நகை வாங்கும் திட்டம் இருக்கா? தங்கம் விலையில் மாற்றமா? இன்றைய நிலவரம்..

ஜூலை 4, 2026: தமிழகத்தில் தங்கம் மற்றும் வெள்ளி விலை கடந்த சில நாட்களாக உயர்வைக் கண்டு வந்த நிலையில், ஜூலை 4-ஆம் தேதியான இன்று விலையில் எந்த மாற்றமும் இல்லாமல், நேற்றைய விலையிலேயே விற்பனை செய்யப்பட்டு வருகிறது. தங்கம் விலையைப் பொறுத்தவரையில், கடந்த வாரம், அதாவது ஜூலை மாதம் தொடங்கியதிலிருந்தே தொடர்ந்து உயர்வைக் கண்டு வந்தது. நேற்றைய தினம் ஒரு கிராம் தங்கத்தின் விலை ரூ.150 உயர்ந்த நிலையில், இன்று எந்த மாற்றமும் இல்லாமல் அதே விலையில் விற்பனை செய்யப்படுகிறது.

இன்றைய தங்கம் வெள்ளி விலை நிலவரம்:

அந்த வகையில், சென்னையில் 22 காரட் ஆபரணத் தங்கம் ஒரு கிராம் ரூ.13,700-க்கும், ஒரு சவரன் ரூ.1,09,600-க்கும் விற்பனை செய்யப்படுகிறது. அதேபோல், 24 காரட் தூய தங்கம் ஒரு கிராம் ரூ.14,945-க்கும், ஒரு சவரன் ரூ.1,19,560-க்கும் விற்பனை செய்யப்படுகிறது.

மேலும் படிக்க: தங்கத்தில் முதலீடு செய்ய இதுதான் சரியான நேரம்.. கை நிறைய லாபத்தை அள்ளலாம்.. கோட்டக் செக்யூரிட்டி வெளியிட்ட முக்கிய கணிப்பு!

வெள்ளி விலையிலும் இன்று எந்த மாற்றமும் இல்லாமல், நேற்றைய விலையிலேயே தொடர்ந்து விற்பனை செய்யப்படுகிறது. அந்த வகையில், ஒரு கிராம் வெள்ளி ரூ.260-க்கும், ஒரு கிலோ வெள்ளி ரூ.2,60,000-க்கும் விற்பனை செய்யப்பட்டு வருகிறது.

தங்கம் மற்றும் வெள்ளி விலையைப் பொறுத்தவரையில், கடந்த மாதமான ஜூன் மாதத்தில் குறிப்பிடத்தக்க சரிவைக் கண்டிருந்தது. குறிப்பாக, ஒரு கிராம் தங்கத்தின் விலை ரூ.14,000-க்கும் மேல் குறைந்து விற்பனையான நிலையில், ஜூலை மாதம் தொடங்கியதிலிருந்து மீண்டும் தொடர்ந்து உயர்ந்து வருகிறது.

தங்கம் விலை ஏற்ற இறக்கத்திற்கு என்ன காரணம்?

தங்கத்தின் விலை பல்வேறு காரணிகளை அடிப்படையாகக் கொண்டு நிர்ணயிக்கப்படுகிறது. குறிப்பாக, உலகப் பொருளாதார நிலை, புவிசார் அரசியல் பதற்றம், அமெரிக்க டாலரின் மதிப்பு, சர்வதேச சந்தை நிலவரம் உள்ளிட்ட காரணிகள் தங்கம் விலையில் மாற்றத்தை ஏற்படுத்துகின்றன. இந்த காரணிகளின் தாக்கத்தால் தான் சமீப காலமாக தங்கம் விலை ஏற்ற, இறக்கத்துடன் இருந்து வருகிறது.

குறிப்பாக, 2026 ஜனவரி மாதத்தில் ஒரு கிராம் 22 காரட் ஆபரணத் தங்கம் ரூ.16,800-க்கும் அதிகமாக விற்பனை செய்யப்பட்ட நிலையில், தற்போது அதன் விலை ரூ.13,700 ஆக குறைந்திருப்பது குறிப்பிடத்தக்கது.