வெல்லம் vs சர்க்கரை: வெள்ளை சர்க்கரையை விட வெல்லம் சிறந்ததா?
Jaggery vs Sugar : மாறிவரும் வாழ்க்கை முறையில் அன்றாடம் எடுத்துக்கொள்ளும் உணவுகளை கவனமாக கையாள வேண்டும். குறிப்பாக உணவுகளில் வெள்ளை சர்க்கரையை பயன்படுத்தும் கவனம் தேவை. பலருக்கும் வெள்ளை சர்க்கரைக்கு பதிலாக வெல்லம் பயன்படுத்தலாமா என்ற சந்தேகம் இருக்கும். இந்த கட்டுரையில் அது குறித்து விரிவாக பார்க்கலாம்.
பலர் உணவுகளில் இனிப்புச் சுவையைச் சேர்க்க வெல்லம் அல்லது சர்க்கரையைப் பயன்படுத்துகிறார்கள். சுவையைப் பொறுத்தவரை அனைவரது விருப்பமாக வெள்ளை சர்க்கரை இருந்து வருகிறது. இருப்பினும், இரண்டில் எது ஆரோக்கியத்தைப் பொறுத்தவரை சிறந்தது என்பதை அறிந்து கொள்வது அவசியம். ஏனென்றால், இப்போதெல்லாம் நாம் சாப்பிடும் இனிப்புப் பொருட்கள் நம் ஆரோக்கியத்தை கடுமையாகப் பாதிக்கின்றன. வெல்லம் மிகக் குறைந்த அளவிற்கு மட்டுமே பதப்படுத்தப்படுகிறது. இது பெரும்பாலும் அதன் இயற்கையான வடிவத்தில் உள்ளது. சர்க்கரையைப் பொறுத்தவரை, அது முற்றிலும் பதப்படுத்தப்பட்ட ஒரு பொருள். இதன் காரணமாக தயாரிக்கப்படும்போது இயற்கை ஊட்டச்சத்துக்கள் முற்றிலுமாக இழக்கப்படுகின்றன. எனவே, இது உடலுக்கு எந்த நன்மையையும் அளிக்காது. அது இனிப்பை மட்டுமே தருகிறது.
வெல்லம் Vs வெள்ளை சர்க்கரை – எது சிறந்தது?
- வெல்லத்தில் நமது ஆரோக்கியத்திற்கு அவசியமான இரும்பு, கால்சியம், மெக்னீசியம் மற்றும் பொட்டாசியம் போன்ற தாதுக்கள் உள்ளன. இவை உடலில் இரத்த சோகையைக் குறைத்து எலும்பு ஆரோக்கியத்தை மேம்படுத்த உதவுகின்றன. மறுபுறம், சர்க்கரையில் குளுக்கோஸைத் தவிர வேறு எந்த ஊட்டச்சத்துக்களும் இல்லை.
- வெல்லம் ஒரு இயற்கை மலமிளக்கியாக செயல்படுகிறது. இது செரிமானத்தை மேம்படுத்த உதவுகிறது. மலச்சிக்கலைத் தடுக்க உதவுகிறது. குறிப்பாக வெல்லம் உடலுக்கு இன்னும் சிறந்த பலன்களை அளிக்கும்.
- வெல்லத்தில் உள்ள இரும்புச்சத்து, நமது உடலில் ஹீமோகுளோபின் அளவை அதிகரிப்பதில் முக்கிய பங்கு வகிக்கிறது. இரத்த சோகையால் அவதிப்படுபவர்களுக்கு இது ஒரு நல்ல உதவியாகும்.
- வெல்லம் என்பது குறைந்த கிளைசெமிக் குறியீட்டைக் கொண்ட ஒரு உணவுப் பொருளாகும். இதன் பொருள், இதை எடுத்துக் கொண்ட பிறகு இரத்த சர்க்கரை அளவு திடீரென அதிகரிக்காது. இது நீரிழிவு நோயாளிகளுக்கு நல்லது. சர்க்கரையைப் பொறுத்தவரை, அதன் கிளைசெமிக் குறியீடு மிக அதிகமாக உள்ளது. சாப்பிட்ட பிறகு இரத்த சர்க்கரை அளவு திடீரென உயரும். இது ஒரு ஆபத்தாக மாறும்.
- தற்போதைய காலகட்டத்தில், பதப்படுத்தப்பட்ட சர்க்கரை சார்ந்த உணவுகளின் நுகர்வு அதிகரிப்பதால் நீரிழிவு, எடை அதிகரிப்பு மற்றும் இதய பிரச்சினைகள் போன்ற நோய்கள் அதிகரிக்கின்றன. இது அதிகரித்து வரும் உடல்நல பாதிப்புகளுக்கு வழிவகுக்கிறது.
இனிப்புச் சுவைக்காக சர்க்கரைக்குப் பதிலாக வெல்லத்தைப் பயன்படுத்துவது மிகவும் ஆரோக்கியமான விருப்பமாகும். வெல்லம் இயற்கையாகவே உற்பத்தி செய்யப்பட்டு உடலுக்கு அத்தியாவசிய ஊட்டச்சத்துக்களை வழங்குகிறது. எனவே, உங்கள் அன்றாட உணவில் வெல்லத்தை முறையாகப் பயன்படுத்துவது உடலுக்கு பல நன்மைகளை அளிக்கும். மேலும் வெள்ளை சர்க்கரையில் அதன் சுவையைத் தவிர ஆரோக்கியம் என எதுவும் இல்லை.
(Disclaimer : இணையத்தில் இருந்து சேகரிக்கப்பட்ட தகவல்களின் அடிப்படையில் இந்த விவரங்கள் கொடுக்கப்பட்டுள்ளன. உள்ளடக்கங்கள் தகவலுக்காக மட்டுமே. முயற்சிக்கும் முன் தொடர்புடைய நிபுணர்களின் ஆலோசனையைப் பெறவும். எந்த விளைவுகளுக்கும் TV9Tamil பொறுப்பேற்காது.)
