D55: தனுஷின் டி55 படத்தில் இவர்தான் ஜோடியா?.. இசையமைப்பாளர் யார் தெரியுமா?
D55 Movie Update: தென்னிந்திய சிறந்த நடிகர்களில் ஒருவராக இருந்துவருபவர் தனுஷ். இவரின் நடிப்பில் இட்லி கடை என்ற படமானது சமீபத்தில் வெளியான நிலையில், தொடர்ந்து டி54 படத்தில் நடித்துவருகிறார். இப்படத்தை அடுத்ததாக அமரன் பட இயக்குநரின் இயக்கத்தில் இவர் நடிக்கும் படம் டி55.
கடந்த 2024ம் ஆண்டில் சிவகார்த்திகேயன் (Sivakarthikeyan) மற்றும் சாய் பல்லவியின் (Sai Pallavi) நடிப்பில் வெளியாகி வெற்றி பெற்றிருந்த படம்தான் அமரன் (Amaran). இப்படம் உலகளாவிய வசூலில் சுமார் ரூ300 கோடிக்கும் மேல் வசூல் செய்து வெற்றி பெற்றிருந்தது. இந்த படத்தை இயக்குநர் ராஜ்குமார் பெரியசாமி (Rajkumar Periyasamy) இயக்கியிருந்தார். இந்த படத்தின் வெற்றியை தொடர்ந்து, தனுஷ் (Dhanush) நடிப்பில் இவர் திரைப்படத்தை இயக்குவதாக அறிவித்திருந்தார். இப்படத்தின் ஷூட்டிங் பூஜை கடந்த 2024ம் ஆண்டு இறுதியிலே நடைபெற்றிருந்த நிலையில், கிட்டத்தட்ட 1 வருட காலமாக ப்ரீ-ப்ரொடக்ஷன் பணிகளில் இருந்துவருகிறது. தனுஷ் தொடர்ந்து படங்களில் பிசியாக இருந்த நிலையில், இந்த டி55 (D55) படத்தின் ஷூட்டிங் தொடங்காமல் இருந்தது என்பது குறிப்பிடத்தக்கது. இந்த படத்தை கோபுரம் பிலிம்ஸ் நிறுவனம் தயாரிக்கவுள்ள நிலையில், வரும் 2025ம் டிசம்பர் அல்லது 2026ம் ஆண்டு ஜனவரியில் இப்படத்தின் ஷூட்டிங்கில் தனுஷ் இணைவார் என கூறப்படுகிறது.
இந்நிலையில் இப்படத்தின் இசையமைப்பாளர் மற்றும் கதாநாயகி தொடர்பான தகவல் இணையத்தில் உலா வருகிறது. அதன்படி இப்படத்தின் தனுஷிற்கு ஜோடியாக நடிகை பூஜா ஹெக்டே (Pooja Hegde) நடிப்பதாக கூறப்படுகிறது. மேலும் இப்படத்திற்கு ட்ரென்டிங் இசையமைப்பாளர் சாய் அபயங்கர் (Sai Abhyankkar) இசையமைப்பதாகவும் இணையாயத்தில் தகவல்கள் வெளியாகிவருகிறது. இது எந்த அளவிற்கு உண்மை என தெரியவில்லை.
இதையும் படிங்க: நான் நிஜத்தில் இப்படித்தான்.. எனக்கு முன் கோபம் ஜாஸ்தி – அஜித் குமார் பகிர்ந்த விஷயம்!
தனுஷின் டி55 படம் குறித்து ராஜ்குமார் பெரியசாமி வெளியிட்ட எக்ஸ் பதிவு :
#NewProfilePic
On this #MahaShivRatri ,
May Lord Shiva bless us with peace, positivity, prosperity and bliss! #D55
நற்றுணையாவது நமசிவாயவே 🙏 pic.twitter.com/eW6bT6wED2— Rajkumar Periasamy (@Rajkumar_KP) February 26, 2025
தனுஷின் டி55 படத்தின் கதை என்ன :
இந்த டி55 ஷூட்டிங் பூஜைகள் கடந்த 2024ம் ஆனது இறுதியில் நடைபெற்றிருந்தது. அதை தொடர்ந்து இப்படத்தின் ஷூட்டிங் எப்போது ஆரம்பமாகும் என ரசிகர்கள் எதிர்பார்த்துவந்த நிலையில், சமீப காலமாக இதன் தகவல்கள் இணையத்தில் வைரலாகிவருகிறது. அதன்படி இந்த திரைப்படத்தின் மீதான எதிர்பார்ப்புகள் ரசிகர்கள் மத்தியில் மேலும் அதிகரித்து வருகிறது என்பது குறிப்பிடத்தக்கது. இந்த டி55 படமானது முழுக்க ஆக்ஷன் படமாக இருக்கும் என கூறப்படுகிறது.
இதையும் படிங்க : மாரி செல்வராஜ் நடித்து காட்டுவதில் ஒரு வலி தெரிந்தது.. பைசன் படத்திற்கு பின் எல்லாம் மாறிடுச்சு – துருவ் விக்ரம்
ராஜ்குமாரின் இயக்கத்தில் வெளியான அமரன் படத்தில் அதிரடி ஆக்ஷ்ன் காட்சிகள் பல இடம்பெற்றிருந்த நிலையில், இந்த டி55 படம் முழுக்க ஆக்ஷன் காட்சிகளுடன் உருவாகவுள்ளதாக வட்டாரங்கள் தெரிவிக்கிறது. தனுஷின் நடிப்பில் பல ஆண்டுகளுக்கு பின் உருவாகும் முழு ஆக்ஷ்ன் படமாக இந்த டி55 இருக்கும் என எதிர்பார்க்கப்படுகிறது.
தனுஷின் கைவசம் உள்ள படங்கள் :
இந்த டி54 மற்றும் டி55 படங்களை தொடர்ந்து தனுஷின் நடிப்பில் பல்வேறு படங்கள் உருவாகிவருகிறது. இந்த 2025ம் ஆண்டில் 3வது படமாக தேரே இஷ்க் மெய்ன் வரும் 2025 நவம்பர் இறுதியில் வெளியாகிறது. இப்படத்தை அடுத்ததாக அப்துல்கலாம் பயோபிக், இளையராஜா பயோபிக் மற்றும் இந்தியில் புதிய படம் என தனுஷின் நடிப்பில் தொடர்ந்து பல்வேறு படங்கள் உருவகைவருகிறது என்பது குறிப்பிடத்தக்கது.
