Team India: முடிந்த ஐபிஎல் போட்டிகள்.. சர்வதேச போட்டிக்கு தயாராகும் இந்திய வீரர்கள்.. இணையத்தில் ட்ரெண்டாகும் வீடியோ!
Indian Cricket Team Practice Video: ஆப்கானிஸ்தான் மற்றும் இந்தியா இடையேயான போட்டி மிகவும் விறுவிறுப்பாக நடைபெறவிருக்கிறது. சமீபத்தில் பிசிசிஐ வெளியிட்ட ஒரு வீடியோவிலிருந்து இதை காண முடிந்தது. அந்த வீடியோவில், இந்திய அணி களத்தில் நின்று கடினமான பயிற்சிகளை மேற்கொண்டது. யஷஸ்வி ஜெய்ஸ்வால் உள்பட இந்திய அணியின் பேட்ஸ்மேன்கள் தங்களது பேட்டிங் பயிற்சியை மேற்கொள்வதைக் காணலாம்.
இந்தியன் பிரீமியர் லீக் 2026 (IPL 2026) சீசனில் குஜராத் டைட்டன்ஸ் அணியை வீழ்த்தி ராயல் சேலஞ்சர்ஸ் பெங்களூரு அணி சாம்பியன் பட்டத்தை வென்றது. இதன் பிறகு, அனைவரின் பார்வையும் இப்போது இந்தியா மற்றும் ஆப்கானிஸ்தான் (IND vs AFG) அணிகளுக்கு இடையேயான வரவிருக்கும் டெஸ்ட் போட்டியின் மீது உள்ளது . இரு நாடுகளுக்கும் இடையேயான இந்த ஒரே ஒரு டெஸ்ட் போட்டி வருகின்ற 2026 ஜூன் 6ம் தேதி தொடங்குகிறது. இந்தப் போட்டி, புது சண்டிகரில் உள்ள மகாராஜா யாதவிந்திர சிங் சர்வதேச கிரிக்கெட் ஸ்டேடியத்தில் நடைபெறும். இந்தப் போட்டியில் வெற்றி பெறுவதற்காக இந்திய அணி தீவிரமாகத் தயாராகி வருகிறது. இந்தநிலையில், இந்திய அணியின் தீவிர பயிற்சி குறித்த ஒரு வீடியோ சமீபத்தில் வெளியானது. அதில், இந்திய கிரிக்கெட் வீரர்கள் தங்களது டி20க்கு பயன்படுத்திய உபகரணங்களை பயன்படுத்தி, டெஸ்ட் வடிவத்தில் கடினமாகப் பயிற்சி செய்வது தெரிகிறது.
ALSO READ: ஆப்கானிஸ்தான் டெஸ்ட்க்குமுன் அதிரடி.. இந்திய அணிக்கு புதிய சுழற்பந்து பயிற்சியாளர் நியமனம்!
இந்திய அணி எவ்வாறு தயாராகி வருகிறது?
Back to Test Cricket 🤍
🎥 #TeamIndia hits the nets as the red ball grind gets underway ahead of the #INDvAFG Test 🏏@IDFCFIRSTBank pic.twitter.com/bD3z1osQcB
— BCCI (@BCCI) June 3, 2026
ஆப்கானிஸ்தான் மற்றும் இந்தியா இடையேயான போட்டி மிகவும் விறுவிறுப்பாக நடைபெறவிருக்கிறது. சமீபத்தில் பிசிசிஐ வெளியிட்ட ஒரு வீடியோவிலிருந்து இதை காண முடிந்தது. அந்த வீடியோவில், இந்திய அணி களத்தில் நின்று கடினமான பயிற்சிகளை மேற்கொண்டது. யஷஸ்வி ஜெய்ஸ்வால் உள்பட இந்திய அணியின் பேட்ஸ்மேன்கள் தங்களது பேட்டிங் பயிற்சியை மேற்கொள்வதைக் காணலாம். கே.எல். ராகுல், குல்தீப் யாதவ் மற்றும் பிற இந்திய சுழற்பந்து வீச்சாளர்களுக்கு எதிராக வலைப்பயிற்சியில் தனது பேட்டிங் திறனைச் சோதித்தனர். இதில், யஷஸ்வி ஜெய்ஸ்வாலும் ரெட் பந்துக்கு ஏற்ப தன்னைத் தயார்படுத்திக் கொள்வதைக் காணலாம். இந்திய வீரர்களின் முயற்சிகளை உன்னிப்பாகக் கவனித்துக் கொண்டிருக்கும் கவுதம் கம்பீரின் ஒரு காட்சியுடன் அந்த வீடியோ முடிவடைகிறது.
இந்தியாவும் ஆப்கானிஸ்தானும் டெஸ்ட் கிரிக்கெட்டில் 2வது முறையாக மோதுகின்றன. இரு அணிகளுக்கும் இடையிலான முதல் போட்டியானது கடந்த 2018ம் ஆண்டு பெங்களூரு எம்.சின்னசாமி மைதானத்தில் நடைபெற்றது. அதில், ஒரு சிறப்பான இன்னிங்ஸின் உதவியால் இந்தியா 262 ரன்கள் வித்தியாசத்தில் மிகப்பெரிய வெற்றியைப் பெற்றது.
ALSO READ: 40 நாட்களில் 2 டெஸ்ட் உள்பட 12 போட்டிகள்.. வெளியான இந்தியா – நியூசிலாந்து தொடருக்கான அட்டவணை!
புதிய சண்டிகர் மைதானத்தில் முதல் டெஸ்ட் போட்டி
2018-க்குப் பிறகு, அதாவது சரியான 8 ஆண்டுகளுக்குப் பின் இரு அணிகளும் மீண்டும் மோதுகின்றன. இம்முறை, இந்தப் போட்டி புது சண்டிகரில் உள்ள மகாராஜா யாதவிந்திர சிங் சர்வதேச கிரிக்கெட் மைதானத்தில் நடைபெறுகிறது. இதுவே இந்த மைதானத்தின் முதல் டெஸ்ட் போட்டியாகும். அதாவது, சர்வதேச கிரிக்கெட் வரலாற்றில் புது சண்டிகர் மைதானத்தில் நடைபெறும் முதல் சர்வதேசப் போட்டி இதுவாகும்.
