நகை வாங்குவோருக்கு மகிழ்ச்சியான செய்தி.. தங்கம், வெள்ளி விலையில் தொடர் சரிவு..

ஜூன் 30, 2026: ஜூன் மாதம் தொடங்கியதிலிருந்து தங்கம் விலை தொடர்ந்து ஏற்ற, இறக்கத்துடன் இருந்து வருகிறது. மாதத் தொடக்கத்தில் இருந்து சரிவை சந்தித்த தங்கம் விலை, கடந்த சில நாட்களுக்கு முன்பு அதிரடியாக உயர்ந்தது. இந்த நிலையில், கடந்த இரண்டு நாட்களாக மீண்டும் தங்கம் விலை சரிந்து வருகிறது. ஜூன் 30-ஆம் தேதியான இன்று, ஒரு கிராம் ஆபரணத் தங்கத்தின் விலை ரூ.270 குறைந்து விற்பனை செய்யப்படுகிறது. இதனால், ஒரு சவரனுக்கு ரூ.2,160 வரை விலை குறைந்துள்ளது.

அதிரடியாக குறைந்த தங்கம் விலை:

அதன்படி, இன்று 22 காரட் ஆபரணத் தங்கம் ஒரு கிராம் ரூ.13,030-க்கும், ஒரு சவரன் ரூ.1,04,240-க்கும் விற்பனை செய்யப்படுகிறது. அதேபோல், 24 காரட் தங்கம் ஒரு கிராம் ரூ.14,215-க்கும், ஒரு சவரன் ரூ.1,13,720-க்கும் விற்பனை செய்யப்படுகிறது.

இதற்கிடையில், வெள்ளி விலையும் தொடர்ந்து சரிவை சந்தித்து வருகிறது. கடந்த சில மாதங்களுக்கு முன்பு ஒரு கிராம் வெள்ளி ரூ.300 வரை விற்பனையான நிலையில், தற்போது ரூ.250-க்கும் கீழ் குறைந்துள்ளது. இன்றைய நிலவரப்படி, ஒரு கிராம் வெள்ளி ரூ.5 குறைந்து ரூ.240-க்கும், ஒரு கிலோ வெள்ளி ரூ.2,40,000-க்கும் விற்பனை செய்யப்படுகிறது.

மேலும் படிக்க: 2016 முதல் 2026 வரை.. 10 ஆண்டுகளில் தங்கம் எவ்வளவு லாபத்தை கொடுத்துள்ளது?

தங்கம் விலை சரிய என்ன காரணம்?

பொருளாதார நிபுணர்களின் கருத்துப்படி, அமெரிக்க டாலரின் மதிப்பு வலுவடைந்து வருவதும், உலகளாவிய பங்குச் சந்தைகளில் நிலவும் சாதகமான சூழலும் தங்கம் விலை சரிவுக்கு முக்கிய காரணங்களாகக் கூறப்படுகின்றன. மேலும், முதலீட்டாளர்கள் தங்கத்தில் முதலீடு செய்வதை குறைத்து, பிற முதலீட்டு வாய்ப்புகளில் கவனம் செலுத்தி வருவதால், சர்வதேச சந்தையில் தங்கத்திற்கான தேவை சற்று குறைந்துள்ளதாகவும் தெரிவிக்கப்படுகிறது.

மேலும் படிக்க: 2026 ஜூலை மாதத்திற்கு தாக்கல் செய்ய வேண்டிய மூன்று முக்கிய வரிகள்.. என்ன என்ன?

இதன் காரணமாக, வரவிருக்கும் நாட்களிலும் தங்கம் விலையில் மேலும் சிறிய அளவிலான ஏற்ற, இறக்கங்கள் தொடரக்கூடும் என பொருளாதார நிபுணர்கள் கணித்துள்ளனர்.