Retta Thala: LIK படத்துடன் போட்டி இல்லை.. புது ரிலீஸ் தேதியை அறிவித்த அருண் விஜய்யின் ‘ரெட்ட தல’ படக்குழு!
Retta Thala Movie New Release Date: அருண் விஜய்யின் நடிப்பில் தமிழ் சினிமாவில் மிக பிரம்மாண்டமாக தயாராகிவந்த படம்தான் ரெட்ட தல. இந்த திரைப்படமானது வரும் 2025 டிசம்பர் 18ம் தேதியில் வெளியாகும் என படக்குழு அறிவித்திருந்த நிலையில், தற்போது புது ரிலீஸ் தேதியை படக்குழு அறிவித்துள்ளது.
தமிழில் பிரபல இயக்குநர்களில் ஒருவராக இருந்துவருபவர் கிரிஷ் திருக்குமரன் (Krish Thirukumaran). இவர் தமிழில் கடந்த 2015ம் ஆண்டு வெளியான மான் கராத்தே என்ற படத்தின் மூலம் இயக்குநராக அறிமுகமாகியிருந்தார். மேலும் இயக்குநர் ஏ.ஆர்.முருகதாஸுடன் (AR. Murugadoss) கஜினி மற்றும் சர்க்கார் (Sarkar) போன்ற படங்களிலும் இணைந்த கதையை எழுதியுள்ளார் என்பது குறிப்பிடத்தக்கது. இவரின் இயக்கத்தில் நடிகர் அருண் விஜய் (Arun Vijay) நடித்துவந்த அதிரடி ஆக்ஷ்ன் திரைப்படம்தான் ரெட்ட தல (Retta Thala). இதில் நடிகர் அருண் விஜய் 2 வேடங்களில் நடித்துள்ளார் என்பது குறிப்பிடத்தக்கது. இந்த படத்தில் அருண் விஜய்க்கு ஜோடியாக நடிகை சித்தி இத்னானி (Siddhi Idnani) மற்றும் தான்யா ரவிச்சந்திரன் (Tanya Ravichandran) என இரு நடிகைகள் இணைந்து நடித்துள்ளனர். இந்த படத்தை பிடிஜி யூனிவர்சல் என்ற தயாரிப்பு தயாரிக்க, சாம் சிஎஸ் (Sam CS) இசையமைத்துள்ளார். இவரின் இசையமைப்பில் இப்படத்திலிருந்து 2 பாடல்கள் வெளியாகி இணையத்தில் வைரலாகிவருகிறது.
இப்படமானது முதலில் 2025 டிசம்பர் 18ம் தேதியில் லவ் இன்சூரன்ஸ் கம்பெனி (Love Insurance Kompany) படத்துடன் வெளியாகும் என அறிவிக்கப்பட்டிருந்தது. இந்நிலையில் இந்த 2 படங்களும் ஒரே நாளில் வெளியாவதால் வசூல் பாதிக்கப்படும் என எதிர்பார்க்கப்பட்டது. இதை அடுத்தாக தற்போது புதிய ரிலீஸ் தேதியை படக்குழு அறிவித்துள்ளது. அதன்படி ரெட்ட தல படம் வரும் 2025 டிசம்பர் 25ம் தேதியில் கிறிஸ்துமஸ் பண்டிகையின்போது வெளியாகும் என படக்குழு அறிவித்துள்ளது.
இதையும் படிங்க: தந்தை சிவகுமாருக்கு டாக்டர் பட்டம்.. முதலமைச்சருக்கு நன்றி தெரிவித்த கார்த்தி!
அருண் விஜய்யின் ரெட்ட தல படத்தின் புதிய ரிலீஸ் தேதி அறிவிப்பு :
This Christmas, chaos has a new name. 🔥@arunvijayno1 ’s #RettaThala unleashes the action on 25th December.
Brace yourself! 💥👊Produced By- @bbobby @BTGUniversal
Directed By- @kris_thiru1
A @SamCSmusic ‘s Musical@SiddhiIdnani @actortanya #Johnvijay @editoranthony… pic.twitter.com/r9SOuMuDio
— BTG Universal (@BTGUniversal) November 29, 2025
இந்த ரெட்ட தல படமானது முழுக்க ஆக்ஷன் கேங்ஸ்டர் கதைக்களத்தில் தயாராகியுள்ளதாம். இந்த படத்தில் அருண் விஜய்யே கதாநாயகனாகவும், வில்லனாகவும் நடித்திருப்பதாக கூறப்படுகிறது. இதில் அருண் விஜய் ரெட்டை வேடத்தில் நடித்திருக்கும் நிலையில், எதிர்பார்ப்புகள் அதிகரித்துவருகிறது.
இதையும் படிங்க: தமிழ் சினிமாவை தொடர்ந்து மலையாள சினிமாவில் அறிமுகமாகும் துஷாரா விஜயன்!
இவரின் நடிப்பில் வெளியான மற்ற படங்களை ஒப்பிடும்போது இந்த ரெட்ட தல படம் மிகவும் வித்தியாசமான கதையில் உருவாகியிருப்பதாக திரையுலக வட்டாரங்கள் தெரிவிக்கிறது. மேலும் இப்படம் கிறிஸ்துமஸ் பண்டிகையை முன்னிட்டு வெளியாகும் நிலையில், நிச்சயமாக ரசிகர்களிடையே வரவேற்பு அளிக்கப்படும் என எதிர்பார்க்கப்படுகிறது.
