Karthik Subbaraj: ரஜினிகாந்திற்கு வாழ்நாள் சாதனையாளர் விருது.. வாழ்த்துத் தெரிவித்த கார்த்திக் சுப்பராஜ்!
Karthik Subbaraj Congratulates Rajinikanth: நடிகர் ரஜினிகாந்தின் சினிமாவில் கதாநாயகனாக அறிமுகமாகி சுமார் 50 வருடத்தை கடந்துள்ளர். இவரை சிறப்பிக்கும் விதத்தில் சமீபத்தில் நடந்த சர்வதேச திரைப்பட விருது வழங்கும் விழாவில், வாழ்நாள் சதாஹனையாளர் விருது வழங்கப்பட்டிருந்தது. இதை பாராட்டிய இயக்குநர் கார்த்திக் சுப்பராஜ் எக்ஸ் பதிவை வெளியிட்டுள்ளார்.
தென்னிந்திய சினிமாவில் சூப்பர் ஸ்டார் (Superstar) என்றாலே நம்மக்கு முதலில் நினைவிற்கு வருபவர் ரஜினிகாந்த் தான் (Rajinikanth). இவருக்கு மக்களிடையேயும், பிரபலங்கள் மத்தியிலும் தனி மரியாதையை இருந்துவருகிறது. இவரின் நடிப்பில் தமிழ் சினிமாவில் தொடர்ந்து திரைப்படங்கள் வெளியாகிவருகிறது. அந்த வகையில் இவரின் நடிப்பில் இறுதியாக வெளியான திரைப்படம்தான் கூலி (Coolie). இந்த படமானது கடந்த 2025 ஆகஸ்ட் 14ம் தேதியில் உலகமெங்கும் வெளியாகியிருந்தது. இந்த படத்தை லோகேஷ் கனகராஜ் (Lokesh Kanagaraj) இயக்கியிருந்த நிலையில், குறைவான வரவேற்பையே பெற்றிருந்தது. இந்த படமானது ரஜினிகாந்த் சினிமாவில் 50வது வருடத்தை கடந்ததன் ஸ்பெஷலாக வெளியாகியிருந்தது. சினிமாவில் ரஜினிகாந்த் இதுவரை 50 ஆண்டுகளில் 171 படங்களில் நடித்துள்ளார். அந்த விதத்தில் இவருக்கு பல்வேறு பாராட்டுகளை அரசியல் பிரபலங்கள் மற்றும் சினிமா பிரபலங்கள் தெரிவித்திருந்தனர்.
மேலும் இவரை சிறப்பிக்கும் விதத்தில் சமீபத்தில் கோவாவில் (Goa) நடைபெற்றிருந்த, 56வது சர்வதேச திரைப்பட விருது வழங்கும் விழாவில் (IFFI 2025), வாழ்நாள் சாதனையாளர் விருது கொடுக்கப்பட்டுள்ளது. இதை பாராட்டும் விதத்தில் இயக்குநர் கார்த்திக் சுப்பராஜ் (Karthik Subbaraj) தனது எக்ஸ் பக்கத்தில் பதிவை வெளியிட்டுள்ளார்.
இதையும் படிங்க: ரஜினிகாந்தின் 75-வது பிறந்த நாளில் ரசிகர்களுக்கு காத்திருக்கும் பெரிய சர்ப்ரைஸ்!
சூப்பர் ஸ்டார் ரஜினிகாந்தை பாராட்டி கார்த்திக் சுப்பராஜ் வெளியிட்ட எக்ஸ் பதிவு :
Congratulations Thalaivaaa… 👏👏👏❤️❤️❤️
Life Time Achievement Award!! 🔥🔥🙏🏻🙏🏻#50YearsOfRAJINISM pic.twitter.com/SbqHn587O9
— karthik subbaraj (@karthiksubbaraj) November 29, 2025
இந்த பதிவில் இயக்குநர் கார்த்திக் சுப்பராஜ், “வாழ்த்துக்கள் தலைவா, உங்களுக்கு வாழ் நாள் சாதனையாளர் விருது கிடைத்துள்ளது “என அந்த பதிவில் அவர் குறிப்பிட்டுள்ளார். இது தற்போது ரசிகர்களிடையே வைரலாகிவருகிறது.
சூப்பர் ஸ்டார் ரஜினிகாந்த் மற்றும் கார்த்திக் சுப்பராஜ் கூட்டணி படம் :
ரஜினிகாந்த் மற்றும் கார்த்திக் சுப்பராஜ் கூட்டணியில் இதுவரை 1 படம் மட்டுமே வெளியாகியுள்ளது. அதுதான் கடந்த 2019ம் ஆண்டில் ரிலீசான பேட்ட. இந்த படத்தில் ரஜினிகாந்த் அதிரடி ஹாஸ்டல் வார்டானாக நடித்திருந்தார். மேலும் இதில் ரஜினிக்கு ஜோடியாக திரிஷா கிருஷ்ணன் நடித்திருந்தார் என்பது குறிப்பிடத்தக்கது. மேலும் இதில் நடிகர் சசிகுமார், மாளவிகா மோகனன் உட்பட பல்வேறு பிரபலங்கள் இணைந்தது நடித்திருந்தனர். ரஜினிகாந்த் நடித்த படங்களில் சிறந்த படங்களில் இப்படமும் ஒன்றாக இருந்து வருகிறது என்பது குறிப்பிடத்தக்கது.
இதையும் படிங்க: சினிமாவில் எனக்கு ரொம்ப பிடிச்ச வேலை அதுதான்.. அதை சஞ்சயும் செய்ய வேண்டும் – தளபதி விஜய் பகிர்ந்த விஷயம்!
தற்போது ரஜினிகாந்த் ஜெயிலர் 2 திரைப்படத்தில் நடித்துவரும் நிலையில், இந்த 2025ம் ஆண்டு டிசம்பர் மாதத்திற்குள் ஷூட்டிங் நிறைவடையும் என எதிர்பார்க்கப்படுகிறது. இந்த படத்தை அடுத்ததாக சில மாதங்கள் இடைவெளிக்கு பின், தலைவர் 173 படத்தில் இணைவார் என கூறப்படுகிறது. இந்த படத்தை பார்க்கிங் படம் இயக்கிய ராம்குமார் பாலகிருஷ்ணன் இயக்கவுள்ளார் என வட்டாரங்கள் கூறுகின்றன.
