சிவகார்த்திகேயன்

கோலிவுட் சினிமாவில் வளர்ந்துவரும் நடிகர்களில் ஒருவராக திகழ்பவர் சிவகார்த்திகேயன். இவர் கடந்த 1985ம் ஆண்டு தமிழத்தில் உள்ள சிவகங்கை மாவட்டத்தில் பிறந்தார். இவர் ஆரம்பத்தில் தனியார் தொலைக்காட்சி ஒன்றில் தொகுப்பாளராக பணியாற்றிவந்த நிலையில், அதன் மூலம் மக்களிடையே பிரபலமானார். இந்த பிரபலத்தை கொண்டு சினிமாவில் நுழைந்த இவருக்கு, ஆரம்ப படங்களில் ஓரளவுதான் வரவேற்புகள் கிடைத்திருந்தது. அந்த வகையில் இவருக்கு சினிமாவில் முதல் படமாக அமைந்தது மெரினா. கடந்த 2011ம் ஆண்டில் வெளியான இப்படத்தை இயக்குநர் பாண்டிராஜ் இயக்கியிருந்தார். இப்படத்தை அடுத்து சில படங்களில் துணை வேடத்திலும் நடித்திருக்கிறார். தனது நகைச்சுவை ஜானர், டைமிங் காமெடி மூலம் மக்களிடையே பிரபலமானார். அந்த வகையில் சிறு சிறு படங்களில் நடித்துவந்த இவர், தற்போது உச்ச நடிகர்களுக்கே போட்டிபோடும் அளவிற்கு வளர்ந்துள்ளார். அதில் இவருக்கு வெற்றிவாகை சூடிய படமாக அமைந்தது 2024ல் வெளியன் அமரன். இந்த படத்தை அடுத்ததாக ஆக்ஷன் கதைகளை தேர்ந்தெடுத்து நடித்துவருகிறார். தற்போது இவருக்கும் ரசிகர்கள் பட்டாளம் அதிகரித்துவருகிறது என்பது குறிப்பிடத்தக்கது