IND vs NZ: டாஸ் வென்ற ஷ்ரேயாஸ் படை.. முதலில் பந்துவீசும் இந்திய அணி.!
New Zealand vs India 3rd T20I Toss Update: இந்தியா - நியூசிலாந்து இடையிலான 3வது டி20 போட்டியில் ஷ்ரேயாஸ் ஐயர் தலைமையிலான இந்திய அணி டாஸ் வென்று முதலில் பந்துவீச்சை தேர்வு செய்துள்ளது. இதையடுத்து, சாண்ட்னர் தலைமையிலான நியூசிலாந்து பேட்டிங்கில் களமிறங்கும்.
இந்தியா – நியூசிலாந்து இடையிலான (IND vs NZ) 3வது டி20 போட்டியில் ஷ்ரேயாஸ் ஐயர் தலைமையிலான இந்திய அணி (Indian Cricket Team) டாஸ் வென்று முதலில் பந்துவீச்சை தேர்வு செய்துள்ளது. வெலிங்டனில் உள்ள ஹென்றி ஸ்டேடியத்தில், முதலில் பேட்டிங் செய்வதை விட சேஸிங் செய்வதே சிறந்த சாதனையாகும். இந்திய அணி தனது ஆடும் லெவனில் எந்த மாற்றமும் செய்யவில்லை. காயம் காரணமாக இஷான் கிஷன் விலகியுள்ளார், மேலும் வைபவ் சூர்யவன்ஷி ஆடும் லெவனில் தனது இடத்தைத் தக்கவைத்துக் கொண்டுள்ளார். இதற்கிடையில், நியூசிலாந்து தனது ஆடும் லெவனில் மூன்று முக்கிய மாற்றங்களைச் செய்துள்ளது. மேட் ஹென்றி, லாக்கி பெர்குசன் மற்றும் நாதன் ஸ்மித் ஆகியோர் ஆடும் லெவனில் இருந்து நீக்கப்பட்டுள்ளனர்.
இந்த 3 வீரர்களுக்கு பதிலாக கைல் ஜேமிசன், ஆடம் மில்னே மற்றும் மேத்யூ ஃபிஷர் ஆகியோர் அணியில் சேர்க்கப்பட்டுள்ளனர். ஃபிஷர் தனது முதல் டி20 சர்வதேசப் போட்டியில் விளையாடுகிறார். மேத்யூ ஃபிஷர் இதற்கு முன்பு நியூசிலாந்து அணிக்காக இரண்டு டெஸ்ட் போட்டிகளில் விளையாடியுள்ளார்.
ALSO READ: கடைசியாக ஒரு நியூசிலாந்து கிரிக்கெட் ட்ரிப்.. தீவிர பயிற்சியில் விராட் கோலி!
இரு அணிகளின் பிளேயிங் லெவன்:
இந்திய அணி விவரம்:
We go unchanged for the 3️⃣rd T20I in Wellington 📝
Updates ▶️ https://t.co/zf4CnZQ8CD
#TeamIndia | #NZvIND https://t.co/J7tp6A9WNV
— BCCI (@BCCI) October 27, 2026
சஞ்சு சாம்சன் (விக்கெட் கீப்பர்), அபிஷேக் சர்மா, வைபவ் சூரியவன்ஷி, ஷ்ரேயாஸ் ஐயர் (கேப்டன்), திலக் வர்மா, நிதிஷ் குமார் ரெட்டி, நமன் திர், அக்சர் படேல், புவனேஷ்வர் குமார், அர்ஷ்தீப் சிங், பிரின்ஸ் யாதவ்
நியூசிலாந்து அணி விவரம்:
டிம் சீஃபர்ட்(விக்கெட் கீப்பர்), ஃபின் ஆலன், டேரில் மிட்செல், கிளென் பிலிப்ஸ், பெவோன் ஜேக்கப்ஸ், மைக்கேல் பிரேஸ்வெல், மிட்செல் சாண்ட்னர்(கேப்டன்), கைல் ஜேமிசன், ஆடம் மில்னே, ஜேக்கப் டஃபி, மேத்யூ ஃபிஷர்
இஷான் கிஷன் இல்லை..
முதல் டி20 போட்டியின் போது வலது தொடையின் உட்புறத் தசையில் ஏற்பட்ட தசைப்பிடிப்பு காரணமாக இஷான் கிஷன் இந்தப் போட்டியில் விளையாடவில்லை. அதைத் தொடர்ந்து, இஷான் கிஷன் இரண்டாவது டி20 போட்டியைத் தவறவிட்டார், தற்போது மூன்றாவது போட்டியிலிருந்தும் விலக்கப்பட்டுள்ளார். அவருக்குப் பதிலாக, வைபவ் சூர்யவன்ஷி ஆடும் லெவனில் தனது இடத்தைத் தக்கவைத்துக் கொண்டுள்ளார். இரண்டாவது போட்டியில் 3-வது இடத்தில் பேட்டிங் செய்த வைபவ், வெறும் 4 ரன்கள் மட்டுமே எடுத்தார் என்பது குறிப்பிடத்தக்கது.
ALSO READ: சுழன்று அடிக்கும் காற்று.. திணறும் இந்திய வீரர்கள்.. நியூசிலாந்து வானிலை எப்படி?
இந்த ஸ்டேடியத்தில் இதுவரை 18 சர்வதேச டி20 போட்டிகள் விளையாடப்பட்டுள்ளன. அவற்றில், இலக்கைத் துரத்திய அணி 10 முறையும், முதலில் பேட்டிங் செய்த அணி 8 முறையும் வெற்றி பெற்றுள்ளன. இந்த மைதானத்தில் ஒரு அணி எடுத்த அதிகபட்ச ஸ்கோர் நியூசிலாந்திடம் உள்ளது. அந்த அணி 2019-ல் இந்தியாவிற்கு எதிராக 219 ரன்கள் எடுத்தனர்.
