நடிகர் விக்ரம் பிரபுவின் லவ் மேரேஜ் படத்தின் ரிலீஸ் எப்போது? அப்டேட் இதோ
Love Marriage Movie: தமிழ் சினிமாவின் மூன்றாவது தலைமுறையாக நடித்து வருபவர் நடிகர் விக்ரம் பிரபு. இவரது தாத்தா சிவாஜி கணேசன் தமிழ் சினிமாவில் உச்சத்தில் இருந்தார். அதனைத் தொடர்ந்து தந்தை பிரபு நாயகனாகவும் குணச்சித்திர நடிகனாகவும் நடித்தார். இதனை தொடர்ந்து தற்போது விக்ரம் பிரபு தற்போது நாயகனாக நடித்து வருகிறார்.
தமிழ் சினிமா மட்டும் இன்றி உலக சினிமா முழுவதுமே வாரிசு நடிகர்கள் இருக்கிறார்கள். அப்படி தமிழ் சினிமாவிலும் பலர் தற்போது நடிகர்களாக வலம் வருவது குறிப்பிடத்தக்கது. அந்த வகையில் விக்ரம் பிரபு தற்போது மூன்றாவது தலைமுறையாக கோலிவுட் சினிமாவில் நடிகராக வலம் வருகிறார் விக்ரம் பிரபு (Actor Vikram Prabhu). இவரது தாத்தா பழம்பெரும் நடிகர் சிவாஜி கணேஷன். இவரது தந்தை நடிகர் பிரபு ஆவார். தமிழ் சினிமாவில் முன்னணி நடிகராக இல்லை என்றாலும் தொடர்ந்து படங்களில் நடித்து வருகிறார் நடிகர் விக்ரம் பிரபு. இந்த நிலையில் தற்போது இவரது நடிப்பில் உருவாகியுள்ள லவ் மேரேஜ் படத்தின் வெளியீட்டு தேதி அப்டேட்டை தற்போது படக்குழு வெளியிட்டுள்ளது. அது ரசிகர்களிடையே கவனத்தை ஈர்த்து வருகிகின்றது.
நடிகர் விக்ரம் பிரபு தற்போது இயக்குநர் சன்முக பிரியன் இயக்கத்தில் நடித்துள்ளார். லவ் மேரேஜ் என்று பெயர் வைக்கப்பட்டுள்ள இந்தப் படத்தில் நடிகர் விக்ரம் பிரபுவிற்கு ஜோடியாக நடிகை சுஷ்மிதா பட் நாயகியாக நடித்துள்ளார். மேலும் இந்தப் படத்தில் இவர்களுடன் இணைந்து நடிகர்கள் ரமேஷ் திலக், மீனாட்சி தினேஷ், அருள்தாஸ், முருகானந்தம், கஜ ராஜ், கோடாங்கி வடிவேலு உள்ளிட்ட பலர் நடித்திருக்கிறார்கள்.
லவ் மேரேஜ் படக்குழு வெளியிட்ட எக்ஸ் தள பதிவு:
Feel-Good Family Entertainer #LoveMarriage releasing in theatres worldwide on JUNE 27th 🥳🥁
A celebration of love, laughter, family and everything in between 🤗❤️
Directed by @Director_Priyan 🎬
A @RSeanRoldan musical 🎶 @iamVikramPrabhu @sush_bhat94 @Meenakshidine0… pic.twitter.com/sdfItfML2B— Assure Films (@AssureFilms) June 6, 2025
இவர்களுடன் சத்யராஜ் சிறப்பு தோற்றத்டில் நடித்து உள்ளது குறிப்பிடத்தக்கது. இந்தநிலையில் படத்தின் வெளியீட்டு தேதி குறித்த அறிவிப்பு தற்போது வெளியாகி உள்ளது. அதன்படி படம் வருகின்ற 27-ம் தேதி ஜூன் மாதம் 2025-ம் ஆண்டு திரையரங்குகளில் வெளியாக உள்ளதாக தெரிவித்துள்ளனர்.
விக்ரம் பிரபு நடிப்பில் ஹிட் அடித்த படங்கள்:
நடிகர் விக்ரம் பிரபு 2012-ம் ஆண்டு வெளியான கும்கி படத்தின் நாயகனாக அறிமுகம் ஆனது குறிப்பிடத்தக்கது. அதனைத் தொடர்ந்து இவரது நடிப்பில் வெளியான இவன் வேற மாதிரி, சிகரம் தொடு, இது என்ன மாயம், வாகா, வீர சிவாஜி, சத்ரியன், வானம் கொட்டட்டும், புலிகுத்தி முருகன், டானாக்காரன், பொன்னியின் செல்வன் பாகம் ஒன்று மற்றும் பொன்னியின் செல்வன் பாகம் இரண்டு ஆகிய படங்கள் நல்ல வரவேற்பைப் பெற்றது குறிப்பிடத்தக்கது.
