FIH Men’s Hockey World Cup 2026: கேப்டனாக ஹர்மன்பிரீத் சிங்.. உலகக் கோப்பைக்கான இந்திய ஹாக்கி அணி அறிவிப்பு!
Indian Hockey Team: சமீபத்தில் நடைபெற்ற FIH புரோ லீக்கின் ஐரோப்பிய சுற்றுப் போட்டிகளில் இந்திய அணியின் செயல்பாடு எதிர்பார்த்த அளவுக்கு இல்லை. 16 போட்டிகளில் 4 வெற்றிகள், 5 சமநிலைகள் மற்றும் 7 தோல்விகளுடன், இந்தியா 9 அணிகளில் 8வது இடத்தைப் பிடித்தது. இப்போது, அந்த ஏமாற்றத்தை மறந்து உலகக் கோப்பையில் சிறப்பாகச் செயல்பட அணி முயற்சிக்கும். புரோ லீக் அணியைச் சேர்ந்த 4 வீரர்கள் 20 பேர் கொண்ட உலகக் கோப்பை அணியிலிருந்து நீக்கப்பட்டுள்ளனர்.
50 ஆண்டுகளாக ஹாக்கி உலகக் கோப்பையில் சாம்பியன் பட்டத்தை வெல்ல காத்திருக்கும் இந்திய அணி (Indian Hockey Team), தற்போது புது நம்பிக்கையுடன் களமிறங்குகிறது. 1975-ல் தனது முதல் மற்றும் ஒரே உலகக் கோப்பை பட்டத்தை வென்ற இந்திய அணிக்கு, இம்முறை சரித்திரம் படைக்க ஒரு வாய்ப்பு கிடைத்துள்ளது. வருகின்ற ஆகஸ்ட் மாதம் நடைபெறவுள்ள FIH ஆண்கள் ஹாக்கி உலகக் கோப்பைக்கான 20 பேர் கொண்ட அணியை ஹாக்கி இந்தியா இன்று அதாவது 2026 ஜூலை 21ம் தேதி அறிவித்தது. அனுபவம் வாய்ந்த டிபெண்டர் வீரரும், நட்சத்திர டிராக்-ஃப்ளிக்கருமான ஹர்மன்பிரீத் சிங் (Harmanpreet Singh) அணிக்கு கேப்டனாக நியமிக்கப்பட்டுள்ளார். 2024 பாரிஸ் ஒலிம்பிக்கில் இந்தியாவிற்கு வெண்கலப் பதக்கத்தைப் பெற்றுத் தந்த ஹர்மன்பிரீத், இம்முறை நடைபெறும் உலகக் கோப்பையில் நாட்டின் வெற்றி நம்பிக்கையில் ஒரு முக்கிய வீரராக இருப்பார். அணியின் மிகவும் அனுபவம் வாய்ந்த வீரர்களில் ஒருவரான மன்பிரீத் சிங், மிட் பீல்டில் கையாண்டு, அனுபவத்திற்கும் இளமைக்கும் இடையே சரியான சமநிலையை ஏற்படுத்த முயற்சிப்பார்.
ALSO READ: 21லிருந்து 10 ஆக குறைப்பு.. பாதியாக குறைந்த 2026 காமன்வெல்த் விளையாட்டுகள்!
சமீபத்தில் நடைபெற்ற FIH புரோ லீக்கின் ஐரோப்பிய சுற்றுப் போட்டிகளில் இந்திய அணியின் செயல்பாடு எதிர்பார்த்த அளவுக்கு இல்லை. 16 போட்டிகளில் 4 வெற்றிகள், 5 சமநிலைகள் மற்றும் 7 தோல்விகளுடன், இந்தியா 9 அணிகளில் 8வது இடத்தைப் பிடித்தது. இப்போது, அந்த ஏமாற்றத்தை மறந்து உலகக் கோப்பையில் சிறப்பாகச் செயல்பட அணி முயற்சிக்கும். புரோ லீக் அணியைச் சேர்ந்த 4 வீரர்கள் 20 பேர் கொண்ட உலகக் கோப்பை அணியிலிருந்து நீக்கப்பட்டுள்ளனர். டிபெண்டர் வீரர் அமன்தீப் லக்ரா, மிட் பீல்டர் வீரர் ராஜ் குமார் பால், ரபிச்சந்திர சிங் மொய்ராங்தெம் மற்றும் ஃபார்வேர்ட் வீரர் செல்வம் கார்த்தி ஆகியோர் அணியிலிருந்து நீக்கப்பட்டுள்ளனர். தலைமைப் பயிற்சியாளர் கிரேக் ஃபல்டன், அணித் தேர்வு குறித்து நம்பிக்கை தெரிவித்தார். அதில், ”இது அனுபவம் மற்றும் இளமை உற்சாகத்தின் சிறந்த கலவை. வீரர்கள் அவர்களின் பெயர்களின் அடிப்படையில் மட்டுமல்லாமல், அவர்களின் சமீபத்திய செயல்பாடுகளின் அடிப்படையிலும் தேர்ந்தெடுக்கப்பட்டுள்ளனர்” என்று கூறினார்.
மோஹித் எச்.எஸ் மற்றும் சூரஜ் கர்கர் கோல்கீப்பர்களாக இருப்பார்கள். கேப்டன் ஹர்மன்பிரீத்துடன், ஜெர்மன்பிரீத் சிங், அமித் ரோஹிதாஸ், ஜுக்ராஜ் சிங், சஞ்சய், சுமித் மற்றும் யஷ்தீப் சிவாச் ஆகியோர் பாதுகாப்பு அணியில் உள்ளனர். மன்பிரீத் சிங், ஹர்திக் சிங், விவேக் சாகர் பிரசாத், நீல்காந்த் சர்மா, ராஜேந்தர் சிங் மற்றும் ஆதித்யா அர்ஜுன் லால்கே ஆகியோர் மிட் பீல்டில் விளையாடுவார்கள். அதே சமயம், மந்தீப் சிங், தில்பிரீத் சிங், அபிஷேக், சுக்ஜீத் சிங் மற்றும் ஷிலானந்த் லக்ரா ஆகியோர் அட்டாக் பிரிவில் விளையாடுவார்கள்.
உலகக் கோப்பை கோல்கீப்பருக்கான இந்திய அணியின் வீரர்கள் பட்டியல் :
மோஹித் எச்.எஸ் மற்றும் சூரஜ் கர்கேரா டிஃபென்டர்கள்: ஜர்மன்ப்ரீத் சிங், ஹர்மன்ப்ரீத் சிங் (கேப்டன்), அமித் ரோஹிதாஸ், ஜுக்ராஜ் சிங், சஞ்சய், சுமித் மற்றும் யஷ்தீப் சிவாச் மிட்ஃபீல்டர்கள்: ராஜிந்தர் சிங், ஆதித்யா அர்ஜுன் லால்கே, ஹர்திக் ஷர்கர் சிங், மன்பிரீத் சிங், நேல்வர்ட்ஸ் தில்ப்ரீத் சிங், ஷிலானந்த் லக்ரா, சுக்ஜீத் சிங், மன்தீப் சிங் மற்றும் அபிஷேக்.
