சூர்யா – வெங்கி அட்லூரியின் கூட்டணியில் உருவாகும் படத்தின் ஷூட்டிங் தொடங்கியது

நடிகர் சூர்யா (Actor Suriya) நடிப்பில் இறுதியாக திரையரங்குகளில் வெளியான படம் ரெட்ரோ. இந்தப் படம் திரையரங்குகளில் வெளியாகி நல்ல வரவேற்பைப் பெற்றது. இந்தப் படத்தை தொடர்ந்து நடிகர் சூர்யா தனது 46-வது படத்திற்காக இயக்குநர் வெங்கி அட்லூரி உடன் இணைந்தார். இந்த தகவல் இணையத்தில் வெளியானதில் இருந்தே ரசிகர்கள் கொண்டாடி வந்தனர். அதனைத் தொடர்ந்து நடிகர் சூர்யா ரெட்ரோ படத்தின் புரமோஷன் விழாவில் வெங்கி அட்லூரி உடனான கூட்டணி குறித்தும் அந்தப் படத்தை பிரபல தயாரிப்பு நிறுவனமான சித்தாரா எண்டர்டெயின்மென்ட்ஸ் தயாரிக்க உள்ளதாகவும் அறிவித்தார். இதனைத் தொடர்ந்து ரெட்ரோ படத்தின் வெளியீட்டிற்கு பிறகு சூர்யாவின் 46-வது படம் குறித்த அதிகாரப்பூரவ அறிவிப்பை படக்குழு வெளியிட்டது. அதனைத் தொடர்ந்து படத்தின் பூஜையும் நடைப்பெற்றது.

அந்த படத்தின் பூஜையில் நடிகர் சூர்யா இயக்குநர் வெங்கி அட்லூரி மற்றும் படத்தின் நாயகி நடிகை மமிதா பைஜூ கலந்து கொண்டார். இதன் புகைப்படங்கள் வெளியான பிறகே மமிதா பைஜூ நாயகியாக நடிக்க உள்ளார் என்பது தெரியவந்தது. மேலும் இந்தப் படத்தில் இசையமைப்பாளர் ஜி.வி.பிரகாஷ் குமார் இசையமைக்க உள்ளார் என்பது குறிப்பிடத்தக்கது.

இதையும் படியுங்கள்

விஜயை தொடர்ந்து இயக்குநர் எச்.வினோத் இயக்க உள்ளது யாரை தெரியுமா?

இது போதும் எனக்கு… இது போதுமே… வைரலாகும் நடிகை பூஜா ஹெக்டேவின் இன்ஸ்டா பதிவு!

தனுஷின் குபேரா படத்தின் ட்ரெய்லர் ரிலீஸ் எப்போது? வைரலாகும் தகவல்

கர்நாடகாவில் தக் லைஃப் படத்தை வெளியிட பாதுகாப்பு கோரிய வழக்கு – தள்ளுபடி செய்த உச்ச நீதிமன்றம்

ஜி.வி.பிரகாஷ் குமார் மற்றும் வெங்கி அட்லூரி கூட்டணி:

கடந்த 2023-ம் ஆண்டு இயக்குநர் வெங்கி அட்லூரி இயக்கத்தில் வெளியான வாத்தி படத்தில் இசையமைப்பாளர் ஜி.வி.பிரகாஷ் குமார் முதன் முறையாக இவருடன் கூட்டணி வைத்தார். அதனைத் தொடர்ந்து இயக்குநர் வெங்கி அட்லூரி இயக்கத்தில் வெளியான லக்கி பாஸ்கர் படம் தற்போது உருவாக உள்ள சூர்யா 46 படம் என தொடர்ந்து மூன்றாவது முறையாக இவரது படத்திற்கு இசையமைப்பாளர் ஜி.வி.பிரகாஷ் குமார் இசையமைக்க உள்ளது குறிப்பிடத்தக்கது.

படப்பிடிப்பை தொடங்கியது சூர்யா 46 படக்குழு:

இந்த நிலையில் சூர்யாவின் 46-வது படத்தின் பூஜை கடந்த மே மாதம் 19-ம் தேதி 2025-ம் ஆண்டு நடைப்பெற்றது. இது தொடர்பான புகைப்படங்கள் இணையத்தில் வைரலனது. அதனைத் தொடர்ந்து கடந்த ஜூன் மாதம் 5-ம் தேதி 2025-ம் ஆண்டு சூர்யா 46 படக்குழுவினர் பழனி மலை முருகன் கோவிலில் சாமி தரிசனம் செய்தனர். இயக்குநர் வெங்கி அட்லூரி மற்றும் நடிகர் சூர்யா உடன் படக்குழுவினரும் அங்கு சென்று இருந்தது குறிப்பிடப்பட்டு இருந்தது.

இணையத்தில் வைரலாகும் சூர்யா – தியா புகைப்படங்கள்:

. @Suriya_offl Anna & #DiyaSuriya landed at @RGIAHyd today! #Suriya46 shoot kicks off tomorrow in Hyderabad! 🎬 #Suriya #VenkyAtulri @SitharaEnts pic.twitter.com/mszIxnzl91

— ↪Hari Calicut Sfc↩ (@calicut_sfc) June 8, 2025

இது தொடர்பான புகைப்படங்களை வெளியிட்ட போது படத்தின் படப்பிடிப்பு ஜூன் மாதம் 9-ம் தேதி 2025-ம் ஆண்டு தொடங்கும் என்று அறிவிக்கப்பட்டு இருந்தது. அதன்படி இன்று ஹைதராபாத்தில் படப்பிடிப்பு தொடங்கியுள்ளது. இந்தப் படப்பிடிப்பிற்காக நடிகர் சூர்யா தனது மகள் தியா உடன் ஹைதராபாத் விமான நிலையத்திற்கு வந்த புகைப்படங்கள் இணையத்தில் வைரலாகி வருகின்றது.