ஜியோ ஹாட்ஸ்டார் ஓடிடியில் உள்ள பெஸ்ட் மலையாளப் படங்களின் லிஸ்ட் இதோ

பிரேமலு: இயக்குநர் கிரிஸ் ஏடி (Director Girish A.D) இயக்கத்தில் கடந்த 2024-ம் ஆண்டு பிப்ரவரி மாதம் 9-ம் தேதி திரையரங்குகளில் வெளியான படம் பிரேமலு. இந்தப் படத்தில் நடிகர் நஸ்லேன் நாயகனாகவும் நடிகை மமிதா பைஜூ நாயகியாகவும் நடித்து இருந்தனர். இவர்களுடன் இணைந்து இந்தப் படத்தில் நடிகர்கள் சங்கீத் பிரதாப், அகிலா பார்கவன், ஷ்யாம் மோகன், அல்தாஃப் ஷமீம் ஆகியோர் முக்கிய கதாப்பாத்திரத்தில் நடித்து இருந்தனர். மேலும் நடிகர் மேத்யூ தாமஸ் இந்தப் படத்தில் கேமியோ ரோலில் நடித்து இருந்தது குறிப்பிடத்தக்கது. இளைஞர்களின் காதலை மையமாக வைத்து வெளியான் இந்தப் படம் ரசிகர்களிடையே மாபெரும் வரவேற்பை பெற்றது. மேலும் மலையாள சினிமாவில் மட்டும் இன்றி தென்னிந்திய சினிமாவிலும் அதிக வரவேற்பைப் பெற்றது இந்தப் படம்.

இந்தப் படத்தை தொடர்ந்து நடிகர் நஸ்லேன் மற்றும் நடிகை மமிதா பைஜுவிற்கு படங்கள் வரிசைக்கட்டி காத்திருப்பது குறிப்பிடத்தக்கது. குறிப்பாக நடிகை மமிதா பைஜூ தற்போது விஜயின் ஜன நாயகன் படத்திலும் நடிகர் சூர்யாவின் 46-வது படத்திலும் நடித்து வருகிறார். இதில் சூர்யாவின் படத்தில் அவருக்கு ஜோடியாக நடிப்பது குறிப்பிடத்தக்கது.

வாழ: இயக்குநர் ஆனந்த் மேனன் இயக்கத்தில் கடந்த 2024-ம் ஆண்டு ஆக்ஸ்ட் மாதம் 15-ம் தேதி திரையரங்குகளில் வெளியான படம் வாழ. இந்தப் படத்தில் நடிகர்கள் சிஜு சன்னி, அமித் மோகன் ராஜேஸ்வரி, ஜோமோன் ஜோதிர், அனுராஜ் ஓ.பி., அன்ஷித் அனு, சாஃப், ஜெகதீஷ், கோட்டயம் நசீர், அஸீஸ் நெடுமங்காட் மற்றும் நோபி மார்கோஸ் ஆகியோர் நடித்து இருந்தனர்.

இதையும் படியுங்கள்

விஜயின் பிறந்த நாளில் ரீ ரிலீஸ் ஆகும் சூப்பர் ஹிட் படம் – உற்சாகத்தில் ரசிகர்கள்

அட்லியின் இயக்கத்தில் மிஸ் செய்யக்கூடாத படங்களின் லிஸ்ட் இதோ!

குபேரா படத்திற்கு சென்சார் போர்டு கொடுத்த சர்டிபிகேட் என்ன?

சூர்யா – வெங்கி அட்லூரியின் கூட்டணியில் உருவாகும் படத்தின் ஷூட்டிங் தொடங்கியது

வாழ்க்கையில் எதாவது செய்து சாதித்து விடவேண்டும் என்று என்னும் இளைஞர்களின் வாழ்க்கையை மையமாக வைத்து வெளியான இந்தப் படம் ரசிகர்களிடையே விமர்சன ரீதியாக நல்ல வரவேற்பைப் பெற்றது குறிப்பிடத்தக்கது.

ஜெய ஜெய ஜெய ஜெய ஹே: இயக்குநர் விபின் தாஸ் இயக்கத்தில் கடந்த 2022-ம் ஆண்டு அக்டோபர் மாதம் 28-ம் தேதி திரையரங்குகளில் வெளியான படம் ஜெய ஜெய ஜெய ஜெய ஹே. இந்தப் படத்தில் நடிகர் பேசில் ஜோசஃப் நாயகனாகவும் நடிகை தர்ஷனா ராஜேந்திரன் நாயகியாவும் நடித்து இருந்தனர்.

திருமணம் ஆன இளைஞர் மனைவி என்பவள் வீட்டில் வேலை செய்ய வேண்டும் கணவருக்கு பணிவடை செய்ய வேண்டும் என்று நினைக்கிறார். அவருக்கு நேர் எதிர் குணத்தை கொண்டவராக அவரது மனைவி இருக்கிறார். இவர்களின் வாழ்க்கை எப்படி செல்கிறது என்பதே படத்தின் கதை.

இந்தப் படம் திரையரங்குகளில் வெளியான போது ரசிகர்களிடையே மாபெரும் வரவேற்பைப் பெற்றது. மேலும் ஓடிடியில் வெளியான பிறகு தென்னிந்திய ரசிகர்களிடையே பெரும் வரவேற்பைப் பெற்றது குறிப்பிடத்தக்கது.