்றைய போட்டிக்குப் பிறகு முடிவு செய்யப்படும்.
