அதிரடியாக சரிந்த தங்கம் விலை.. ஒரு சவரனுக்கு ரூ. 400 குறைந்து விற்பனை..

மே 26, 2026: உலக பொருளாதார நிலையில் நிலவும் சீரற்ற சூழ்நிலையின் காரணமாக தங்கத்தின் விலை ஏற்ற இறக்கத்தில் இருந்து வருகிறது. நேற்றைய தினம் தங்கத்தின் விலை அதிரடியாக உயர்ந்த நிலையில், இன்று சற்று சரிவைக் கண்டுள்ளது. ஒரு கிராம் தங்கம் ரூ.50 குறைந்து விற்பனை செய்யப்படுகிறது. அதேபோல், வெள்ளியின் விலையில் எந்த மாற்றமும் இல்லாமல், கடந்த சில நாட்களாக தொடர்ந்து அதே விலையில் விற்பனை செய்யப்பட்டு வருவதும் குறிப்பிடத்தக்கது.

சர்வதேச சந்தையில் நிலவும் பொருளாதார மாற்றங்கள் மற்றும் பணவீக்கத்திற்கு எதிரான பாதுகாப்பான முதலீடாக தங்கத்தை முதலீட்டாளர்கள் தேர்வு செய்து வருவதுதான் இந்த விலை ஏற்ற இறக்கத்திற்கு முக்கிய காரணமாகக் கூறப்படுகிறது.

மேலும் படிக்க: கார் விலை உயர்வு முதல் கேஸ் சிலிண்டர் வரை.. 2026 ஜூன் மாதம் அமலுக்கு வர உள்ள முக்கிய மாற்றங்கள்!

அதிரடியாக குறைந்த தங்கம் விலை:

சென்னையில் நேற்றைய தினம் ஆபரணத் தங்கம் ஒரு கிராம் ரூ.14,780-க்கு விற்பனை செய்யப்பட்ட நிலையில், இன்று ரூ.50 குறைந்து ரூ.14,730-க்கு விற்பனை செய்யப்படுகிறது. அதேபோல், ஆபரணத் தங்கம் ஒரு சவரன் ரூ.400 குறைந்து ரூ.1,17,840-க்கு விற்பனை செய்யப்படுகிறது.

மேலும் படிக்க: இந்தியாவில்15% ஆக உயர்ந்த தங்க இறக்குமதி வரி.. நகை வாங்க துபாய்க்கு படையெடுக்கும் இந்தியர்கள்!

மேலும், 24 கேரட் தங்கம் ஒரு கிராம் ரூ.16,069-க்கும், ஒரு சவரன் ரூ.1,28,552-க்கும் விற்பனை செய்யப்படுகிறது.

இந்த சூழலில், வெள்ளியின் விலையில் கடந்த சில நாட்களாக எந்த மாற்றமும் இல்லாமல் தொடர்ந்து அதே விலையில் விற்பனை செய்யப்பட்டு வருகிறது. ஒரு கிராம் வெள்ளி ரூ.295-க்கும், ஒரு கிலோ வெள்ளி ரூ.2,95,000-க்கும் விற்பனை செய்யப்படுகிறது.

தங்கம் விலை ஏற்ற இறக்கத்திற்கு என்ன காரணம் ?

உலகளவில் நிலவி வரும் புவிசார் அரசியல் பதற்றங்கள் மற்றும் பணவீக்கப் பயம் காரணமாக, உலக முதலீட்டாளர்கள் தங்களது பணத்தை பாதுகாப்பாக வைத்திருக்க தங்கத்தை முதன்மைத் தேர்வாக கருதி முதலீடு செய்து வருகின்றனர். முதலீடுகள் அதிகரிக்கும் நிலையில், ஆபரணத் தங்கத்தின் விலை எட்டாத உயரத்தை நோக்கி சென்று வருகிறது.

அதேபோல், அண்மையில் இந்திய அரசும் தங்கத்தின் மீதான இறக்குமதி வரியை உயர்த்தியுள்ளது. 6 சதவீதமாக இருந்த இறக்குமதி வரி தற்போது 15 சதவீதமாக உயர்த்தப்பட்டுள்ளது. தொடர்ந்து இதுபோன்ற பல்வேறு காரணிகளால் தங்கத்தின் விலை ஏற்ற இறக்கத்தில் இருந்து வருகிறது.