Trisha Krishnan

தமிழ் சினிமாவின் முன்னணி கதாநாயகியாக இருப்பவர் த்ரிஷா. 1983 ஆம் ஆண்டு மே 4ஆம் தேதி சென்னையில் பிறந்த த்ரிஷா 1999 ஆம் ஆண்டு வெளியான ஜோடி படத்தில் ஒரு காட்சியில் நடித்து சினிமாவில் அறிமுகமானார். 2002 ஆம் ஆண்டு தமிழில் வெளியான லேசா லேசா படத்தில் ஹீரோயினாக நடித்திருந்தாலும் அவரது அறிமுக படமாக அதே ஆண்டில் மௌனம் பேசியதே வெளியானது. தமிழில் ரஜினிகாந்த், கமல்ஹாசன், விஜய், அஜித், விக்ரம், சூர்யா, சிலம்பரசன், கார்த்தி, தனுஷ், ஜெயம் ரவி, விஜய் சேதுபதி என அத்தனை ஹீரோக்களுடனும் ஜோடி சேர்ந்த ஒரே நடிகை திரிஷா மட்டும்தான். அது மட்டுமல்லாமல் தெலுங்கு, மலையாளம், கன்னடம் போன்ற மொழிகளிலும் அவர் முன்னணி ஹீரோயினாக வலம் வருகிறார். தமிழ் சினிமாவில் தொடர்ந்து 23 ஆண்டுகளாக ஹீரோயினாக வலம் வருபவர் என்ற சிறப்பை பெற்ற ஒரே ஒருவர் த்ரிஷா மட்டும் தான். அவர் தொடர்பான செய்திகளை இந்த தொகுப்பில் காணலாம்