Thalapathy Vijay: சினிமாவில் எனக்கு ரொம்ப பிடிச்ச வேலை அதுதான்.. அதை சஞ்சயும் செய்ய வேண்டும் – தளபதி விஜய் பகிர்ந்த விஷயம்!
Thalapathy Vijays Hidden Passion: நடிகர் விஜய் தமிழ் சினிமாவில் முன்னணி நாயகனாக இருந்துவருகிறார். இவரின் நடிப்பில் பல பிரம்மாண்ட படங்கள் வெளியாகி சூப்பர் ஹிட்டாகியிருக்கிறது. அந்த வகையில் முன்பு ஒரு நேர்காணலில் பேசிய விஜய், சினிமாவில் தனக்கு நடிப்பை தவிர பிடித்த விஷயம் என்ன என்பது குறித்து வெளிப்படையாக தெரிவித்துள்ளார்.
கோலிவுட் சினிமாவில் முன்னணி நடிகர்களில் ஒருவராக இருப்பவர் தளபதி விஜய் (Thalapathy Vijay). இவரின் நடிப்பில் வெளியான படங்கள் சுமார் ரூ 400 கோடிகளுக்கு மேல் வசூல் செய்து சூப்பர் ஹிட் வெற்றியை பெற்றிருக்கிறது. அந்த வகையில் இவர் தமிழ் சினிமாவில் ஒரு முக்கியமாக அங்கமாகவே இருந்துவருகிறார். இவரின் நடிப்பிலும் தொடர்ந்து வெளியான பல படங்கள் சூப்பர் ஹிட் வெற்றியை பெற்றிருக்கிறது. இவரின் நடிப்பில் இறுதியாக வெளியான திரைப்படம்தான் தி கோட் (The GOAT). இது கடந்த 2024ம் ஆண்டில் வெளியாகி சுமார் ரூ 425 கோடிகளுக்கு மேல் வசூல் செய்திருந்தது. நடிகர் விஜய் தனது தந்தை எஸ்.ஏ. சந்திரசேகரின் (S.A. Chandrasekhar) படங்கள் மூலம் சினிமாவில் நுழைந்தார். தொடர்ந்து சில படங்களில் தனது தந்தையின் இயக்கத்தில் நடித்த இவர், அடுத்தாக மற்ற இயக்குநர்களின் படங்களிலும் நடிக்க தொடங்கியிருந்தார். தற்போதுவரை இவரின் நடிப்பில் கிட்டத்தட்ட 68 திரைப்படங்கள் வெளியாகியுள்ளது.
தமிழை தவிர வேற எந்த மொழி படங்களிலும் விஜய் நடிக்க ஆர்வம் காட்டவில்லை என்றே கூறவேண்டும் . இந்நிலையில் முன்னதாக நேர்காணல் ஒன்றில் பேசிய தளபதி விஜய், சினிமாவில் நடிப்பையும் கடந்து தனக்கு மிகவும் பிடித்த வேலை என்ன என்பது குறித்து தெரிவித்துள்ளார்.




இதையும் படிங்க: கோமாளி படத்தின் கதையை இப்படித்தான் எழுதினேன்… – பிரதீப் ரங்கநாதன் பகிர்ந்த விஷயம்!
சினிமாவில் தனக்கு பிடித்த பணி என்ன என்பது குறித்து நடிகர் விஜய் பேசிய விஷயம் :
அந்த நேர்காணலில் நடிகர் விஜய் பல்வேறு விஷயங்களை பகிர்ந்துகொண்டார். அதில் தொகுப்பாளர் உங்களுக்கு பாட பிடிக்குமா என கேட்டிருந்தார். அதற்கு விஜய், ” நான் பாடுகிறேனா, அது சும்மா கத்துறேங்க” என கூறினார். மேலும் பேசிய அவர், ” எனக்கு சிறுவயதிலிருந்து மியூசிக் கற்றுக்கொள்ளவேண்டும் என ஆசை இருந்தது. ஆனால் அதை நான் முறைப்படி கற்றுக்கொள்ளவில்லைதான். இருந்தாலும், எனது அம்மா, மாமா எல்லருமே நல்ல பாடுவார்கள். அவர்கள் பாடும்போது எனது ரேஞ்சிற்கு ஏர்றமாதிரியான பாடல் இருந்தால் பாடுவேன்.
இதையும் படிங்க: நான் நிஜத்தில் இப்படித்தான்.. எனக்கு முன் கோபம் ஜாஸ்தி – அஜித் குமார் பகிர்ந்த விஷயம்!
சினிமாவில் எனக்கு மிகவும் பிடித்த வேலை என்றால் அது, பாட்டு பாடுவதுதான். சினிமாவிலே எனக்கு மிகவும் பிடித்த விஷயம் அதுதான். இதை நான் எனது மனைவியிடம் அடிக்கடி கூறுவேன். என்னனு தெரியவில்லை, பாடல் பாடும் திறமை எனக்கு பரிசுப்போல் கிடைத்திருக்கிறது. எனக்கும் ஆசைதான் எனது மகன் சஞ்சய் சினிமாவில் பாடவேண்டும் என்று, என்னுடைய பாடல்கள் சிலவற்றை அவரும் பாடி பார்ப்பார்” என அந்த நேர்காணலில் தளபதி விஜய் வெளிப்படையாக பேசியிருந்தார்.
ஜன நாயகன் படக்குழு வெளியிட்டிருந்த எக்ஸ் பதிவு :
Malaysia, We are coming 😁#JanaNayaganAudioLaunch
▶️ https://t.co/HoZS9F9etB📍Bukit Jalil Stadium, Kuala Lumpur, Malaysia
See you on Dec 27, 2025 ❤️#Thalapathy @actorvijay sir @KvnProductions #HVinoth @hegdepooja @anirudhofficial @thedeol @_mamithabaiju @Jagadishbliss… pic.twitter.com/g1h1xNcEDP
— KVN Productions (@KvnProductions) November 21, 2025
விஜய்யின் நடிப்பில் இறுதியாக வெளியாக காத்திருக்கும் திரைப்படம்தான் ஜன நாயகன். இப்படத்தை ஹெச். வினோத் இயக்கியுள்ள நிலையில் பூஜா ஹெக்டே இணைந்து நடித்துள்ளார். இந்த படமானது வரும் 2026 ஆண்டு ஜனவரி 9ம் தேதியில் உலகமெங்கும் வெளியாகவுள்ளது என்பது குறிப்பிடத்தக்கது.