IND W vs SL W Final: தடை போட வரும் மழை.. நடைபெறுமா IND W vs SL W இறுதிப்போட்டி?

2026 ஆசிய விளையாட்டுப் போட்டிகளில் (2026 Asian Games) இந்திய மகளிர் கிரிக்கெட் அணி (Indian Womens Cricket Team) தங்கப் பதக்கத்தை வெல்ல இன்னும் ஒரு படி மட்டுமே உள்ளது. நேற்று அதாவது 2026 செப்டம்பர் 20ம் தேதி நடைபெற்ற அரையிறுதிப் போட்டியில், ஷெஃபாலி வர்மாவின் சதத்தின் உதவியால் இந்தியா 195 ரன்கள் என்ற பிரம்மாண்டமான ஸ்கோரை பதிவு செய்தது. இதனை தொடர்ந்து, 196 ரன்களை துரத்திய வங்கதேசம் 81 ரன்களுக்கு ஆட்டமிழந்தது. இதற்கிடையில், இலங்கை அணி பாகிஸ்தானை வீழ்த்தி இறுதிப் போட்டிக்கு முன்னேறியது. அதன்படி, இந்தியா – இலங்கை இடையிலான பைனல் போட்டியானது கோரோகி ஸ்போர்ட்ஸ் பார்க் ஸ்டேடியத்தில் நடைபெறும், அங்கு மழை பெய்யும் என எதிர்பார்க்கப்படுகிறது.

ALSO READ: பாகிஸ்தானை வீழ்த்தி பந்தயத்திற்கு தயார்.. பைனலில் இந்தியாவை எதிர்கொள்ளும் இலங்கை!

2026 ஆசிய விளையாட்டுப் போட்டிகளின் மகளிர் கிரிக்கெட் இறுதிப் போட்டி, இந்தியா மற்றும் இலங்கை அணிகளுக்கிடையே வருகின்ற 2026 செப்டம்பர் 22ம் தேதி கோரோகி ஸ்போர்ட்ஸ் பார்க் ஸ்டேடியத்தில் நடைபெறும். இதே மைதானத்தில் நடைபெறவிருந்த வங்கதேசம் – சீனா போட்டி, மழை காரணமாக ஒரு பந்து கூட வீசப்படாமல் கைவிடப்பட்டது. அதேபோல், இறுதிப் போட்டியிலும் மழை பெய்யும் என எதிர்பார்க்கப்படுகிறது. வெற்றி பெறும் அணி தங்கப் பதக்கத்தையும், தோல்வியடையும் அணி வெள்ளிப் பதக்கத்தையும் வெல்லும்.

இதையும் படியுங்கள்

Asian Games 2026: பாகிஸ்தானை வீழ்த்தி பந்தயத்திற்கு தயார்.. பைனலில் இந்தியாவை எதிர்கொள்ளும் இலங்கை!

IND W vs BAN W: இந்தியாவிற்கு எதிராக இயங்காமல் போன வங்கதேசம்.. இறுதிப்போட்டிக்குள் நுழைந்த ஹர்மன் படை!

ICC T20 Ranking: டி20யில் 2வது இடத்திற்கு சரிந்த இந்தியா.. முதலிடத்திற்கு திரும்பிய இங்கிலாந்து!

ஆசிய விளையாட்டுப் போட்டிகளின் பைனல் ரத்து செய்யப்பட்டால், தங்கம் யாருக்குக் கிடைக்கும்?

ஐசிசி போட்டிகளில் பைனல் அல்லது நாக்-அவுட் சுற்றுக்கு பொதுவாக ஒரு ரிசர்வ் நாள் இருக்கும். அதாவது, மழை பெய்தால், அந்த ரிசர்வ் நாளில் போட்டி நடத்தப்படும். இருப்பினும், ஆசிய விளையாட்டுப் போட்டிகளின் கிரிக்கெட் பைனலுக்கு ரிசர்வ் நாள் எதுவும் இல்லை.

மழை காரணமாக இந்திய மற்றும் இலங்கை மகளிர் அணிகளுக்கு இடையேயான ஆசிய விளையாட்டுப் போட்டிகளின் பைனல் ரத்து செய்யப்பட்டால், இந்திய அணி தங்கப் பதக்கத்தை வெல்லும். அதே சமயம், இலங்கை வெள்ளிப் பதக்கத்துடன் வெளியேறலாம். விதிகளின்படி, ஐசிசி மகளிர் டி20 தரவரிசையில் முன்னணியில் உள்ள அணி வெற்றியாளராக அறிவிக்கப்படும். இதே காரணத்திற்காக வங்கதேசமும் அரையிறுதிக்குத் தகுதி பெற்றது என்பது குறிப்பிடத்தக்கது. அவர்களின் தரவரிசை சீனாவின் தரவரிசையை விட அதிகமாக இருந்தது.

ஐசிசி மகளிர் டி20ஐ அணி தரவரிசையில், இந்தியா 12,667 புள்ளிகளுடன் 3வது இடத்திலும், இலங்கை 10,488 புள்ளிகளுடன் 6வது இடத்திலும் உள்ளன.

ALSO READ: ஜியோஸ்டாரில் இந்தியா – ஜப்பான் போட்டியை பார்க்க முடியாதா? நேரலையில் எங்கு காணலாம்?

வெண்கலப் பதக்கத்திற்காக மோதும் பாகிஸ்தாம் – வங்கதேசம்:

ஆசிய விளையாட்டுப் போட்டிகளின் பைனலுக்கு முன்னதாக, நாளை அதாவது 2026 செப்டம்பர் 22ம் தேதி, அரையிறுதியில் தோல்வியடைந்த வங்கதேசமும் பாகிஸ்தானும் மோதிக்கொள்ளும். இது 3வது இடத்திற்கான போட்டியாகும். இதில், வெற்றி பெறும் அணி வெண்கலப் பதக்கத்தையும், தோல்வியடையும் அணி வெறுங்கையையும் வெல்லும்.