Rashmika Mandanna : ராஷ்மிகா மந்தனாவின் ‘தி கேர்ள்ஃப்ரெண்ட்’ – முதல் சிங்கிள் ரிலீஸ் எப்போது?
Rashmika Mandanna he Girlfriend Movie First Song Update : பான் இந்திய முன்னணி நடிகைகளில் ஒருவராக வலம்வருபவர் ராஷ்மிகா மந்தனா. இவரின் நடிப்பில் மற்றும் இயக்குநர் ராகுல் ரவீந்திரன் இயக்கத்தில் உருவாகியிருக்கும் படம் தி கேர்ள்ஃப்ரெண்ட். இந்த படத்தின் முதல் பாடல் ரிலீஸ் குறித்துப் படக்குழு அறிவிப்பை வெளியிட்டுள்ளது.
நடிகை ராஷ்மிகா மந்தனாவின் (Rashmika Mandanna) நடிப்பில் இறுதியாக வெளியான திரைப்படம் குபேரா (Kuberaa). இந்த திரைப்படத்தை இயக்குநர் சேகர் கம்முலா இயக்கியிருந்தார். இந்த திரைப்படத்தில் ராஷ்மிகா மந்தன, நடிகர் தனுஷிற்கு (Dhanush) ஜோடியாக நடித்திருந்தார். இந்த குபேரா திரைப்படமானது கடந்த 2025, ஜூன் மாதத்தின் இறுதியில் வெளியாகி சுமார் ரூ. 132 கோடிகளுக்கு மேல் வசூல் செய்து சாதனை படைத்திருந்தது. இந்த படத்தை அடுத்து நடிகை ராஷ்மிகா மந்தனா தெலுங்கு மற்றும் இந்தி மொழிகளில் அடுத்தடுத்த படங்களில் ஒப்பந்தமாகி நடித்து வருகிறார். இதில் நடிகரும், இயக்குநருமான ராகுல் ரவீந்திரன் (Rahul Ravindran) இயக்கத்தில், ராஷ்மிகா மந்தனா நடித்திருக்கும் படம்தான் தி கேர்ள்ஃப்ரெண்ட் (The GirlFriend). இந்த படத்தில் நடிகை ராஷ்மிகா மந்தனா கதாநாயகியாக நடிக்க, அவருக்கு ஜோடியாக நடிகர் கௌஷிக் மகதா (Koushik Mahata) நடித்துள்ளார்.
இந்த படமானது முழுக்க கல்லூரி காதல் கதைக்களத்துடன் உருவாகியுள்ளது. இந்த படமானது ஷூட்டிங் முடிந்து இறுதிக்கட்ட பணிகளில் இருந்து வரும் நிலையில், தற்போது இப்படத்தின் முதல் பாடல் குறித்த அறிவிப்பைப் படக்குழு வெளியிட்டுள்ளது. இப்படத்தில் உருவாகியிருக்கும் “நதியே” (Nadiye) என்ற பாடலை படக்குழு வரும் 2025, ஜூலை 16ம் தேதியில் வெளியிட உள்ளதை அறிவிப்பை வெளியிட்டுள்ளது.
ராஷ்மிகா மந்தனாவின் தி கேர்ள்ஃப்ரெண்ட் படக்குழு வெளியிட்ட முதல் பாடல் அறிவிப்பு :
A melody that will echo through your soul ✨#TheGirlfriend first single – #Nadhive | #Nadhiye | #HuiRe | #Nilave | #Swarave out on July 16th ❤️
A @HeshamAWMusic musical delight ✨@iamRashmika @Dheekshiths @23_rahulr @GeethaArts #AlluAravind #VidyaKoppineedi @Vishwakiranloka… pic.twitter.com/DEpKPYpd4E
— Geetha Arts (@GeethaArts) July 12, 2025
நடிகை ராஷ்மிகா மந்தனாவின் இந்த திரைப்படத்தை கீதா ஆர்ட்ஸ் என்ற தயாரிப்பு நிறுவனம் தயாரிக்க, இசையமைப்பாளர் ஹேஷம் அப்துல் வஹாப் இசையமைத்துள்ளார். இவரின் இசையமைப்பில்தான் வரும் 2025 ஜூலை 16ம் தேதியில், இப்படத்தின் முதல் பாடலான நதியே என்ற பாடல். தமிழ், தெலுங்கு மற்றும் இந்தி மொழிகளில் வெளியாகவுள்ளது. இந்த படமானது முழுக்க காதல் கதைக்களத்துடன் உருவாகியிருக்கிறது.
இதையும் படிங்க : டிரெண்டிங் நம்பர் 1.. கூலி பட ‘மோனிகா’ பாடல் மில்லியன் வியூஸை கடந்து சாதனை!
மேலும் இப்படத்தின் முதல் அறிவிப்புகள் கடந்த 2024ம் ஆண்டு தொடக்கத்திலே வெளியான நிலையில், படத்தின் ஷூட்டிங் விறுவிறுப்பாக நடந்து வந்தது. அதைத் தொடர்ந்து ஷூட்டிங் நிறைவடைந்ததாகக் கூறப்படும் நிலையில், இறுதிக்கட்ட வேளைகளில் படக்குழு தீவிரமாக இருப்பதாகக் கூறப்படுகிறது.
இதையும் படிங்க : தனுஷ் – விக்னேஷ் ராஜா கூட்டணி.. ‘டி54’ பட பூஜை வீடியோ இதோ!
மேலும் இப்படத்தின் ரிலீஸ் தேதி இன்னும் அறிவிக்கப்படவில்லை என்பது குறிப்பிடத்தக்கது. இந்த படமானது வரும் 2025 தீபாவளிக்கு வெளியிடப் படக்குழு திட்டமிட்டு வருவதாகக் கூறப்படுகிறது. முதல் பாடல் ரிலீஸை அடுத்ததாக இப்படத்தின் வெளியீடு தேதியும் வெளியாகும் என எதிர்பார்க்கப்படுகிறாரது.
