அல்லு அர்ஜூனுடன் புது படத்தில் இணையும் லோகேஷ் கனகராஜ்? அப்போ அது உறுதி!
Lokesh Kanagarajs Next Movie : தமிழ் சினிமாவில் மிகவும் பிரபலமான இயக்குநராக இருப்பவர் லோகேஷ் கனகராஜ். இவர் தற்போது ஹீரோவாக படங்களில் நடிக்க தொடங்கியுள்ளார். இவரின் இயக்கத்தில் கைதி 2 படம் உருவாகவுள்ள நிலையில், இப்படத்தை அடுத்ததாக தெலுங்கு நடிகருடன் படத்தில் இணையவுள்ளாராம்.
இயக்குநர் லோகேஷ் கனகராஜின் (Lokesh Kanagaraj) இயக்கத்தில் தமிழில் இறுதியாக வெளியான படம்தான் கூலி (Coolie). இந்த படத்தில் சூப்பர் ஸ்டார் ரஜினிகாந்த் (Rajinikanth) நாயகனாக நடித்திருந்த நிலையில், கடந்த 2025 ஆகஸ்ட் மாதத்தில் திரையரங்குகளில் வெளியாகியிருந்தது. இந்த படமானது மக்களிடையே கலவையான விமர்சனங்களை பெற்றிருந்த நிலையில் மொத்தமாக சுமார் ரூ 400 கோடிகளுக்கு மேல் வசூல் செய்ததாக தகவல் வெளியானது. இந்த படத்தை அடுத்ததாக லோகேஷ் கனகராஜ், இயக்குநர் அருண் மாதேஸ்வரனின் (Arun Matheswaran) இயக்கத்தில் “டிசி” (DC) என்ற படத்தில் ஹீரோவாக நடித்து வருகிறார். இந்த படத்தின் ஷூட்டிங் தொடங்கிய நிலையில், கடந்த சில நாட்களுக்கு முன் ஷூட்ங்கில் லோகேஷ் இணைந்திருந்தார். இப்படத்திற்கு அடுத்ததாகத்தான் கார்த்தியின் கைதி 2 படத்தில் இணைகிறார் என்று கூறப்பட்டது.
இப்படத்தின் ஷூட்டிங் 2026ம் ஆண்டு இடைப்பட்ட மாதத்தில் தொடங்கும் என கூறப்படுகிறது. இந்நிலையில், இந்த படத்தை அடுத்தாக இயக்குநர் லோகேஷ் கனகராஜ் எந்த நடிகரின் படத்தை இயக்குகிறார் என எதிர்பார்க்கப்பட்ட நிலையில், தெலுங்கு உச்ச நட்சத்திரமான அல்லு அர்ஜூனுடன் (Allu Arjun) இணைவதாக தகவல்கள் வெளியாகி வருகிறது.
இதையும் படிங்க: ஜன நாயகன் படத்தின் தமிழக ரிலீஸ் உரிமை எத்தனை கோடிக்கு விற்கப்பட்டுள்ளது தெரியுமா?
அல்லு அர்ஜுனின் AA23 திரைப்படத்தில் இணைகிறாரா லோகேஷ் கனகராஜ் :
சமீபத்தில் நடிகர் அல்லு அர்ஜுனை, இயக்குநர் லோகேஷ் கனகராஜ் சந்தித்ததாகவும் அவருக்கு புது விதமான ஸ்கிரிப்ட் ஒன்றை லோகேஷ் கனகராஜ் கூறியதாகவும் சினிமா வட்டாரங்கள் தெரிவிக்கிறது. இந்த கதையைக் கேட்ட அல்லு அர்ஜுன், அந்த கதைக்கு க்ரீன் சிக்னல் கொடுத்திருக்கிறாராம்.
இதையும் படிங்க: அவருக்கு சினிமா என்றாலே ரொம்பப் பிடிக்கும்.. எஸ்.ஜே. சூர்யாவை புகழ்ந்த கீர்த்தி ஷெட்டி!
இந்நிலையில் லோகேஷ் கனகராஜ் , அல்லு அர்ஜுனின் AA23 படத்தை இயக்குவதற்கு அதிக வாய்ப்புகள் இருப்பதாக தகவல்கள் தெரிவிக்கிறது. இந்த படத்திற்கு அனிருத் தான் இசையமைக்க உள்ளதாக கூறப்படுகிறது. ஆனால், இது குறித்த எந்தவித அதிகாரப்பூர்வ அறிவிப்புகளும் வெளியாகவில்லை என்பது குறிப்பிடத்தக்கது.
இணையத்தில் ரசிகர்கள் மத்தியில் வைரலாகிவரும் அல்லு அர்ஜுன்- லோகேஷ் கனகராஜ் படம் குறித்த பதிவு :
#LokeshKanagaraj in talks for a film with #AlluArjun 🤝🔥
After completing #Atlee film, AlluArjun to likely collaborate with Lokesh if it materializes🎯
Also there is no clarity when #Kaithi2 is gonna start, let’s see which film Lokesh is gonna take up next🤞 pic.twitter.com/A3SKVWjEKX
— AmuthaBharathi (@CinemaWithAB) November 27, 2025
லோகேஷ் கனகராஜ் டிசி பட ஷூட்டிங்கில் பிசியாக இருந்துவரும் நிலையில், இப்படத்தின் ஷூட்டிங் வரும் 2026ம் ஆண்டு பிப்ரவரி அல்லது மார்ச் மாதத்தில் நிறைவடையும் என எதிர்பார்க்கப்படுகிறது. அதை தொடர்ந்து கார்த்தியின் கைதி 2 படத்தை லோகேஷ் கனகராஜ் இயக்கவுள்ளார். இந்த படத்தின் ஷூட்டிங் 2027ம் ஆண்டில் நிறைவடையும் நிலையில், ஒருவேளை அல்லு அர்ஜூனுடன் லோகேஷ் கூட்டணி உண்மையானால் இந்த படத்தின் ஷூட்டிங் 2027ம் ஆண்டில்தான் தொடங்கும் என்பது குறிப்பிடத்தக்கது.
