Lokesh Kanagaraj: பிரபல தெலுங்கு நடிகரின் படத்தை இயக்கும் லோகேஷ் கனகராஜ்? வைரலாகும் தகவல்!
Lokesh Kanagaraj New Movie Update: பிரபல இயக்குநர்களில் ஓருவராக இருந்துவருபவர் லோகேஷ் கனகராஜ். இவரின் இயக்கத்தில் இறுதியாக கூலி படம் வெளியானது. இப்படத்தை தொடர்ந்து நடிகராகவும் அறிமுகமாகிறார். இந்நிலையில் மேலும் இவர் தெலுங்கு நடிகரின் படத்தை இயக்கவுள்ளதாகவும் தகவல்கள் வெளியாகிவருகிறது. அது யார் என்பது பற்றி பார்க்கலாம்.
தமிழ் சினிமாவில் மாநகரம் (Maanagaram) என்ற படத்தை இயக்கி இயக்குநராக அறிமுகமானவர் லோகேஷ் கனகராஜ் (Lokesh Kanagaraj). முதல் படம் இவருக்கு ஓரளவு வரவேற்பை கொடுத்திருந்தாலும், தனது இரண்டவது படமான கைதி (Kaithi) என்ற படத்தின் மூலம் தமிழ் மக்களின் இதயத்தை தொட்டார். இந்த படத்தில் கார்த்தி முன்னணி நாயகனாக நடித்து அசத்தியிருந்தார். இந்த படத்தை அடுத்ததாக தளபதி விஜய்யின் (Thalapathy Vijay) மாஸ்டர் மற்றும் விக்ரம், லியோ (Leo) என தொடர் வெற்றிப்படங்களை கொடுத்தார். அந்த வகையில் தலைவர் ரஜினிகாந்தின் முன்னணி நடிப்பில், இவர் இயக்கிய படம்தான் கூலி (Coolie). இப்படம் கடந்த 2025 ஆகஸ்ட் மாதத்தில் வெளியாகியிருந்த நிலையில், கலவையான விமர்சனங்களை பெற்றிருந்தது. இந்த படத்தை அடுத்ததாக லோகேஷ் கனகராஜ், தற்போது சினிமாவில் ஹீரோவாகவும் அறிமுகமாகிறார்.
இந்நிலையில் இவர் அடுத்ததாக கமல் மற்றும் ரஜினியின் படத்தை இயங்குவதாகவும் தகவல்கள் வெளியாகிவந்தது. அந்த வகையில் தற்போது இவர் தெலுங்கு முன்னணி நடிகரை வைத்து படத்தை இயக்குவதாக சோஷியல் மீடியாவில் தகவல்கள் வைரலாகிவருகிறது. அந்த நடிகர் வேறு யாருமில்லை, தெலுங்கு பவர்ஸ்டார் பவன்கல்யாண்தான் (Pawan Kalyan).
இதையும் படிங்க: ‘பைசன் படத்தை கண்ணீர்மல்க பார்த்தேன்’: சந்தோஷ் நாராயணன்!
தெலுங்கு முன்னணி நடிகருடன் இணையும் லோகேஷ் கனகராஜ் :
இயக்குநர் லோகேஷ் கனகராஜ் , தளபதி விஜயை தொடர்ந்து கமல்ஹாசன், ரஜினிகாந்த் போன்ற பிரபலங்களுடன் படங்களில் இணைந்து பணியாற்றியிருக்கிறார். அந்த வகையில் ஆமிர்கானுடனும் இவர் படம் இணைவதாக கூறப்பட்டநிலையில், அப்படம் கைவிடப்பட்டதாக தெரிவிக்கப்படுகிறது. இந்நிலையில் மேலும் தற்போது இவர் நடிகரும், ஆந்திரா துணை முதலமைச்சருமான பவன் கல்யாணை வைத்து புதிய படம் இயக்கவுள்ளாராம்.
இதையும் படிங்க: மிஷ்கினின் கூட்டணி.. இயக்குநருடன் இணைந்து பிறந்தநாளை கொண்டாடிய கீர்த்தி சுரேஷ்!
புதிய படத்திற்கான கதையை பவன் கல்யாணிடம் கூறியதாகவும், அவருக்கு இந்த படத்தின் கதை மிகவும் பிடித்திருந்ததாகவும் கூறப்படுகிறது. இந்த படத்தை ஜன நாயகன் மற்றும் டாக்சிக் போன்ற படங்களை தயாரித்துவரும் கே.வி.என்.ப்ரொடக்ஷன்ஸ் நிறுவனம் தயாரிக்கவுள்ளதாம். இந்த தகவல்கள் எந்த அளவிற்கு உண்மை என தெரியவில்லை. இது குறித்த எந்தவித அதிகாரப்பூர்வ அறிவிப்புகளும் வெளியாகவில்லை என்பது குறிப்பிடத்தக்கது.
லோகேஷ் கனகராஜின் கூலி படம் தொடர்பான எக்ஸ் பதிவு :
Honourable Chief Minister @CMOTamilNadu sir, thank you so much for your wishes and love for #Coolie sir 🤗❤️❤️ pic.twitter.com/4c1ubLizuz
— Lokesh Kanagaraj (@Dir_Lokesh) August 13, 2025
ஹீரோவாகும் லோகேஷ் கனகராஜ் :
இயக்குனராக சினிமாவில் நுழைந்த இவர், தற்போது ஹீரோவாகவும் தமிழில் நடிக்கவுள்ளார். இப்படத்தை இயக்குநர் அருண் மாதேஸ்வரன் இயக்கவுள்ளதாக கூறப்படும் நிலையில் இப்படத்தின் ப்ரீ-ப்ரொடக்ஷன் பணிகள் தற்போது நடைபெற்றுவருகிறது என்பது குறிப்பிடத்தக்கது.
