Suriya: ராம் சரண் பட இயக்குநருடன் இணைகிறாரா சூர்யா? அட இவரா?
Suriya Telugu Movies: நடிகர் சூர்யா தற்போது இயக்குநர் வெங்கி அட்லூரியின் இயக்கத்தில் சூர்யா4 6 என்ற படத்தில் நடித்துவருகிறார். இப்படத்தை அடுத்தாக மலையாள இயக்குநர் ஜித்து மாதவன் இயக்கத்தில் புது படத்தில் இணைந்து நடிக்கவுள்ள நிலையில், இவரின் புதிய படம் குறித்து தகவல்கள் ரசிகர்கள் மத்தியில் வைரலாகிவருகிறது.
தென்னிந்திய சினிமாவில் சிறந்த நாயகனாக இருந்துவருபவர் சூர்யா (Suriya). இவரின் நடிப்பில் தொடர்ந்து தமிழில் படங்கள் உருவாகிவந்த நிலையில், தற்போது தெலுங்கு இயக்குநர் வெங்கி அட்லூரியுடன் (Venky Atluri) புதிய படத்தில் இணைந்துள்ளார். இந்த படத்தின் ஷூட்டிங் கடந்த 2025 மே மாதத்தின் இறுதியில் தொடங்கிய நிலையில், இப்படத்திற்கு தற்காலிகமாக சூர்யா46 (Suriya46) என டைட்டில் வைக்கப்பட்டுள்ளது. இந்த படத்தின் ஷூட்டிங் ஹைதராபாத், தமிழகம் மற்றும் வெளிநாடுகளில் நடைபெற்றிருந்த நிலையில், தற்போது இறுதிக்கட்ட பணிகளில் இருந்துவருகிறது. இந்த படத்தை அடுத்ததாக நடிகர் சூர்யாவின் நடிப்பில் கருப்பு (Karuppu) என்ற படமானது வெளியீட்டிற்கு விறுவிறுப்பாக தயாராகிவருகிறது. வெங்கி அட்லூரியின் சூர்யா46 படத்தை அடுத்தாக, மலையாள இயக்குநர் ஜித்து மாதவன் (Jithu Madhavan) இயக்கத்தில் சூர்யா தனது 47வது படத்திலும் இணையவுள்ளாராம்.
தமிழ் இயக்குநர்களை தொடர்ந்து மற்றமொழி இயக்குநர்களுடன் சூர்யா தற்போது அடுத்தடுத்த படங்களில் ஒப்பந்தமாகிவருகிறார். அந்த வேலையில் மேலும் 2 தெலுங்கு இயக்குநர்கள் கதை கூறியுள்ளதாக தகவல்கள் வைரலாகிவருகிறது.
இதையும் படிங்க: LIK படத்துடன் போட்டி இல்லை.. புது ரிலீஸ் தேதியை அறிவித்த அருண் விஜய்யின் ‘ரெட்ட தல’ படக்குழு!
தொடர்ந்து தெலுங்கு சினிமாவில் நடிக்கும் வாய்ப்பு தொடரும் சூர்யா :
நடிகர் சூர்யாவின் நடிப்பில் தெலுங்கு மற்றும் தமிழ் என இருமொழி படமாக சூர்யா46 மிக பிரம்மாண்டமாக தயாராகிவருகிறது. இதனையடுத்து மலையாள இயக்குனருடனும் சூர்யா இணையவுள்ள நிலையில், தற்போது மேலும் புது படங்கள் குறித்த தகவல் இணையத்தில் வைரலாகிவருகிறது. நானியின் சரிபோதா சனிவாரம் படத்தை இயக்கிய இயக்குநர் விவேக் ஆத்ரேயா, சூர்யாவிற்கு புது படத்திற்கான கதையை கூறியுள்ளதாகவும் இது சூர்யாவிற்கு மிகவும் பிடித்திருப்பதாகவும் தகவல்கள் வெளியாகியிருந்தது.
இதையும் படிங்க: தந்தை சிவகுமாருக்கு டாக்டர் பட்டம்.. முதலமைச்சருக்கு நன்றி தெரிவித்த கார்த்தி!
இந்நிலையில் இவரை தொடர்ந்து ராம் சரணின் பெடி திரைப்படத்தை இயக்கிவரும் இயக்குநர் புச்சி பாபு சனாவும் சூர்யாவிற்கு புதிய படத்திற்கான கதையை கூறியுள்ளாராம். இது தற்போது ரசிகர்களிடையே வைரலாகிவருகிறது. இவர்கள் இருவரின் இயக்கத்தில் எதாவது ஒரு படத்தில் சூர்யா இணைவதற்கு அதிக வாய்ப்புகள் இருப்பதாக வட்டாரங்கள் தெரிவிக்கிறது. மேலும் மலையாள இயக்குநரின் சூர்யா47 படத்தை முடித்த பிறகுதான் இந்த படத்தில் சூர்யா இணைவார் என எதிர்பார்க்கப்படுகிறது.
சூர்யாவின் புது படங்கள் குறித்து வைரலாகும் எக்ஸ் பதிவு :
As per VP,
Telugu Directors VivekAthreya (Suryas Satuday) & BuchiBabuSana (Uppenna, Peddi) have narrated a story to #Suriya🤝
After completing JithuMadhavan film, Suriya might choose either of the directors🎬 pic.twitter.com/7x2LS7ubNQ— AmuthaBharathi (@CinemaWithAB) November 29, 2025
நடிகர் சூர்யாவின் நடிப்பில் இந்த 2025ம் ஆண்டில் வெளியாகும் என எதிர்பார்க்கப்பட்ட படம்தான் கருப்பு. இந்த படத்தை ஆர்.ஜே. பாலாஜி இயக்கியிருந்த நிலையில், திரிஷா கிருஷ்ணன் கதாநாயகியாக நடித்துள்ளார். இப்படத்தின் எடிட்டிங் பணிகள் நிறைவடையாத காரணத்தால், 2026ம் ஆண்டு ஜனவரியில் வெளியாகும் என வட்டாரங்கள் தெரிவிக்கிறது.
