தங்கம் விலை மீண்டும் உயர்வு.. ஒரே நாளில் கிராமுக்கு ரூபாய் 70 அதிகரிப்பு

ஜூன் 27, 2026: ஜூன் மாதம் தொடங்கியதில் இருந்து தொடர்ந்து சரிவைச் சந்தித்து வந்த தங்கம் விலை, கடந்த இரண்டு நாட்களாக மீண்டும் அதிரடி உயர்வைக் கண்டு வருகிறது. இதனால், தங்கம் விலை மேலும் உயரும் என்ற அச்சம் நகை வாங்க திட்டமிட்டுள்ள பொதுமக்கள் மற்றும் முதலீட்டாளர்கள் மத்தியில் எழுந்துள்ளது. அதே நேரத்தில், வெள்ளி விலையில் இன்று எந்த மாற்றமும் ஏற்படவில்லை.

அந்த வகையில், ஜூன் 27-ஆம் தேதியான இன்று, ஆபரணத் தங்கத்தின் விலை ஒரு கிராமுக்கு 70 உயர்ந்து விற்பனை செய்யப்படுகிறது. கடந்த இரண்டு நாட்களாக தங்கம் விலை தொடர்ந்து அதிகரித்து வருவதால், நகை வாங்குவோர் மீண்டும் கூடுதல் செலவைச் சந்திக்க வேண்டிய சூழல் உருவாகியுள்ளது. ஜூன் 26-ஆம் தேதியைப் பொருத்தவரையில், ஒரு கிராம் ஆபரணத் தங்கத்தின் விலை 80 உயர்ந்து 13,300-க்கும், ஒரு சவரன் 1,06,400-க்கும் விற்பனை செய்யப்பட்டது.

அதிரடியாக உயர்ந்த தங்கம் விலை:

இந்த நிலையில், ஜூன் 27-ஆம் தேதி, ஒரு கிராம் ஆபரணத் தங்கத்தின் விலை மேலும் 70 உயர்ந்து 13,370-க்கும், ஒரு சவரன் 560 உயர்ந்து 1,06,960-க்கும் விற்பனை செய்யப்படுகிறது. அதேபோல், 24 கேரட் சுத்தத் தங்கத்தின் விலை ஒரு கிராமுக்கு 14,585-க்கும், ஒரு சவரன் 1,16,680-க்கும் விற்பனை செய்யப்படுகிறது.

வெள்ளி விலையில் எந்த மாற்றமும் இல்லாமல், ஒரு கிராம் வெள்ளி 245-க்கும், ஒரு கிலோ வெள்ளி 2,45,000-க்கும் விற்பனை செய்யப்பட்டு வருகிறது.

ஜூன் மாதத்தில் கடுமையான சரிவை சந்தித்த தங்கம் விலை:

ஜூன் மாதத்தின் தொடக்கத்தில் இருந்து சர்வதேச சந்தையில் ஏற்பட்ட விலை மாற்றங்கள் மற்றும் முதலீட்டு சூழல் காரணமாக தங்கம் விலை தொடர்ந்து சரிவைக் கண்டது. ஒரு கட்டத்தில், ஒரு கிராம் தங்கத்தின் விலை 14,000-க்கும் கீழ் குறைந்து விற்பனை செய்யப்பட்டதால், நகை வாங்குவோர் மற்றும் பொதுமக்கள் மகிழ்ச்சி அடைந்தனர். பலரும் இந்த விலை சரிவைப் பயன்படுத்தி தங்க நகைகள் மற்றும் தங்க நாணயங்களை வாங்க ஆர்வம் காட்டினர்.

ஆனால், கடந்த இரண்டு நாட்களாக நிலைமை மாறியுள்ளது. தங்கம் விலை தொடர்ந்து உயர்ந்து வருவதால், வரும் நாட்களில் விலை மேலும் அதிகரிக்குமா என்ற எதிர்பார்ப்பும் நிலவி வருகிறது. குறிப்பாக, திருமண நிகழ்வுகள் மற்றும் பிற விசேஷங்களுக்கு நகை வாங்கத் திட்டமிட்டுள்ளவர்கள் தற்போதைய விலை உயர்வால் கவலை அடைந்துள்ளனர்.

சர்வதேச சந்தையில் தங்கத்தின் விலை நிலவரம், அமெரிக்க டாலரின் மதிப்பு, கச்சா எண்ணெய் விலை மற்றும் உலக பொருளாதார சூழல் போன்ற காரணிகளைப் பொறுத்தே தங்கம் விலையில் அடுத்தடுத்த நாட்களில் ஏற்ற, இறக்கங்கள் இருக்கும் என சந்தை வல்லுநர்கள் தெரிவித்து வருகின்றனர். எனவே, தங்கம் விலை அடுத்த சில நாட்களிலும் கவனிக்க வேண்டிய முக்கிய அம்சமாக இருக்கும் என எதிர்பார்க்கப்படுகிறது.